|
عاااجل جدااا ؟؟؟
السلام عليكم انا اشتريت قطة جديد >>> النوع شيرازي العمر :: شهرين يا اخواني و اخواتي قطتي تفرز افرازات من انفهااا >>>> تقل مزكومة وش رايك بالتعبير ؟؟ >>>>هههههه وش يسمى هذا ؟ و بعدين وش اسوي فيها من ناحية التطعيم و بداية التربية ؟ ؟ يعني وش احسن شي اسوي لها من النظافة ؟ |
رد: عاااجل جدااا ؟؟؟
يا ناس احد يضيف شي مفيد مو بس مشاهدة و خروج
لو ماني محتاج للنصيحة كان ما سويت موضوع ؟؟؟؟ |
رد: عاااجل جدااا ؟؟؟
روحي عند طبيب بيطري او طعميها وعلى فكرة بتمرض كثييييييير لان اشيرازي معروف بانه يمرض بسرعه
|
رد: عاااجل جدااا ؟؟؟
اخوي وديها على بيطري هو الي بفيدك
وبالنسبه للتطعيم اذا ما كان معها شهاده فطعمها عند البيطري ارجو اني افدتك |
رد: عاااجل جدااا ؟؟؟
فيه أعراض ثانيه للزكام ؟؟ مثلاً خمول وقلة شهيه وكذا لو مافيه يمكن مجرد حساسيه من غبار أو زكام بسيط ويتعالج عند البيطري أن شاءالله بالنسبه للتطعيم تاخذها بعمر شهرين وكل سنه تتجدد على نفس التاريخ اللي أخذتها فيه مافهمت وش تقصد بالضبط ببداية التربيه والنظافه ؟؟ حدد مقصدك .. عموماً القسمين فيهم مواضيع بتفيدك أكيد حاول تبحث .. وأذا شي ماحصلت له جواب ومحيرك أسأل ومابنقصر معك .. |
رد: عاااجل جدااا ؟؟؟
نظافه القطه مهمه ضع لها الدواء طارد البراغيث ونظف صندوق مخلفاتها باستمرار وانا من انصار ان القطه تحمم نفسها وهى تبقى زى الفل
|
رد: عاااجل جدااا ؟؟؟
اخوي معليش انا جديد بعالم القطاوة
انا شريت مثل ما قلتلك شيرازية بس اليوم الصباح لقيت عينها اليسار منتفخه شوي و وديتها الى العيادة البيطرية الى واحة الحيوان>>> الي بشارع خريص المهم شافهاا و قال هي فيها رشاح لان تغير الجو ومن ناحية العين فيها حرارة وعطاني مرهم للعيون اسمه >> chan-eye معليش كثرت الاسئلة طيب وشلون اخيها تتعود على الرمل لانه الحين مرة بالرمل تسويها و مرة بالارضية تحياتي لك >>> بدر |
رد: عاااجل جدااا ؟؟؟
تمام :) وأنا أختك الكريم الي وصفه زين وفيه أعضاء هنا أستخدموه وفعلاً الجو هالفتره كله غبار وفيروسات .. فـ حرص عليها تعوديها على الرمل أول شي لازم يكون حمامها قريب منها مو أخر البيت لأن القطوه جديده ومو حافظه البيت زين والشي الثاني ماتقدر تمسك نفسها مثل الكبار فـ تشوفها تعملها بأقرب مكان لو عملتها في مكان غير حمامها شيل الوسخ وحطه بالرمل وخليها تشمه ويفضل لو تحبسها بغرفه كمن ساعه بس مع رملها .. ولاتنسى تغسل الأرضيه اللي وسخت عليها مضبوووط بالمنظفات حتى ماتبقى ريحه وترجع تسويها مره ثانيه لأن خلاص بتعتبره حمامها .. قلت لك الحمام مايكون بعيد عنها وبرضو مايكون قريب من أزعاج أو مكان أكلها ولازم يتنظف على طول لأن القطط تحب حمامها يكون نظيف دايم .. وأي أستفسار أحنا موجودين |
رد: عاااجل جدااا ؟؟؟
الله يعطيك العافية على التوضيخ اختي آنو طيب انا اشوووفها بعض الاحيان لازم تنام بعيد عن سريرها الخاص يعني لازم تصير ورا حاجه و السوال الثاني وش افضل طريقة التغذية للقطوة الصغير الي زي معي ؟ (( لا يكون بس ازعجتك بالسئلة تراي والله جديد بالامور هاذي >>>> سوري)) |
رد: عاااجل جدااا ؟؟؟
الله يعافيك آممم .. تأكد أن الجو مناسبها يعني مايكون بارد بحيث تتخبى تدور الدفا أو حار بحيث تنام على الأرضيه البارده لو مو هذا وهذا .. فـ لاتحاتي لأن القطط تحب تنام بالمكان اللي تحب ويريحها ويمكن قطوتك تحب الأماكن المغلقه أو المظلمه أو والبعيده عنكم فـ أتركها على راحتها بالنسبه للأكل ،، القطط الصغيره بعمر شهرين تاكل أربع وجبات باليوم قسمها بشكل منتظم مثل دجاج مسلوق مع خضار مثل : البطاط/القرع/الكوسه/البزلاء/الجزر .. و مكرونه وأرز سمك أو ربيان مره بالأسبوع أو الأسبوعين وجبنه وزبادي قليلن الدسم / بيض بس مايكون نيء لازم مطبوخ زين توست مع جبنه .. وتقدر تعطيها معلبات فانسي فيست أو 9لايفز مره أو مرتين بالأسبوع وماننسى طبعاً الدراي فود للكتينز ويفضل رويال كانن أحسن شي .. وعادي خذ راحتك بأي سؤال بخاطرك .. |
| جميع الأوقات بتوقيت GMT +3. الساعة الآن 06:11 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو