![]() |
مشاهدات سوق الحمام ليوم الجمعة بالرياض
اليوم انا موجود بالسوق فروخ الغيني انا شريت من 300 ريال
ايضا فيه امازون ويتكلم بس اسعارها ما تجاوزت 3000 و3500 ريال فيه مكاو نفس اللي في الصورة http://animal-world.com/encyclo/bird...dWBM_P1741.jpg وصل الحراج عليه 2600 ريال ووقف ولا احد شراه له فتره وما ادري وش صار عليه فيه دره تتكلم كلمتين وصل سعرها350 بغيتها 400 ريال وقال مبيوعه قهر فيه فروخ كاسكو حلوة من 1200 الى 1400 مره حلوة بس مع الجلابة واتركو الشريطية امممم طبعا الغيني زي ما قلت رخيصه 300 الى 400 نصيحة للشباب اللي بيشتروا من سوق الحمام لا تشتروا من الشريطية اتبهوا للجلابة انا ذكرت بالامس انه فيه كويتي يجيب فروخ كاسكو انا شفته اليوم بس كل اللي معاه كبار فوق السنة ما يصلحن ونشوفكم في تقارير اخرى مع السلامة |
رد: مشاهدات سوق الحمام ليوم الجمعة بالرياض
مشاء الله
|
رد: مشاهدات سوق الحمام ليوم الجمعة بالرياض
الف شكر كاسكو حبوب
|
رد: مشاهدات سوق الحمام ليوم الجمعة بالرياض
يعيك العاااااااااااااافيه
موووووووووجز رائع كني موجوووووووود هناااااااااااك لكن وش انوااااااع الامزووووون اللي فيه |
رد: مشاهدات سوق الحمام ليوم الجمعة بالرياض
مشكووور اخوي ماقصرت ..
طيب بسألك على كم الدرة النيباليه بالسوق ؟ وهل صحتها ممتازة و ريشها نظيف .. ؟؟ اختك تعبت وهي تدور درة وعساني ألقى بسوق الحمام .. |
رد: مشاهدات سوق الحمام ليوم الجمعة بالرياض
روعة المكاو ..
ماشالله تبارك الله ،، انا قبل أدخل عالم الببغاوات ماكنت أعرف الا الملون هذا .. الحين عندي كاسكو رمادي .. ماقتنعت فيه نفسي بأبو ألوان هههههه |
رد: مشاهدات سوق الحمام ليوم الجمعة بالرياض
لو كان التقرير مصور كان احسن
يعطيك العافية |
رد: مشاهدات سوق الحمام ليوم الجمعة بالرياض
الف شكر لكم جميعاً
اخوي سلفر بالنسبةللامازون فيه النلوب والفند ترى مالي خبرة فيها بس قليلة اللي شفت فيه واحد صغير يوم الخميس ينلوب وحده راعيه 9500 اعتقد غالي بس توة بدا يتكلم اختي الريم بالنسبة للدرة موجودة ولقيت ولكن اسعارها متفاوته اللي متوحش تقريبا 130 ريال واللي اليف 250 الى 300 وانا لقيت زي ماقلت واحد توه بدا يتكلم وباعه راعيه 350 ريال ورحت للي شراه ووصلته الى 450 ريال ورفض بالطقاق قهرني الكرف زووو انا ودي اصور بس لما اجي بعضهم يرفض يقول لا تصورني معه توم كروز على غفلة وبعضهم يقول لا تصورة احد ينظله ومن هالخرابيط ومنعا للاحراج والا ودي صراحه وانا بحاول اصور وهم مايدرون في الايام القادمة |
رد: مشاهدات سوق الحمام ليوم الجمعة بالرياض
انا كنت بالسوق الصراحه الطيور رجعت مثل اول واكثر لكن مازال سعرها غالي خاصه الكناري
|
رد: مشاهدات سوق الحمام ليوم الجمعة بالرياض
اخوي ابي أعرف كم أسعار فروخ الكاسيكو اهناك
لاني أبي واحد ولا أعرف سعره .. ((( غبيه بأسعارهم )) و الكاسيكو بصفه عامه ..على كم لأني عندي واحد غير مدرب ودي أجيب له رفيق ؟؟ يسلمووووووووووووووووووووووووووووووووووو |
جميع الأوقات بتوقيت GMT +3. الساعة الآن 10:36 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو