|
وديت ليلي عند البيطري وشوفوا شو قال
رغم العلاج المكثف اللي مسوتنه حق ليلي بخصوص الفطريات
خذتها للبيطري قلت احتياطا يمكن يعطيها ابره تسرع العلاج ... قلت لها فيها فطريات قال كيف عرفتي...قلت له سويت بحث عن الاعراض في النت... قال ممتاز ..وقلت له اني اعطيها نيزورال حبوب وبخاخ لاميسيل....عصب...وقال هالادوية منو قال لج عليها...قلت له في منتديات للحيوانات قريت فيها... قال غلط....قال نيزورال و لاميسيل دواء للبشر و لفطريات معينة....وانتي عطيتيها هالادوية...صح انها يمكن حدت من انتشار نوع واحد من الفطريات لكن في نفس الوقت بتمنع علاج فطريات ثانية !!!! ما فهمت عليه وايد شو كان يخربط...المهم..وحط جهاز فيه اشعة زرقاء..وشفت بعيني الفطريات فسفوريه تلمع شكلها يخوف يماااااا....و صدمني لما قال لي شو تبغينا نسوي الحين نحن شو المطلوب منا ؟؟؟ نعم نعم ...قلت له انا شو عرفني انت الدكتور و انا اباك تعالجها....سكت و حسيته بيقول مافي علاج...فقلت له قبل لا يقول...قلت له اباك تعالجها لانه اعرف انه هالمرض شائع بين القطط و يصيبهم دايما و في له علاج..وهاي شيرازية اصيلة ما ابغي اخسرها او يصيبها شي... سكتت ز طالعني بطرف عينه...وقال مممم اوك لحظه...راح و رجع بعلبة فيها كريم اخضر...وقال لي حطيها بتركيز مكان الفطريات...وادهني خفيف على بالقي جسمها...مره في اليوم...وبسسس و وقفي كل الادوية الثانية!! وهو فرك لي ليلي في العيادة بالكريم ....وليلي صارت الحين مثل الرجل الاخضر خخخخخخخ هل حد فيكم عنده علم او خبره عن هالكريم الاخضر....لا تسألوني اسمه....ما عليه اسم ..هو الدكتور معبي لي الكريم في علبة بلاستيك للبارسل....وبس |
رد: وديت ليلي عند البيطري وشوفوا شو قال
صح و بالنسبة لقطوتي الصغيره " سلفر " ...الاسبوع الياي بتكمل شهرين
قلت له ابغي اطعمها....قال صغيره ..هاتيها بعد شهرين ...يعني يوم يصير عمرها 4 شهور!!! استغربت لاني اللي اعرفه انه القطوة تتطعم من تكمل شهرين....وهذا يقول لي 4 شهور؟؟؟ شو الصح الحين علموني؟ |
رد: وديت ليلي عند البيطري وشوفوا شو قال
والله ماادري بس على سلفر ماعليكي منه اذا شهرين طعميه اربع شهور يروح عليه تطعيمين
|
رد: وديت ليلي عند البيطري وشوفوا شو قال
ولا يدري وين الله قااطه ..
دامه يقول ان هالعلاجات خطأ .. اجل ليش اغلب البيطرين والمربين ينصحون فيهاا .. ؟؟ واصلا اللاميزيل والنيزورال يعالجون الفطريات مو بس يحدون من انتشارها .. الي يحد من انتشار الفطريات محلول .. لكن ناسيه اسمه والله بس واضح انه عليمي .. معروف علاج الفطريات بالقطط أغلبها علااجات بشررريه .. وكثيييييييير مربين استخدموها ونفعتهم حييل .. وانا منهم .. ^^ وانتي حرره .. اذا تبين تعطين ليلي علاج مضمون ومجرب .. كملي اللاميزيل و نيزورال بس اذا واثقه بكلام البيطري اكثر استخدمي الاخضر .. انا عن نفسي مامره سمعت عنه .. في كريمين يسوونهم البيطرين خاصه للفطريات .. واحد لونه عنابي وريحته قووويه كأنه قاز او اسيتون .. شي يحشر يعني .. والثاني نفس العسل .. وريحته هييل وقويه ريحته بعد .. اما هالاخضر مادري والله .. بس احتياطا شووفي واقري المكتوب عالدوا .. لان كان في بيطري اتعامل معه .. جدا غبي .. لو اي مرض يصيب موني يعطيني جل التهاب للعين :p شدخل مادري .. وبرضو بنسبه للتطعيم .. فيه بيطرين ينصحون بعمر شهرين وفي بعضهم عمر ثلاثه بس خلص من توصل شهرين تكون جاهزه للتطعيم .. انا قطوتي طعمتها بالشهرين ونص .. وبالتوفيق قلبوو |
رد: وديت ليلي عند البيطري وشوفوا شو قال
مشكورين شكلي بودي سلفر عيادة خاصه للتطعيم عقب.....وبكمل على النيزورال...
بالنسبة للكريم الاخضر...توني شميت ريحته من قريت ردج يا سوسو...وكانه ريحته ورق النيم (الشريش)...معقوله يكون الدواء هذا ورق نيم...بكره بخلي امي تشمه و بتصل بعد بالبيطري اسال وبالمره...سويت بحث عن فوائد النيم..طلع مطهر و مضاد للفطريات..وهاي بعض فوائده ((الاستخدامات الطبية العامة للنيم قبل آلاف السنين كان الناس يسعون لتحسين وضعهم الصحي، وعلاج العديد من الأمراض باستخدام الأدوية المستخلصة من الأعشاب، ووقعت العديد من الأدوية المستخلصة تحت الفحص والاختبارات. كانت هذه الشجرة المصدر الأساس للعلاج في موطنها الأصلي في الهند وقد أطلق عليها الشجرة ذات الألف استخدام؛ حيث تستخدم أوراق النيم، البذور، الثمار، اللحاء، الجذوع والجذور في تصنيع المبيدات، والمستحضرات المضادة للميكروبات، وعلاج أمراض اضطرابات المسالك البولية، والإسهال، والحمى، والأمراض الجلدية، والحروق، وارتفاع ضغط الدم، والآلام والأمراض الالتهابية، كما يمنع زيت النيم تكاثر الفطريات على جلد الإنسان والحيوان، أما خلاصة أوراق النيم فيمكن أن تستخدم لعلاج الملاريا)) وياااا سلام طلع طارد للبرغوث ((وقد اتضح أن خلاصة النيم التي تم اختبارها في معهد الملاريا في الهند تطرد البعوض الناقل للملاريا لمدة 12 ساعة، ولا يحمي النيم من البعوض فحسب بل أيضًا من الحشرات اللاسعة مثل البرغوث والبق)) ولقيت هالجدول يوضح أكثر المركبات فعالية في النيم والفوائد الطبية لها http://www.nooran.org/O/Oimages/12/8-5.jpg http://www.nooran.org/O/Oimages/12/877.jpg الصراحه لو طلع الدواء هذا معجون ورق النيم ..عيل بتكون ليلي في السليم....لوووول |
رد: وديت ليلي عند البيطري وشوفوا شو قال
السلام عليكم ورحمه الله وبركاته
كتير يا جماعه بسال الدكتور البيطرى على حاجات قريتها او شوفتها على النت وبتطلع غير صحيحه والدكتور الى عندى بصراحه شاطر وبعدين كل قطه وليها المرض الخاص بيها وعمرها كام وطريقه علاجيه خاصه مينفعش الى اسمع عنه انفذه من غير ما اسال مقدرش انا اتعب بحاجه واسال حد يقولى كان عندى حاجه قريبه منها واخدت كذا اكيد لازم دكتور يوصفلى ده والقطط زى الاطفال الصغيريين اى حاجه غلط بتاثر فيهم المهم يكون دكتور كويس يتابعها وربنا يشفيهالك |
رد: وديت ليلي عند البيطري وشوفوا شو قال
حلوو أجل دام هذي فوايده .. ^^
استمري عليه لو حابه وشوفي نتايجه كيف وخبرينا .. |
رد: وديت ليلي عند البيطري وشوفوا شو قال
صار لي 4 ايام و انا مستمره على الدواء الاخضر
والحمدلله اشوف الاحمرار راح ... ونبت الشعر مكان التقرحات...وما عادت تحك نفسها... وحابه استمر عليه لين يوم السبت و اكون مكمله اسبوع و بعدها باخذها البيطري للفحص.. رغم اني اتصلت العيادة الصبح امس و سألت دكتور ثاني ...بحكم انه اختي تشتغل عندهم و مدحت لي الدكتور اللي كلمته الثاني..واستغرب من الدواء و قال ما اعرف شو اللي عطاج الدكتور الاول ...و ارسل لي مع اختي دواء ثاني مثل المرهم و غطاته ازرق و مكتوب انه للفطريات في القطط و الكلاب و الاحصنة... لكن اليوم ييت بتسخدمة شفت انه ليلي عافت شوي..فقلت بستمر على الاخضرلين السبت و بشوف النتيجه.. يحليلها ليلي صارية فار تجارب لوول |
رد: وديت ليلي عند البيطري وشوفوا شو قال
الايااخوي صح ع الدكتور 4شهور وانا طعمت قطاوتي اعمرهم 4شهور 2شهرين توه صغيره حرام
ام بي النسبه الي الكريم مادري اول مره اسمع فيه باي |
رد: وديت ليلي عند البيطري وشوفوا شو قال
صح نسيت اذ مااقتنت في كلام الدكتو روح الي دكتور ثاني بس ع فكره راح يقولك نفس الكلام
|
| جميع الأوقات بتوقيت GMT +3. الساعة الآن 03:56 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو