منتديات تو زوو

منتديات تو زوو (http://www.2zoo.com/vb/index.php)
-   سؤال وجواب لقسم هواة الببغاوات (http://www.2zoo.com/vb/forumdisplay.php?f=73)
-   -   محتاجه علاج لسيكو الحبيب**. (http://www.2zoo.com/vb/showthread.php?t=79167)

عاشقة الطيور 13-10-2008 05:54 PM
محتاجه علاج لسيكو الحبيب**.
 
السلام عليكم ورحمة الله وبركاته

اليوم الله يسلمكم بعد ماخلصت دراسه وتحضير و.. نزلت اطلع سيكو ولاحظت ان مايمشي عدل يعني كأن ريله متقرحه من تحت شي جذي ومب قادر يمشي عدل وهذي مب اول مره .. في العطله الصيفيه صاده جذي وخليته فتررره لما الله كتب صار يمشي عدل ولان كنت هاملته .. وهالايام دراسه واصلن ماعندي وقت ارتاح إلا في الليل وايام ماعندي وقت كلش اطلع سيكو واذا اطلعه مااكون وياه .. وانا اعتقد صاده جذي من كثر حركته في القفص ماشاءالله عليه كل متعلق اذا يجوفني يبيني اطلعه .. وانتو شنو رايكم

وبوديه ان شاءالله يوم السبت لان ايام المدرسه كلش مااقدر ومحد يقدر يطلعه غيري

فممكن تقلون لي علاج يخفف عنه لما ايي يوم السبت

؟!بدون اسم؟! 13-10-2008 06:36 PM
رد: محتاجه علاج لسيكو الحبيب**.
 
:) ان شاء الله اسا عدونج ...

الله يشفي سيكو ...:)

عاشقة الطيور 13-10-2008 06:40 PM
رد: محتاجه علاج لسيكو الحبيب**.
 
ان شاءالله .. ويشافي جسوم ان شاءالله
تسلمين حبيبتي على ردج الطيب:)

طير حر 14-10-2008 02:08 AM
رد: محتاجه علاج لسيكو الحبيب**.
 
عاشقة الطيور وديه حق البيطري الي في لبديع ولا تخلينه جذي تراهم فنانين ويعرفون حق لطيور عدل مو اي كلام واحسن من العيادات الخاصه بوايد واذا ما تدلينه انا بدليج

ما عليكم شر

عاشقة الطيور 14-10-2008 05:43 AM
رد: محتاجه علاج لسيكو الحبيب**.
 
اخوي انا ايام المدارس مااقدر كلش .. فبوديه يوم السبت لبيطري خاص عرف سيكو من كثر مااوديه له :p

الشر ماايك اخوي

محد عنده علاج يخفف عليه؟؟

عازف الكيبورد 14-10-2008 06:37 AM
رد: محتاجه علاج لسيكو الحبيب**.
 


السلام عليكم

هل القدم فيها تقرحات بكتيريه او فطريه ؟ يعنى بقع حمراء او دوائر ملتهبه

تعيقه عن المشي ؟

الكاسيكو 14-10-2008 08:30 AM
رد: محتاجه علاج لسيكو الحبيب**.
 
عزيزتي عاشقه الطيور اذهبي للبيطري واطلبي منه مرهم مطهر ومضاد للبكتريا وايضا يوجد بودره للجروح وهي مطهر ومجفف للجروح وقبل وضع المرهم والبودره يجب تنضيف المكان بديتول مخفف واعتقد ان المشلكه لديك في القفص اي المكان الذي يقف عليه الطائر هو السبب فيجب استخدام خشب نظيف لان البعض يستعمل عصا حديد او انبوب بلاستيك وهذا خطأ لانهما قد يسببا تسمم للطائر

عاشقة الطيور 15-10-2008 05:59 AM
رد: محتاجه علاج لسيكو الحبيب**.
 
عازف الكيبورد

وعليكم السلام ورحمة الله وبركاته

لا مافيها شي من الي ذكرته ,, لكن اول امس يوم الي حطيت الموضوع كان لين يمشي احس ان ريوله فيها شي وكان دايما يرفعها حتى لو كان عندي

الكاسيكو
اي يمكن لان صار لي فتره مانظفت الخشبه الي يوقف عليها

الله يعطيكم العافيه

عاشقة الطيور 15-10-2008 05:34 PM
رد: محتاجه علاج لسيكو الحبيب**.
 
اخوي عازف الكيبورد اليوم جفت ريول سيكو وكانت فيها مثل ماقلت بقعه حمره


جميع الأوقات بتوقيت GMT +3. الساعة الآن 05:58 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو