[سكر]

المشاركة الأصلية كتبت بواسطة الغزاله المجروحه

تسلم اخوي سكر وماقصرت .. بس انا دورت بالمنتدى ومالقيت موضوع بخصوص اني يوم اطلعه من القفص ابدا مايرضى يرجع وبصعوبه جدا لذلك اضطر الي ان ايب له قطعه قماش وامسكه ويقعد يصارخ وبغصب يدخل واحسه انه يتخبل يوم يدخل يعني مايبا يدخل القفص ابدا .. والحين هو ياكل من ايدي حب وفول سوداني بس مايرضى ياكل اي شي ثاني حتى مع التجويع لاني جوعته لمدة 7 ساعات وعطيته رقيه بس رفض وقعد يصارخ ..

وبخصوص الفول السوداني لازم اقدمه له مقشر عشان ياكله بس اذا مو مقشر يرميه واسفه على الازعاج
وشكرا لكم .. .

العفو يا أختي

فيه طريقة سهله لإخراج الببغاء وارجاعه للقفص,,

تقدري تفكي سقف القفص من فوق وتبعدي شوي راح يطلع

ولما ترجعيه خليه يتعلق في الشبك اللي فكيتيه (شبك سقف القفص)

بس خليه يتعلق من الداخل وركبي الشبك من جديد والببغاء يصير في الداخل,,

لكن في كل الأحوال كلها فترة بسيطة بمحاولاتك الحالية ويصير يطلع بسهولة ويرجع بسهولة

لأنه للحين ما استوعب الموضوع


بالنسبة للتجويع,, ما أنصحك تجوعي الافريقي لأنه مو دائماً ينفع معاه اسلوب التجويع

ولو تطلعي على هرم ماسلو (نسبة للعالم الشهير المهندس ابراهام ماسلو)

راح تفهمي ليه ما ينفع مع الرمادي اسلوب التجويع بسبب خوفه الشديد,,

اكتفي بإستطعامه للقليل من الطعام الجديد

والتزمي بالصبر وعدم استعجال النتائج

وربي يوفقك