[medozoom]

اخوي medozoom اذا انت هاوي الطيور لا تقول تعبت اوكيه,,,


ابشر ما راح اقول تعبت لكن بجد جنني الطير

اسمع مني وجرب الحركه هذي في الصباح قبل ما تغير له الاكل والماي شيل القفص وحطه في

غرفه ما فيها اي شيء يلفت انتباهه الا انت وحط الستاره ع النافذه طيب,,

حلو الكلام معاك انا


طلع برى القفص وخلك معاه طبعا راح يبتعد كل ما قربت منه ما عليك خلك وراه ولاتيأس ,,,

إلين هنا حلو


طبعا اكيد راح يطير من القفص وينزل على الارض وهذا مربط الفرس,,

بحاول اخليه يطير من فوق القفص عشان امشي معاك صح


تبدأ مع الجد أول شيء طلع القفص برى الغرفه لا يشوفه حلو,,,

الله عليك حلو


الحين راح يحتد عليك ابدأ عطه الفول السوداني او الحب وانت تعطيه راح يقرب يبي ياكل عطه

باليسار

هذي ما فيها مشكله بسويها إن شاء الله


وقرب ساعد يدك اليمين وسكر يدك المين مثل البوكس عشان ما يقدر يعضك ولا تخااااف

الخوف موجود شوي لانه طوالي يعض ايدي بجرب كلامك ما عليك


خلك صامل راح يطلع غصب عليه اول ما يطلع ارفع يدك فوق راسك طبعا وانت رافعه امسك

رجله على خفيف عشان ما يطير بعد كذا اجتزت 50 % من التدريب ,,

شوي يبيلها تزبيط هالحركه لكن راح اصمل بإذن الله واسويها


من وجه نظري ان الطير لما يطلع ع يدك الباقي بسيط راح يترك العظ اول وبعدين مع الوقت تقدر

تحك راسه وتبوسه بعد,,,

يا رب الله يسمع منك يا ابو محمد ويبارك فيك ويبارك لك في محمد


على فكره من طير الى طير يختلف ممكن تأخذ معك ساعتين ,4,يوم,اسبوع انت وشطارتك لكن

اذا حسيت ما تجاوب معك لا ترهقه ,,,

ابشر

وبعدين الطير كمل شهر وهذا الوقت المناسب انك تدربه.

دعواتك لنا

ملاحظه :

تحسب لأي جرح خذ من الصيدليه شطرطون القوي حق الجروح ولزق ع اصابعك ترى عض

الامازوني يذبح اسأل المجرب ولا تسأل طبيب.

والله انا المجرب لو اصور لكم ايدي اظن تخافون من الاخ الامازوني لكن لازم اكسر شخصيته
وراح اوافيك يالغالي بالي يصير معاي

ورد علي اوكييه.




ابشر الله يبشرك ويبشر من يقرا بالجنه

ابو محمد احرجتي بردك ومجهودك

لكن ان شاء الله تسمع خبر يرضيك

لك ودي