|
عدة اسئله لأهل الخبره
السلام عليكم
كيفكم حبايبي؟ أهنيكم على روح التفاعل فيما بينكم ومن أحسن لأحسن ان شاء الله اعذروني راح اكثر عليكم اسئله بس مضطرة شوي عندي قطوة انثى شيرازيه عمرها من 8 الى 9 شهور تقريبا ومرة نحيفه ماادري اش السبب قالوا لي كثير لأني مااعطيها دراي فود ونصحوني برويال كانين مع الحليب اللي منه سؤالي اي نوع اجيب لها من رويال كانين؟؟ ووين الاقيه في الرياض ابي مكان اكيد مو تخمين وكيف اعودها عليه؟ وهو يجي بالحبه الاكياس الصغيره؟؟ والا اكياس كبيره؟؟ والا ايش بالضبط؟؟ وياليت اعرف سعره السؤال الثاني الله يكرمكم لاحظت هالفتره انها تتبرز كثير يعني في اليوم 3 الى 4 مرات!! هل هو طبيعي؟ وبالنسبه للشامبو كنت احممها بجونسن للأطفال بس غيرت الحين لهذا ياليت تقولون لي اذا احد جربه فيكم ؟؟ او اذا تعرفون شامبو زين للقطط http://www.gulfup.com/uploads2/12364835090.JPG صحتها الحمدلله كويسه وماشفت منها اي شي بليز ابي تردون علي بأقرب وقت |
رد: عدة اسئله لأهل الخبره
سلام عليكم أختي جيسكا بنسبه لجسم القطه انها مرة نحيفه حاولي انك
تعطيها فيتامينات فاتحه للشهيه بما أني من سكان جده مأقدر أدلك وأنتي برياض بس أكيد في محلات لبيع مستلزمات القطط ....... وبنسبه للتبرز وأنتي بكرامه ماعندي خلفيه لأنها الحمد لله ماصارت معايا بس على حد علمي والله اعلم مرتين بليوم ............................... أما الشامبو أنصحك بشامبو نيزورال تحصلي بأي صيدليه عاديه ( تبعنا يعني) الشامو ممتااااااز جدا ويخلص القط من الفطريات اللي أحنا ما نلاحظها وسعرو جدا رخيص حوالي 18 ريال ولا تستخدمي شامبو غير مخصص للقطط عشان بعد فتره احتمال يتساقط الشعر ..... وشكرا |
رد: عدة اسئله لأهل الخبره
تقدرين تعطيه من اكل البيت :)
|
رد: عدة اسئله لأهل الخبره
بالنسبه لتبرز شي طبيعي لانها تتبرز كثر ما تآكل..\
وعطيها بطـآطآ مسلوقه مع دجـآج تسمن.. ويحبوونه القطآآو بالنسبه للشامبوو ما اعرفه انا احممها بجونسون وهو مره حلو.. والرويـآل كانون ما ادري ما شفته .. ينصحون فيه بس مدري وين ينبآآع..! واي سوآل حاضرين |
رد: عدة اسئله لأهل الخبره
بالنسبه لنحافتهاا
اعطيها اكل البيت خضار مع دجاج مسلوق ومع دراي فود من رويال .. وكلها فتره وبتدبدب بس لازم التنظيم في الاكل .. كل ماتنظم الاكل كل مازانت صحتهاا هي بالنسبه لعمرها اعطيها 3 وجبات باليوم ... وبين الوجباات اعطيها خفايف .. يعني جبن .. زبادي .. هيييك وفي انواع كثيره من رويال .. في واحد لونه بني خاص بالقطط الشيرازيه .. مرره حلوو .. وهو يجي عليه ارقام 32 . 34 وهيييك . هذي نسبه البروتين في الدراي فود .. اخذي اعلى شي وبتزين صحتهاا ان شاءالله والشامبو .. استخدمي شامبو خاص بالقطط أفضل .. في شامبو فيدو مره تماام والشامبو الي حطيتي صورته مامره جربته والله وانا من الشرقيه ولا كان افدتك ووين تحصلين رويال ^^ |
رد: عدة اسئله لأهل الخبره
ياحبايبي ماقصرتوا ويعطيكم العافيه
ومن ناحية خضار والله عطيتها ومافيه اي فايدة!! كاسرة خاطري مرة بنحفها!! ابو غازي هي الحمدلله تاكل اكل البيت عادي بس ماتسمن!! شامبو نيزورال ماغيره حق القشره؟؟ سنو شكرا ياذوق وان شاء الله يفيدونا الاعضاء في مكان تواجدة sisi اذا ممكن مكان تواجده بالشرقيه راح اوصي احد عليه وشاكرة لكم مرة ثانيه |
رد: عدة اسئله لأهل الخبره
اقتباس:
تعطينها حليب ؟؟؟ بالنسبه لرويال كانن أستعمل هذا حلو مره .. http://www.pusup.com/up/get-3-2009-vy4ohc1d.png 2kg وسعره آممم أتوقع بـ 55 مو متأكده لأن أشتري مجموعه .. ووين تحصلينه ماأدري أنا بالشرقيه .. شوفي محلات الخاصه بالقطط والعيادات .. وأكل البيت مثل ماقالوا دجاج مع بطاط وكوسه وجزر وقرع .. مكرونه ،، رز .. وكذا اقتباس:
يمكن عندها مشكله معويه .. أو نوعية الأكل .. فيه ليونه ببرازها ؟؟ اقتباس:
ماأعرفه .. أنا أستعمل شامبو نيزورال وأخلط معه هالشامبو ريحته حلوه وناسب قططي ،، ومنها حمايه وتنظيف بنفس الوقت .. http://www.pusup.com/up/get-3-2009-316lxblx.png وفيه فيدو بس ماأستعملته الا مره وبطلته .. |
رد: عدة اسئله لأهل الخبره
في اكل حلو اسمه ويسكاس بس مادري هو في الرياض ولالا
|
رد: عدة اسئله لأهل الخبره
آنو
اقتباس:
مشكورة ياعسل ومن ناحية محلات القطط انا عارفه بس مالقيته عندهم ياليت تقولين لي وين تلاقينه بالشرقيه اوصي احد عليه اقتباس:
مع اني أأكلها أكل عادي بطاطس مسلوق رز دجاج قطع بقدونس احيانا اطحنه لها مع البطاطس يعني اكل بيت عادي من ناحية ليونه لا مو مرة.. اوكي راح اجيب نيزورال ان شاء الله مشكورة حبيبتي قطوتي لوسي ويسكاس ماناسبها ابد لما اكلته صارت ترجع مشكورة حبيبتي على افادتك |
رد: عدة اسئله لأهل الخبره
الله يعافيك :) بالشرقيه .. موجود بمحل الكروان بالخبر مقابل نادي القادسيه وموجود بعد بعيادة التاج الأخضر عند المدرسه البكستانيه برضو بالخبر .. بالنسبه للتبرز (عزكم الله) المفروض مايكون سايل أو حتى فيه ليونه واضحه بريحه قويه ولا يكون ناااشف حيل بحيث يستصعب عليها الأخراج وبصراحه أول مره أدري أو أسمع أحد يأكل قطوه بقدونس!! فـ ماأدري يصح ولا لا .. |
| جميع الأوقات بتوقيت GMT +3. الساعة الآن 02:27 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو