اسئلة لمحترفين الزيبرا ارجو الرد عليها ..
 

السلام عليكم

يعطيكم العافيه شباب

ابي من اهل الخبره القوية في مجال تربية طيور الزيبرا

1. جم درجة الحراره الي يعيشون عليها بضبط .. مع العلم عندي مكيف شباك مع العلم انه القفص او السلاكه الي حاطهم فيه مترين في مترين في مترين ..؟

2. واذا بضاعف الانتاج شنو نوع الاكل او لازم اعطيهم فيتامينات وشنو اسم الفيتامين ..؟

3. عندي مشاكل مع النمل يدخلون داخل العش ويذبحون لفروخ مع العلم رشيت بودره مع العلم لم ينفع ..؟

4. وبعض الطيور فتره معينه تغذي الفروخ فتره معينه وقصيره وبعدها يموت الفرخ بسبب عدم التغذية ..؟

5. وعندي هم مشاكل مع البيض انه يبيضونه ويخلونه وما يركون عليه ..؟



مع العلم اني عندي 30 جوز وبخلال سنة انتجت 12 فرخ فقط

رد: اسئلة لمحترفين الزيبرا ارجو الرد عليها ..
 

السلام اخي العزيز اولا انا لست من المحترفين وليس من اصحاب الخبرة القوية

ولكن اعرف ان ارد على بعض من الاسئلة واترك المجال الى الاخوة المحترفين

بخصوص درجة الحرارة المعينة فهي ما بين 28 الى 25 درجة

واذا تبي تضاعف الانتاج عليك بفصل الذكور عن الاناث خلال فترة اللي راحت عشان يرتاحون وتقعد تنوع لهم بالاكل مثلا

يوم تحط لهم خضار مثل الخس والجرجير

ويوم البيض بالقسماط

وتخلي لهم فيتامينات اما عن اساميهم ما ادري والله شنو اساميهم بس تروح لمحل اللي يبيع وتقول له ابي فيتامينات وراح يعطيك هاي الا انا اسويه

وعن النمل انت بوين تربي طيورك هل بسلاكة ؟ ام باقفاص منفرة بس من كلامك شكله بسلاكة لان تقول 30 زوج على حسب هل محل الطيور تدخلة الشمس بشكل يومي ؟

وايضا حق هل مكان الطيور فيه رطوبة كثيرة وحاول تحط بالارضية رمل بحري روح على سيف البحر وخذ لك رمل وافرشة على ارضية السلاكة

وانا عن عدم التغذية فعدم احساس الطير بالامان هو السبب الاول وقله خبرة الزوج هو احتمال ضعيف او ان الزوج يريد ان يضع بيض فيهمل الفراخ ويستعد للعش الجديد حدثت معي هذه من قبل ولله الحمد انحلت لوحدها دون ان فعل شيء ولكن هنالك شي لا تضع عدد الاعشاش اكثر من عدد الازواج فهذا يؤدي الى اختيار الزوج عش جديد وبالتالي اهمال الفراخ او البيض بسبب عدم الامان

وهذا الا اقدر عليه من خلال خبرتي القليلة وانشاء الله اكون قدرت افيدك لو بشيء قليل

وتحياتي ،،،

رد: اسئلة لمحترفين الزيبرا ارجو الرد عليها ..
 

مشكور يا قلبي وما قصرت والله يعطيك الف عافيه .. في معلومات وايد فادتني وان شاءالله يكون هذا كله في ميزان حسناتك

وقواك الله