[Need not to know]

أيضا؛

5- اسبوع وحاول انك تاكله من يدك وتمد يدك له بحركه بطيئه واذا اخذ الاكل ورماه عادي كرر المحاوله ولا تيأس..
لما يبداء ياخذ الاكل من يدك حاول بحركه بطئيه تحسس على منقاره واذا كان حاول يعضك قوله كلمة عيب او لا.

إزا رمى الأكل معناتو إنو خايف ومعتبر إنك بتهاجمو بالأكل عشان كدا يرمي باعتبار إنو أنتصر عليك، إنتا بس حط يدك وفيها الأكل لا تحاول تقرب يدك وتقربلو الأكل لأنو حيحسبو هجوم.
لما ياخد الأكل خلي يكمل لا تمسد على منقارو أو تعمل أي حركة معا لأنو حيحسب إنك حتاخد منو الغنيمة اللي هيا الأكل اللي أخدو منك، سيبو على راحتو، فدا الوقت حتى إزا قلتلو عيب أو لأ وسويت نفسك زعلان منو مهي فارقة معا لأنو مو معتبر إنك صاحبو أصلا.

إزا جلس ياكل وبعدين راح في طرف القفص معناتو إنو شبع واكتفى من الأكل سيبو، إزا شفتو نشيط بعد الأكل ويبغا يلعب ألعب معا.

لما غيرت مكانه كنت اسمع قران اول ماشغلت قران لين طفيته وهو يصفر .. تهقون فيه جني؟؟

هوا يحب الأصوات، وقبل كدا في موضوع كتبو سكر إنو لاحظ إنو كل ما يفتح جهاز يطلع صوت زي مكينة الحلاقة يلاقي البغبغان مبسوط وبيصفر ويتكلم، بس قال استمر في دي الحركة ربع ساعة بالكتير مو طول اليوم.
والصفير دليل على إنو بدأ بتعود عالبيت، طبعا أهم شي يتعود عالبيت والمكان ويكون في قفص في مكان عالي عشان يتعود، لأنو مستحيل تعودو عليك في بيئة هوا خايف فيها.

عفواً عندي سؤال ياحلوين معليش بزعجكم هالاسبوعين .. ابي اربطه عادي اربطه بسلسله والا حبل والا سلك والا واير سياره والا وش بالضبط وهل له تاثير عليه وكم طول السلسله تكون

واستفساري الثاني .. يوجد حلقه مثل الخاتم في رجله لكن مو مكتوب عليها شي .. وش وضعها هذي؟؟ اقصد وش فايدتها والا بس تشخيص

زي ما قال أحمد بلاشي من الربط، وبالنسبة للحلقة نسيت حقت إيش، لكن هيا مهمة لملاك الطيور، ومكتوب فيها متى اتولد والمزرعة اللي اتربى فيها أعتقد، بس مو دايما تكون أصلية، أحيانا تكون مغشوشة وهوا ما علي حلقة أصلا بس حطوها عشان يزودو السعر، لأنو الحلقة دي زي حكاية النقاء في الكلاب والقطط بالنسبة للسعر.