وعليكم السلام
اخوي ببغائك يلتفت عليك لسبب انه وده يتواصل معك ويحاول يتعلم الكلام
واذا كان يلتفت عليك ويقرب شوي هذا يعني انه منتبه معك ومركز في الكلام اللي تقوله
بس طبعا ماراح يفهم معناه الا اذا اتعلمه مع رابط (راجع مواصيع المنتدى عشان تعرف وش تعليم
الكلام بالرابط)
واذا جيت مثلا تكلمه وشفته التفت على الجهه الثانيه وعطاك ظهره هذا يعني انه ماوده
يجلس يسمعك في هذا الوقت
ودامه منتبه معك حاول تعلمه الكلام
مثلا قوله لين قمت الصبح "كوكي" او اسمه يعني
حاول تبدأ بكلمات صغيره واذا تعلمها
تقدم على كلمات اطول وجمل
وحاول دايما انك تجلس جنبه (سواء كان في القفص او خارج القفص) وتكلمه بصوت هادي وبشويش
واذا كنت تبي تعلمه كلمه حاول تنطقها بصوت معقول او طبيعي و اخرج الحروف صحيحه
وان شاء الله اكون ساعدتك اخوي
