|
لقيت كلب حلوو ولعوووب ومرح وخبل!!!
مرحبا
من يومين لقيبت كلب ضائع صار له فتره من غير صاحب وشكله مشعر وابيض المهم فيه سلوك غريب ماعرف ليش يسوي هالشي ممكن تساعدوني لما اربطة بالسلسلة واخليه في البيت يبدأ يصيح ولما اخليه يمشي بحريته سكت ويلعب وبعدين اول مايشوفني يصير مجنون ينقز وينط وبلصق فيني ويلحس ايدي كانه مشتاق لي بس انا العبه واحضنه واحسسه بالامان الى ما احصل صاحبه واول مايشوفني يروح يشرب ماي وبعدين يركض وراي وينط علي ولما اطلعه بالسياره يسوي فوضى بس علشان انزل الجامه للسياره ويطلع راسه برع ويشم هوى ويسكت ياناس ماعرف شو موضوع يهالكلب احسه مش صاحي وبعدين موصخ البيت ماعرف شو الحل معاه |
رد: لقيت كلب حلوو ولعوووب ومرح وخبل!!!
هلا طال عمرك اول شي شو نوع الكلب اذا تقدر قم بتنزيل صورته وهل قمت بفحصه عند البيطري للتأكد من سلامته اول شي قبل ماتدخله البيت لأنك قلت انه كلب ضايع واذا هو موصخ البيت ترى انته السبب لأنك مخلنه على كيفه اخوي الكلب مانخليه على كيفه لازم يكون على كيفك انته ارجع للمواضيغ المثبته بتشوف كل ماتريده والسموحه ياود ابلادي |
رد: لقيت كلب حلوو ولعوووب ومرح وخبل!!!
هلا ياخوي
والله ماعرف شو نوعه بس احسه صغير ومشعر وابيض وشوي يشبه صورة الكلب الي في توقيعك الي عاليمين بس اقصر عنه بوايد ومشعر اكثر وعلى فكره الكلب انثى بس ماعرف شو الفحوصات الي لازم اسويها ممكن تعطيني شو انواع الفحوصات وبعدين الكلب ماقدر اربطها اذا ربطها تسوي حشرة وتصيح تكسر الخاطر وخاصة يوم اسمع صوت صياحها مادري قلبي مايطاوعني اربطها اخليها تنام وين ماتبى احسن ياليت تفسر لي سلوكها الغريب معاي هي تتخبل اذا شافتني احسها مينونه |
رد: لقيت كلب حلوو ولعوووب ومرح وخبل!!!
ههههه احسه فله
|
رد: لقيت كلب حلوو ولعوووب ومرح وخبل!!!
فله وزود مينونه ومش صاحيه تقول كانها ماشفاتك من سنين
|
رد: لقيت كلب حلوو ولعوووب ومرح وخبل!!!
ياااحلووها كان عندي كلب كل ماجيته سوا نفس حركاتها أنواع الأستعراض يركض وينقز ويجي عندي يوقف على رجوله ويحط أيديه على كتوفي كله من الوناسه .. خبببل ياحلوو حركاتهم .. بالنسبه للكلبه حاول قد ماتقدر تدور أصحابها مهما كان يمكن يكونون قلقانين عليها وفقد الشي مو سهل .. ولو ماحصلتهم الله يبارك لك فيها .. وبالتووفيق |
رد: لقيت كلب حلوو ولعوووب ومرح وخبل!!!
ودهــاا البيطري سو لهـا فحص شــاامل
وحاول تعلمها ماتوسخ البيت والله يوفقك وتلقها راعيها |
| جميع الأوقات بتوقيت GMT +3. الساعة الآن 10:33 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو