منتديات تو زوو - بصراحة قرفت :(

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - بصراحة قرفت :( (http://www.2zoo.com/vb/showthread.php?t=83927)

بصراحة قرفت :(

http://www.mk.ae/uploads/012737891c.gif

السلام عليكم ورحمة الله وبركاته

اسمحوا لي بالعنوان لكن من جد اكتبه وبصدق

احب القطط

وعندي قطة من نوع الهملايا ونوعية نقية عمرها 6 اشهر

المهم

كملت معاي اسبوع

وما اعرف كم مرة اعطيها اكلها و لاحظت انها مب نظيفة

يعني توسخ الله يعزكم مرات خارج المكان المخصص لها ومرات يكون فيها اسهال :(

وما تدفن وسخها وفوق هذا تخرمش مرات :(

وبعد لاحظت انها ما تحب الاكل الجاف وتحب نوع معين من الطعام وهو الدجاج المعلب

واذا عطيتها اي شيء ثاني عادي تجلس نص النهار والاكل قدامها من دون ما تاكل

جد ابي احتفظ فيها وابي اتعلم كيف اتعامل معاها وكم مرة اعطيها اكلها و كيف اعلمها النظافة

اذا في مواضيع ممكن تفيدني لاني احترت من كثرها

يعطيكم العافية مقدماً

واتمنى القى اجابات لأسألتي

تحياتي

http://www.mk.ae/uploads/012737891c.gif

رد: بصراحة قرفت :(

الاكل مو مشكله ..

بس النظافه هي المشكله ..

حطي لها الرمل قليل .. يعني لما تحفر تقدر تلمس الارض ..

يعني لا تكثرين الترااب في الحمام الله يكرمك ..

واذا ما نفع مرررة .. احبسيها في غرفه صغيره و حطي عندها الحمام هي بتتعود من نفسها :) ..

ويمكن انتي حاطه الحمام حقها بعيد عنها فما تلحق ترووح الا وهي موسخه ..

و معرووف عن القطط بعد الوجبه يروحوون الحمام الله يكرمك .. فاول ما تخلص اكل

شيليها و حطيها على الترااب .. يومين 3 تتعود ان شاء الله

وقولي لنا وش يصيير معااك ..

اتمنى اني قدرت افيدك بخبرتي البسيطه ..

سلام ..

رد: بصراحة قرفت :(

http://www.mk.ae/uploads/012737891c.gif

يعطيك العافية ياخوي

انا حبستها اول ما جبتها و اوكي مشى الحال لكن كمية الرمل بصراحة كانت كثيرة يمكن علشان كذي ما تدفن او ما تكمل الاخراج في الحمام الله يعزك

لكن ان شاء الله انتبه للموضوع هذا بعد نصيحتك وارد اخبرك شو طلع معاي

وهذا انا جالسة اقرأ في المنتدى وبصراحة لقيت اشياء كثيرة وشغله والله عملية النظافة وقص الاظافر و تنظيف الاذن :eek:

تسلم وما قصرت

http://www.mk.ae/uploads/012737891c.gif

رد: بصراحة قرفت :(

شوفي حبيبتي لما القط يعملها برا الحمام هذي تعتبر رساله لك صحياً أو نفسياً مثل الأجهاد أو التوتر والخوف ..
لأن القطط بفطرتها نظيفه تسويها بالرمل وتدفن

أول شي لازم تشيكين عليها أذا فيها دود أو بكتيريا مسببه الأسهال والغالب الأكل المعلب له دور بهالشي
خاصه لو كان نوعيه رديئه مثل الويسكاس

حاولي قد ماتقدرين تغيرين لها الأكل لاتعتمدين على الأكل المعلب خففي منه كثيررررر لأنه مو مفيد لهم ويحتوي
على سوائل كثير فـ يلين البراز ومايمسك البطن مثل الدجاج المسلوق والدري فود
عطيها دراي فود رويال كانن مررره ممتاز ودجاج مسلوق مع خضار أو أي أضافات ثانيه
هالنظام أتبعه مع قططي والحمدلله مافيهم أسهال ولايوسخون ولايعلق شي فيهم وهم شيرازي

نجي للحمام ... يمكن ماتسويها بالحمام لأن معها أسهال فـ المسكينه ماتقدر تمسك نفسها ويكون الحمام بعيد عنها
فـ تضطر تسويها بأي مكان

وأما أذا كانت تسويها بكل الحالات أسهال أو غيره فـ يمكن فيه شي مو عاجبها بالحمام مثلاً يكون الصندوق صغير أو كمية
الرمل قليله أو قريب من أكلها وشربها أو بمكان مو مرتاحه له وفيه أزعاج أو مافيه خصوصيه أو حمامها مو نظيف .. حاولي تتفادين هالأشياء

ولاتنهرينها وتعاقبينها وتجبرينها على أستخدام الحمام بأسلوب شديد وقوه ماينفع أبد لأنها بتربط
بين العقاب والحمام وتخاف تقرب منه بعدين .. وهذي أهم قاعده في تدريب القطط على الحمام

أستخدمي أسلوب المكافئات كل مره تسويها الحمام أعطيها مكافئه لأن القطط ياعمري عليهم مثل الأطفال بالضبط يحبون التشجيع

بالنسبه أنها ماتدفن فيه عدة أسباب
أحتمال الصندوق نوعه مغلق فـ ماتحتاج تدفن أو نوعية الرمل مو عاجبتها وماجازت لها
أو ماتدفن حتى توصل رساله وتنشر ريحتها بالمكان وتقول هذي منطقتي لو فيه قطط ثانيه بنفس البيت ..

المهم هي جديده على كلامك كملت أسبوع فـ أصبري لأن الوضع غريب وجديد عليها شوي خلي حمامها قريب منها وأن شاءالله خيررر

بالنسبه لعدد الوجبات عطيها ثلاث لأنها باقي في مرحلة نمو وتحتاجها وأذا كملت سنه تعطينها وجبتين

آمممم هذي اللي عندي ماأدري أذا نسيت شي .. وخبرينا شو يصير معك

رد: بصراحة قرفت :(

كلامي مثل كلام اخوي(آنو)

رد: بصراحة قرفت :(

السلام عليكم ...

شوف اخوي ...هي لسة من اسبوع ..مكملة عندك لانه في بعض القطط تتوتر اول فترة ...بس بعدين ...عادي ..

اقتباس:

تخرمش مرات

عن الخرمشة اذا كنت مثلا قاعد تلعبها تخمش و لا لا ...و مثلا لما تلعبها تمسك بطنها ...اذا لما تلعبها تمسك

بطنها و خرمشتك فطبيعي تخرمشك ..لأنه القطط بطبيعتها لما تضفط عبطنها تخرمش لأنها ما تحب...

و عن الأكل المعلب شوف أخوي الأكل المعلب في ان مع الإسهال ...لأنه كثرت الأكل المعلب تسبب

إسهال ...فعطها مثلا دجاج مسلوق مع خضار ...و إذا اهي ما حبته ..حط كمية قليلة ...مع الأكل المعلب ..و كل

يوم زيد الكمية الين ...ما تكثر ...و خلاص ..

و اذا عن الحمام ..ممكن صغير عليها ...او في مكان بعيد ...خل الحمام قريب من مكان الأكل ..بس ما يكون قريب

كثير ...

كمرة تعطيها أكلها ...شوف ..خل نظامك هو نظامها ..مثلا ...عند الريوق او الفطور ..عطها وجبة ...و بعدها

بساعة ...شيله الين وقت الغذاء ...بعدها بساعة شيله .. الين العشاء ..و بس ...و تقدر تعطيها من بين

هالوجبات جين مثلثات و كذا ...

و شوف اخوي ..المكان الي تعمل فيه خارج الصندوق اكرمك الله ....نظفه عدل ..لانه اذا بقى فيه ريحة فبترجع

تسوي في نفس المكان ..لأنه في ريحة الفضلات القبلية...اكرمك الله..

و إن شاء الله اكون افدتك ...و اي سؤال ثاني حاضرين ...

رد: بصراحة قرفت :(

اقتباس:

المشاركة الأصلية كتبت بواسطة آنو (المشاركة 722098)

يعطيكم الله العافية
ماااااااقصرت

رد: بصراحة قرفت :(

http://www.mk.ae/uploads/012737891c.gif

يعطيكم العافية جميع بصراحة استفدت كثير و تحسنت حالة قطوتي

حتى الاكل غيرته و حبت نوع جديد من الدراي فود

وامور الحمام الله يكرمكم الحين احسن بكثير

لاحظت شيء انه في الليل ما يرضى ينام في مكانه يجي يطلع على السرير جنبي

والصبح الساعة 7 يصحى ويجلس يسوي ازعاج ويقومني يماوء و يتحرك واذا لفيت وجهي للجهة الثانية يروح للجهة الثانية ويسوي نفس الشيء

للعلم الساعة 7 هو الوقت اللي اصحى فيه للعمل :p

http://www.mk.ae/uploads/012737891c.gif

رد: بصراحة قرفت :(

الحمدالله ...و خلاص هذا طبيعي ...

رد: بصراحة قرفت :(

الحمدلله ان تحسن حاله

اقتباس:

لاحظت شيء انه في الليل ما يرضى ينام في مكانه يجي يطلع على السرير جنبي

ياقلبي .. اي اكثر القطط يحبون ينامون جمب اصحابهم ..

ودامه يسوي كذا يعني يحبك ومرتاح ومطمن لك ^^

اقتباس:

والصبح الساعة 7 يصحى ويجلس يسوي ازعاج ويقومني يماوء و يتحرك واذا لفيت وجهي للجهة الثانية يروح للجهة الثانية ويسوي نفس الشيء

للعلم الساعة 7 هو الوقت اللي اصحى فيه للعمل

ههههههههها ياعمري .. لانه تعود عليج تصحين يوميا هالوقت .. فـ هو يقوم بالواجب بدل المنبه :p