|
ابغى اشتري كاسيكو من السعوديه او البحرين و عندي لكم درزن اسئله
السلام عليكم و رحمة الله و بركاته
بحدود كم اسعار فروخ الكاسيكو في البحرين و المنطقة الشرقيه ؟ ابي اماكن تبيع فروخ كاسيكو باسعار معقولة و وين مكانها بالظبط و اسمائها (البحرين و المنطقة الشرقيه )؟ ما هي افضل فصيلة من الكاسيكو للتربيه و افضلها بالكلام ؟ في أي عمر يبدأ طير الكاسيكو بالكلام المفهوم ؟ و ياليت تعطوني اليوم و الوقت الي تقوم فيه المزادات و ذروة البيع في هذي الاسواق و ما معنى الطير المحجل |
رد: ابغى اشتري كاسيكو من السعوديه او البحرين و عندي لكم درزن اسئله
مراحب أخوي بالنسبه للكاسكو أفضل شيء تأخذ جامبو محجل ويقولون ان الهولندي افضل مع اني
اشوف مناعته ضعيفه بالنسبه للامراض لاكن هو اليف اكثر من غيره وانتبه لايغشونك ويعطونك غيني لانك أذا سويت نفسك ماتعرف بالطيور الغش وارد.. واحسن شيء في نظري تأخذ أكبر من سبعه شهور يكون عدى مرحلة الخطر كثرة الامراض وزي ماأنت شايف كل يوم واحد يموت طيره وخصوصاً الكاسكو الفرخ.. وبالنسبه لطير المحجل أهو الي يكون في رجله أسوره من الحديد لونها ذهبي أوفضي على حسب وهو تربية الانسان يعني مو مصيود من الغابات ويكون اليف أكثر لانه متعود على البشر والكاسو تحت عمر سنه تقدر تعلمه الكلام بسهوله لانه أحياناً يبدى يتمتم في الكلام من عمر سبعه شهور تقريباً وبالنسبه للبحرين ما أنصحك لان غالبية الكاسكو الي يجي منهم يموت مايعمر أنا شفت صاحب محل أمس يقول شاري من البحرين 20 فرخ كاسكو كلهم في خلال اسبوعين ماتو وو حالف ماعاد يجيب طيور من هناك.. وبالنسبه لاماكن البيع يمكن اهل المنطقه يفيدونك اكثر مني بس فيه بالشرقيه منطقة القطيف فيها سوق يوم الخميس يبيع الطيور بأسعار رخيصه مرررره |
رد: ابغى اشتري كاسيكو من السعوديه او البحرين و عندي لكم درزن اسئله
تسلم على ردك يالغالي
و بانتظار نصائح هل البحرين و الشرقية |
رد: ابغى اشتري كاسيكو من السعوديه او البحرين و عندي لكم درزن اسئله
والله ياخوي اذا تبي طيور زينة تعال يوم الجمعة في البحرين في مدينة عيسى السوق الشعبي
|
رد: ابغى اشتري كاسيكو من السعوديه او البحرين و عندي لكم درزن اسئله
السوق من الصبح لي المغرب بس يفضل الصبح
|
رد: ابغى اشتري كاسيكو من السعوديه او البحرين و عندي لكم درزن اسئله
^
^ ^ الصراحه يوم الجمعه ممتاز باصلي الجمعه في مسجد بزه و باجيكم |
| جميع الأوقات بتوقيت GMT +3. الساعة الآن 04:16 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو