اسهال وبعده على طول امساك :(وش السالفه
 

السلام عليكم شباب صبايا

تذكرون قطوتي اللي حطيت لها موضوع من كم يوم

اللي عمرها شهر واسبوعين

كان فيها قبل 4 ايام اسهال بسبب اني كنت اعطيها حليب المراعي

قالي الدكتور في حليب للقطط وحليب المراعي هو اللي مسببلها اسهال

وقالي ماعطيها سوائل لمدة 3 ايام وبالفعل ما صرت اعطيها سوائل

لكن اليوم وقف الاسهال وبدى البراز الله يعزكم يتجمد وينزل ناشف 100%

وما استعملت الحمام الا مره وحده بس مع انها اكلت كويس لدرجة اني احس ان بطنها صار منتفخ حده

وحطيتلها ماي فاتر اشربت لين ما قالت بس ولكن ما راحت الحمام بعد بس مره الصبح وخلاص

وعطيتها حليب قطط ونفس الشي

فيا جماعه ممكن تدلوني وتقولونلي وش العلاج لاني خايف على القطو لانه صغير عمره شهر ونص بس


وشكرا

في انتظاركم

اخوكم\\مصدي\\

رد: اسهال وبعده على طول امساك :(وش السالفه
 

وعليكم السلام و رحمة الله :)
انا حاسه ان كلام الدكتور فيه خطأ لاني مره قريت لدكتورة متخصصه ان القطو لازم تخلي له الماء على طول (اما الحليب له اوقات) بس بما انه الصغير الحليب احسن
حاول تحط لها الماء او حليب القطط يم ادراي فود او العلب على طول ان شاء الله تصير احسن :) :) :)

رد: اسهال وبعده على طول امساك :(وش السالفه
 

تسلمين اختي وذرد روز

بس المشكله ان بطنه منتفخ حده واحطه بالحمام ومايسوي شي

والله اني خايف عليه

مافي علاج يخليه يروح الحمام او اعطيه شي<<<مب مال قطاوه عليمي

رد: اسهال وبعده على طول امساك :(وش السالفه
 

لا اخوي مافيها الا العافيه انشالله

بس انا اقول خلها على الدراي فودز.... في دراي فود خااص للقطط الي تحت السنه والحليب ماله داعي كلش وعلى فكره الحليب يطيح الشعر وانا القط مالي(ذبحتينه فيه) وادري اني اعيد السالفه للمهر المليون من قطع حليب امه وهو عايش على الدراي فود وصحته فللللل الفلللل ولا مره صار فيه اي مرض

انت لاتحاتي وانطر عليها وشوف شيصير واتوقع بترد طبيعيه ولوحالتها كانت صعبه وهي تعبانه حيل جان ماكلت وجان رجت وانت بكرامه لكن اهي مافيها شي

رد: اسهال وبعده على طول امساك :(وش السالفه
 

هلا والله اختي فطوم تسلمين اختي عالرد

بس بيني وبينج اخاف تفنقش وانا اصبر

قبل شوي كانت تلعب ومستانسه حدها والكرشه تروح يمين ويسار خخخ

لانها مليانه اكل وماي (خبركم الامساك)

وفجئه وهي تركض الا تسرب شوي ايل خخخ(عزكم الله براز)

وتدخل صوب المغاسل وتكمل الباقي كله(الله يقرفه من قطو ومن اسلوب اتكلم بهخخخ)<<اسمحوله قبل النوم مهستر

وكان مثل السائل اجمد من مال الاسهال ولكن لين واسود لونه والحمد لله مافيه دود

مدري اذا كان فيه دود يطلع مع البراز؟ وشكرا

رد: اسهال وبعده على طول امساك :(وش السالفه
 

هلا ولله أخوي مصدي

ماتشوف شر البسة أنشالله

بعض االقطط يكون عندها مشاكل من الحليب والمعده عندها ماتتحمله ويسبب لها إسهال

لاكن مسألة أنك تقطع عنها الموية مره وحده فهذا غلط كبير الموية لازم تكون موجوده 24 ساعة

قله السوائل تسبب لها مشاكل ومنها الإمساك أترك الموية عندها اليوم وأنتظر لبكره

إذا ماتحسنت رح لطبيب ثاني وجرب معاه

لاكن بمأن القطة صار معاها إسهال من الحليب فأقطع الحليب عنها نهائي

ولله يوفقك أنشالله

رد: اسهال وبعده على طول امساك :(وش السالفه
 

تسلم حبيبي الثعبان

يعني اوقف عنها الحليب للابد؟واذا صارت احسن لين بكره ماوديها البيطري؟

وبعدين بطنها منتفخ لين الحين مدري ليش ومدري وش اسوي عشان ماينتفخ

وتسلم يالثعبان

رد: اسهال وبعده على طول امساك :(وش السالفه
 

للهيسلمك أخوي مصدي

أحينآ يكون سبب إتفاخ البطن هو وجود نوع من الدود داخل المعده

عشان كذا لازم تروح للطبيب بكره عشان يعاينها ويعطيها العلاج اللازم

بس روح غير الطبيب الأول يكون أحسن

رد: اسهال وبعده على طول امساك :(وش السالفه
 

نفس ماقللتلك اخوي مصدي
غير هالكتور احسنلك واحسن لـ:سبيايكي
ويعطيكم العافيه

رد: اسهال وبعده على طول امساك :(وش السالفه
 

تسلمون فطوم وثعبان وقطو

ابشركم صحيت الصبح لقيتها بخير والانتفاخ راح

وصرت ااكللها اكل جاف وابلله بماي

عشان يصير طري

وهي مستانسه الحمد لله

تسلمونلي حبايبي ماقصرتو :)