[nasser1430]

المشاركة الأصلية كتبت بواسطة 0030879

عاشت الأسامي يا اخوي ناصر

وانا ماذكرت اسمك لأني وانا اتكب الرد نسيته فالعذر والسموحة

وانا لا أحاسب ولا أراقب ، انا رديت على موضوع في العام
وردي كان مجرد تذكير " وذكر فأن الذكرى تنفع المؤمنين "

وسالفة البنغلاديشيين انا ماني محامي لهم بغض النظر عن الجنسية الأسلوب اللي اتجه له الموضوع يفوح بالعنصرية ، ولا اتكلم عن كتابتك انت فقط عن ردود الأعضاء فقط

والبنغالة اللي تقول والله موجودين بكل الدول اللي رحت لها ،
وانا ما أمدح فيهم لكنهم في كل مكان
لقيتهم في لندن ، وفي مدريد ، ولقيتهم في ايطاليا وفي نيويورك

والناس هذولي بشر مثل اي بشر ، ناهيك عن انهم مسلمين اخوان لنا في الدين

وسالفة المذهب ، مايمهنا المذهب دامهم من اهل لا إله إلا الله
وهم أحناف من اهل السنة والجماعة يعني مايفرقون عنا في شيء

انا اقول لك وش عيب بنغلاديش

عيبها الفقر ، وعدد السكان اكبر بكثير من مساحة الدولة ، والأمية منتشرة

ومهما شفنا منهم من إجرام ، ففي كل شعب الصالح والطالح

هل الباكستانيين "كلهم" مهربين مخدرات؟؟؟

مجرد مثال

انت لو تشوف سمعة السعودي في بعض الدول تموت قهر ، واحنا دايم نقول ياجماعة هذولي ما يمثلونا ، احنا مو كذا

وانا اتوقع البنغال مثلنا بشر مثلنا عيال ادم وحواء

ومهما كان فيهم من أشخاص مجرمين أو غشاشين لا يعني هذا ان الشعب كله كذا

وتسميتهم "جرذان الأرض" من قبل دول أوروبية ، هل تدري وش يسموننا نحنا يالسعوديين؟؟؟

وماذا يسمون المسلمين والعرب؟؟؟

ماعلينا من تسمياتهم

وانا ما قلت كل واحد "حر بحلاله"

اقول كل انسان "حريص على حلاله"


طيب لحظة ياخي
انا اعرف محلات مافيها ولا بنغالي واحد

ويبيعون الطيور بأضعاف أضعاف !! يعني هذا مو غش بعد
سواء صاحب المحل سعودي ولا سوري ولا بنغالي

الغش غش ماله علاقة بالجنسية

ودخول المحلات والله دايم ادخل المحلات
واصدقاء لي اصحاب محلات
والسوق هذا دايم أفر فيه وبأكثر من مدينة ولا شفت اللي تقول عليه


وانا والله ما احط الثقة لا في البنغالي ولا غيره ، وما ادري وش علاقة هالكلام بالموضوع


شاكر ومقدر لك واتمنى تعذرني على الإطالة ولكن إستوجب كلامك التوضيح

حتى لا يظن احد اني اتهمك او تتهمني

الله يعطيك العافية

هلا بأخوي ( 0030879 ) ... ولك مثل ما قلت من الكلام الطيب والجميل

و لا أريد الإطالـــــة ... لكن يعلم الله العلي العظيم أن ما ذكرته صار أمام عيناي

يمكن لم يمر عليك على طول مدة تربيتك للطيور ... لكن أنا صار أمامي

وهذا أسأل عنه أمام الله .. والقصد ليس تشويه سمعة هذه الجنسية

لكن التنبيه منهم واجب ... ولست أنا فقط بل كل وسائل الإعلام المرئية

والمقرؤه .. ومنها الانترنت وهو أقل وسيلة توصل بها المعلومة ... ينبهون منهم .

أحترم كل كلمه كتبتها أناملك ... وأحترم شخصك الكريم

وفي الختام نسأل الله أن يكفينا شرهم ... تقبل خالص إحترامي لك .


وأشكر الاخوان والاخوات على مشاركاتهم وتعليقهم على الموضوع ... وعسى أن تصل النصيحة للكل .