|
اخوي و الحساسيه تعبوني
السلام عليكم ورحمت الله وبركاتو
مرحبا ممكن تساعدوني اخوي فيه حساسيه من القطط و الحيوانات ودي اجيب قطوه بس خايفه عليه اخوي يحب القطاوه و يقرب منها وممكن تزيد حساسيته بسبب القطوه ايش اسوي ابي قطوه :(:(:(:( |
رد: الحساسيه
بليز ردووود....؟؟
|
رد: الحساسيه
والله ماعندي خببرة
انا انا فيني حساسيه بسيطه مرة ويوم شريت قطوة انتشرت الحساسيه بجسمي كله حتى انا ابي حل !! |
رد: الحساسيه
شوفي على حسب درجة حساسية اخوك ..
هل هو يتعب تعب قوي اذا قرب من قطوه ويحتاج مستشفى وحاله ؟ ولا مجرد حساسية خفيفه مثلاً انه يعطس يحمر انفه وعيونه تدمع ؟ اذا في الحاله الأولى فللأسف صعبة مره تجيبين قطوه في البيت :( بس اذا الحاله الثانيه فمو مشكله بس بشرط تتبعين اللي بقوله بالحرف :D اللي يسبب الحساسيه عند اخوك هو جين بروتين في وبر القطط وينتشر في الهوى فأول شئ لازم تسوونه انه اخوك يروح لطبيب مختص ويشخص حالته بالضبط ومدى خطورتها اذا طلعت شئ بسيط "يارب" يعطيه الادويه المناسبه .. وتروحين تختارين لك قط الحين نجي للمهم .. من ناحية علميه انه القط الذكر ينتج هالبروتين في غدده الدهنيه اكثر من الانثى يعني اذا بتشترين قط لاااازم انثى لا تفكرين بالذكر ابدا :eek: وطبعاً لازم تكون مطعمه وخاليه من اي مرض "قبل لاتشترينها خلي البيطري يفحصها" واذا تطعيماتها ناقصه لاتنسين تكملينها ولا تفوتين اي موعد لتطعيماتها .. اذا جبتيها البيت اهتمي بنظافتها وتسبيحها كل اسبوع .. وتمشيط شعرها جداً مهم "طبعاً بعيد عن اخوك"يقلل من تساقط شعرها وبالتالي انتشار الماده في الهوى .. وكل يوم جيبي قطعه قماش بلليها بماي دافي ومسحي على جسمها "هالشئ يقلل من الماده بجسمها" و المرشحات اللي تنقي هوى الغرفه هذي مررره حلوه تقلل من الحساسيه بنسبه 50% ;) الاماكن اللي تجي عليها القطوه و السجاجيد وكذا يومياً تكنسونها بمكنسه كهربائيه وحاولوا من وقت للثاني تجددون هوى الغرفه بفتح الشبابيك .. واذا لمس اخوك القطوه لاااازم بعدها يغسل بماي وصابون واهم شئ ماينام معها بنفس الغرفه ويفضل غرفه نومه ماتدخلها ابد :rolleyes: الله يعينكم السالفه بس يبي لها "اهتمام ونظافه" عشان اخوك :) سلام .. |
رد: الحساسيه
كيوت مشكوره على المساعده الاكثر من رائعه
|
رد: الحساسيه
وانا اضيف على كلامهم انك تشترين قطوه شعرها قصير .. !!
|
رد: الحساسيه
مشكورين على المساعده
اقتباس:
مافيه حل ثاني؟ |
رد: الحساسيه
قصر او طول شعر القطه مااااله اي علاقه بالحساسيه
لأن جين البروتين موجود كذا ولا كذا وطول ما القطه تلحس فروها راح ينتشر في الهوى وقصر شعرها و طوله ماراح يشكل اي فرق |
رد: الحساسيه
كلام كيوت هو الصحيح وهي كفت ووفت
|
رد: الحساسيه
مشكورين جميعكم وخاصه كيوووت على المساعده
|
| جميع الأوقات بتوقيت GMT +3. الساعة الآن 01:32 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو