|
بسة تخاف من بسة ممكن تصير!!!!
عندي بسة بعد إسبوع تخلص 6شهور إن شاء الله جبتها عندي وهي صغيرة مرة يمكن شهر وإسبوع الحمدلله محبوبة مرررة في البيت والكل يدلعها دلع مبالغ فيه أحيـــاناً وبصرااااحة هي شخصيته مميزة مررة ماقد مرت علي بسة زيها كدا المهم المشكلة فين؟؟ المشكلة إنها ماتتقبل أي شخص غريب عنها على طول توقف شعر ظهرها وتبخ في وجهه إذا بناخذها للدكتور تعمل لنـــا مناحة مابعدها مناحة وتبهذلنا والله قلبنا بيتقطع عليها لمن نشوفها حالتها كدا عند الدكتور حتى الدكتور مسميها المتوحشة :( وتقعد يومين ونفسيتها موتمام ومن كم يوم ولدي لقى بسة صغيرة مرة يمكن عمرها شهر ونص أو شهرين تمواي من جنب بسة تشبها مررة في الشكل والسن ميته فجابها للبيت يبغى يعتني فيها لأنه رحمها مرررة وطلعت حبوبة البسة الجديدة وأليفة مررة بس بوسي ماتقبلتها مرررة وتخاف منها وتهرب وبعد فترة صارت تمشي وراها وتبخ عليها كأنها بتطردها وكمان بوسي جاتها زي حالة الخوف الشديد وصار قلبها يضرب بسرعة وبقوة وصارت تطلع أصوات زي إلي كانت تطلعها عند الدكتور وبعد فترة صارت تبخ على كل واحد شال البسة الجديدة وتهرب منه وتتخبى تحت الكنب وفي ثاني يوم إستمر الواضع زي ماهو وزادت كمان فإضطرينا نرجع البسة للشارع وصار ولدي يديها أكل من بعيد لبعيد وأخذت لها يومين بوسي حتى رجعت لوضعها الطبيعي ما أدري هو تصرف بوسي طبيعي ولا لا لأنه أنا كنت مربية قبلها بسة ماكانت تعمل كدا أبداً بالعكس كانت أليفة مع الكل بس هادي وضعها غريب بالنسبة لي معقولة الدلع الزايد له دور في تصرفاتها |
رد: بسة تخاف من بسة ممكن تصير!!!!
السلام عليكم
انا اشوف انه عادي جدا الي تساويه بوسيه لانها طبعا تغار من البسه الضغنونه و يمكن لانها ما اختلطت ببسس ثانيه و بالنسبه للغرباء و الدوكتر كمان شئ عادي لانها متعوده على جو البيت و عليكم و الله يخليها لكم و تتربى بعزكم انا اظن لو جبتو البسه الضغنونه للبيت كلها اسبوع و بيتعود عليها بس اهم شئ ماتشيلو البسه الجديده قدامها و تدلعونها <<<<<< بعدين تناظركم بذيك النظره الي يقطع القلب و الله يجازيكم بالخير لانكم تربون بسه يتيمه :) |
رد: بسة تخاف من بسة ممكن تصير!!!!
هلا بك أختي بشكل عام لكل قطه طبعها الخاص يختلف عن الثانيه وطبيعي اللي تسويه قطتك لأن كذا مزاجها صعب وماتتقبل قطط ثانيه خاصه لو تكون متربيه لوحدها .. لكن لو بغينا نحط معها قطه ثانيه لازم نعودها عليها بالتدريج ويوم عن يوم بتتقبل الجديده .. مثلاً أنك تحطين وحده بقفص وتخلين الثانيه تتمشى براحتها تاخذين منشفه وتفركينها بالقطه الجديده بعدين تاخذ المنشفه وتمسحين فيها الأثاث .. فـ أقولك أستعلجتي لما رجعتي القطه الصغيره .. مصير قطتك تتعود عليها مع الأيام .. لكن لو قررتوا ترجعوا القطه الصغيره لاتقربوها من ملابسكم حتى ريحتها ماتجي على الملابس وتنفر منكم قطتكم لأن هذا السبب اللي يخليها تبخ عليكم وتهرب منكم .. وأن شاءالله بميزان حسناتكم اللي تسووه بالصغيره .. |
رد: بسة تخاف من بسة ممكن تصير!!!!
اقتباس:
راح أعمل إلي قولت عليه وربي يعين هو ماقطع قلبنا إلانظراتها ورد فعلها كأنها عارفة غلاوتها عندنـــا شكراً على ردك... |
رد: بسة تخاف من بسة ممكن تصير!!!!
اقتباس:
كلامك مقنع وبالنسبة للبسة الجديدة إضطريت أرجعها لأنه بوسي حتى النوم مانامته بسبب وجوده وبصراحة خفنا عليها مررة بسبب رد فعلها بس راح أخلي ولدي يدورها مررة ثانية وإن شاء الله يلاقيها ونبدأ مع بسبوسة بالتدريج والخبر دا حيفرح ولدي لأنه مرررة قلبه تقطع وهو يرجعها للشارع وأنا حسيت بالذنب شاكرة لك ردك... |
| جميع الأوقات بتوقيت GMT +3. الساعة الآن 09:55 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو