[LoveNight]

طير جارح


تسلم حبيبي ..وحياك الله احترم رايك وخبرتك وخبره اي انسان مارس الهوايه سنوات على عيني وراسي .. بس اللي اقصده هل ممارستك لهالهوايه حتى وان كانت لسنوات على اساس صحيح ! ام انها اجتهادات شخصيه ! انا مو ضد الاجتهادات بس اتوقع جا الوقت اننا نكون على مستوى مرضي بالهوايه مقارنه بكميات الطيور اللي تدخل عندنا !

وبالنسبه للي من اول مايشتري خلاص يعتبرونه خبير هذي المصيبه اللي صايره هنا للاسف ولا فيه امل تروح .. عندنا عقده اننا تبعيين زي ماقلت

الله يعطيك العافيه على مرورك واي اضافه بالموضوع راح تخليه يستمر والكل يشارك ويقول رايه ..

تحياتي لك ويعطيك الف عافيه

غسان الاشقر

الشكر كله لك يا الغالي على مشاركتك وتعليقك على الموضوع بهالشكل الجميل

وكلامك تتمه للموضوع واضافه له الكثير ومثل ماقلت سابقا المشكله في الجهل عندنا .. ومانحط اعتبارللشي اللي نقتنيه ولا يعتبرونه روح فيها اجر وذنب .. يعتبر حيوان اذا مات بكيفه نجيب غيره بس على شان العيال الصغار يستانسون ..ومعروفه القصص والاحاديث عن حرمه تعذيب واهمال الحيوانات وكيف انه ممكن تدخل النار بسببها ..

اتمنى فعلا يجي اليوم اللي يكون عندنا ناس محترفين لايبخلون على اي انسان هاوي ومبتدىء باي معلومه ..ولا تعتبر الهوايه فيها اسرار ولا ماصارت هوايه وتحولت الى مافيا .. ولاننسى انه هناك جانب من الموضوع يعتمد كما قلت على المتلقي اللي ماعنده استعداد يبحث ويثقف نفسه لو شوي

تحياتي لك ويعطيك الف عافيه واتمنى تستمر معنا بالنقاش
تسلم حبيبي


شاهيـن

تسلم اخوي شاهين على كلماتك المختصره والتي اصابت صلب الموضوع .. يعطيك الف عافيه

تحياتي لك



زياد الغامدي

الله يعطيك العافيه اخوي زياد على مرورك وكلامك الجميل .. وشاكر لك توضيحاتك ومثل ماقلنا مافيه شي ناقصنا لو تفتح عياده متخصصه على مستوى عالي من الخبره اكيد بنروح لها كلنا بس اهم شي يبعدون عن الطمع .. مو عيب انهم يربحون بس على الاقل يخافون الله في امانتهم .. وهالشي مو صعب بس مين مستعد

تحياتي والله يعطيك العافيه

ابو سفر

الله يسلمك ابو سفر يكفي مرورك وان شاءالله تشاركنا بشي ثاني
وتقبل تحياتي



ابوميسون

وبيض الله وجهك تسلم ابو ميسون وحفظك الله وين ماكنت
تحياتي


hnoo

الله يعطيك العافيه تسلمين على كلامك الطويل حنا هذا اللي نحتاجه ماراح تفيدنا الاختصارات ..

وكلامك حقيقه اضاف للنقاش الكثير .. هذي المشكله مازال يعامل الحيوان على انه جماد تشتريه بس على شان الصغار يلعبون فيه وينتقون ريشه ويموت مسكين .. وبالاخير يشتري لهم شي ثاني وعلى هالطريقه لين تتراكم على ظهره الذنوب .. حرام حقيقه
لكن اتمنى يجي وقت نبعد عن موضوع التقليد والعشوائيه واذا حب الواحد يقتني شي يقتنيه من باب الحب لهالشي مو بس خطر في بالك وخلاص ..

مثال الطير الاعجوبه اليكس اللي في امريكا مدري وين طبعا مات بس شفتو يمكن كيف مستواه .. وش يدرينا يمكن مر علينا واحد بنفس ذكائه بس ماحصل من يدربه ! تلقينه عند اطفال عذبوه لين مات

للاسف الموضوع طويل بس نقول ان شاءالله تتغير بعض الامور عندنا

الله يعطيك العافيه وتسلمين على مرورك