|
"سبايكي" يعاطس
السلام عليكم اعزائي الاعضاء محبي الحيوانات :)
حبيت بس استشيركم و استفسر عن شي... "سبايكي" صار له 4 ايام و هو يعاطس..يمكن خذ برد يوم سبحته...وصوته مبحوح من كثر ما يزاعج يوم "سلفر" تلعب معاه و تعضه الحمدلله مافي اعراض ثانيه يعني لعبه عادي وشهيته مفتووحه على الاخر ما شاء الله بس كاسر خاطري من كثر ما يعطس وصوته مبحوح فشو ممكن اسوي او اعطيه عشان يوقف العطاس ويسترجع صوته؟ |
رد: "سبايكي" يعاطس
نفس المشكله أنا وقعت فيها مع البرنس ( البس حقي ) روشته قبل ثلاث أيام هو وأخوااانه ونشفته بسشوار لكن المسكين زكم وصار يعطس وصارت تجي أوقات احس انه راح يروح فيها من كثر مايعطس بس ماقدرت أسكت
جبت فكس وخليته يشمه غصبا عن أبوه اللي خلفه وحطيت شويييييه من الفكس على خشمه عشان يقدر يتنفس براحه أكثر والحمد لله اليوم صار زييييين |
رد: "سبايكي" يعاطس
مشكور اخوي بوغازي على النصيحه..انا فكرت استخدم الفكس بس خفت ما يكون زين للقطط
لكن الحييين بروح احط له وشكرا :) |
رد: "سبايكي" يعاطس
لو ماعنده اسهال حطيها بمكان دافئ و ماتخلينها تبرد
و ان شاء الله تتعافى |
رد: "سبايكي" يعاطس
هو صابه اسهال ثاني يوم التحميم....مادري هل من البرد كان الاسهال او من البيض لانه الخدامه عطته بيض مسلوق...
فطبخت له بطاطا مع جزر و نشا...والحمدلله من ثاني يوم وقف الاسهال...بس بقى العطاس و صوته مبحوح.. والحمدلله خذت بنصيحة الاخ بوغازي...شممته فكس و حطيت منه شوي على خشمه..على طول تسلك خشمه و ما قمت اسمع الصوت اللي كان بتنفسه و خشمه قبل...وعلى طول فديته نام جنبي مرتاح بدون صوت في خشمه...قبل صوت نفسه كان واااضح مع صعوبه الحمدلله |
رد: "سبايكي" يعاطس
الحمد الله
|
رد: "سبايكي" يعاطس
الحمدلله انه بدا يتحسسسن بشكل ملحوظ
هو ماخذ برد اذا ماتحسن تماما وديه للبيطري يعطيه مضاد او ابرره وبيطيب بسرعه ^^ فديته الله يخليه لج |
رد: "سبايكي" يعاطس
تسلمون على الرد
sisi moon بعده صغنون على التطعيمات و الابر... اظن يوم شريته كان اصغر عن شهر..مع انه البايع قبال لي شهر...لانه ما كان يمشي عدل و ترجف رجوله و كان كتكوووت وانيابه صغيره و ما يعرف للحمام... وانيابه كتكوته بس مفطوم ما يشرب حليب... وهالاسبوعين علمته على الحمام و الحمدلله تعلم..واهتميت في تغذيته...ومن يومين رجوله ثبتت و قوت شوي..وبدا ينزل من على السرير بس ما يروم يصعد...وطلعت له انياب صغار ورى و اسنان كتكوته جدام....فكم تعتقدون عمرهه كمل شهر ؟ ولا بعده... |
رد: "سبايكي" يعاطس
اقتباس:
|
رد: "سبايكي" يعاطس
تسلم اخوي راعي فقع :) كشخه اسم القطو مالك فقع خخخ لو يبت نثيه سمها طرطوثه لوول
هو بس يعاطس كاسر خاطره من ايي عندي يمسح خشمه في ايدي خخ مخاخيط كله لوول فقلت بشوف شو اقدر اسوي له...فمالي الا الفكس يستانس عليه يلحسه و يرقد لول |
| جميع الأوقات بتوقيت GMT +3. الساعة الآن 12:40 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو