|
قطوتي بوسي فديتها
مرحبا..
ما كنت متوقعه بيوم اني اشارك في منتدى لتربية الحيوانات اصلن ماكان يخطر في بالي ان في مواقع بهالشكل .. والصراحه كنت اضحك على اللي يضعيون اوقاتهم على هالهوايه ..(لين الله بلاني بحب قطوه ) يوم من الايام قبل شهرين ونص تقريبا دخل علي اخوي ومعاه قطوه.. قال هالقطوه قطوة رفيجي , ورفيجي بيسافر وطلب مني اخلي القطوه عندي اول اسبوع كنت اخاف منها خوف مو طبيعي بس كنت احن عليها بس اعطيها اكل .. وشوي شوي بديت احبها واحب القطاوه كلهم من حبي لها .. والعشق وما يسوي وبعد هالقصه :p بحط لكم بعض من صورها وحابه اعرف نوعها وتتوقعون جم عمرها http://up5.m5zn.com/photos/00257/2cxs6bvfuvjc.jpg فديت لعيون http://up5.m5zn.com/photos/00257/yux7f2s74w75.jpg نوم العافيه ..عليها حركات http://up5.m5zn.com/photos/00257/4oxhovrt02lq.jpg يالبيه اول ما جتنا كانت تاكل وشهيتها مفتوحه حيل بس صارلها اللحين اسبوعين ماتاكل نفس قبل بس تشم تعتقدون مريضه |
رد: قطوتي بوسي فديتها
ما شاءالله بتجنن هالقطة الله يخليلك ياها على ما اظن نوعها بلدي بس من ناحية العمر شكلها زغيرة بس بالتحديد ما بعرف عمرها
بس شكلها غنوجة وبتدلع كتير حقها علشان حلوة |
رد: قطوتي بوسي فديتها
تهبل ماشاءالله عليها
هي شيرازيه مون فيس بس مهجنه اتوقع بتركي انقورا مع شانشيلا التركي عشان وجها مثلث وبوزها شووي .. والشانشيلا عشان تحديده خشمها وعيونها ولون باطن يدهاا عمرها يمكن 7 شهور وفوق بس وديها بيطري يعرف من أسنانها وقله الشهيه .. لو كانت معها اعراض ثانيه يعني مريضه اذا مافي اعراض ثانيه يعني مافيها شي .. لان القطط طبيعي تجيها فتره تقل شهيتها .. اعطيها فيتامين فاتح للشهيه واذا تعطينها اكل بيت ودراي فود جربي خلطي معهم معلبات القطط .. لان ريحتهم تجذب القطط والله يخليها لج .. ومبروك على جنونك بالقطط :p ^^ |
رد: قطوتي بوسي فديتها
شيرازى مون فيس مهجن
|
رد: قطوتي بوسي فديتها
الصراحه يبدوا لي انها قطوهـ امريكيه ومشاءالله تجننننننننننننن مره عسووووله وشكلها حنونه مره
مشاءالله تبارك الله الله يخليها ويحفظها أنا كنت زيك كنت مااعترف بالقطوات كنت احب الارانب وماكنت اعرف انو القطوات انواع كنت احسبه بس بلدي ولما يجي بالافلام قطوات بيكي فيس بيور اجلس اطالعهم احس هاذي قطوات امريكا اللي بشوارعهم ههههههههههههههههههههههههه اذكر بنت خالي كانت تموت عليهم وكنت اتمسخر فيها اقولها خوذي من الشارع وتجلس تضحك ويوم قالت لي انها اشترت بألف ريال قطوه هاوشتها قلت مجنونه تشترينها بالقيمه هاذي وفيه بالشارع ببلاش >>>> ماكنت اعرف انهم يطعمون وكذا وكنت احسبهم شرسات ووسخات بعدين دارت الدنيا ومثل مايقولوا الطنزه تلحق ومد باليد مره رحت انا واختي محل حيوانات بشوف أرانبهم ويوم دخلت والا واشوف القطوات وانجن عليهم اشكالهم مره كيوووته وطلع لي صاحب المحل قطوتين يمكن اعمارهم شهر سعنونين ويركضون بالمحل ويلعبون اول ماطلعهم كنت خايه واركض واصرخ اذا جوا عندي الحين اموووووووووت عليهم وامسح عليهم وكنت احسب القطوات ارخص من الارنوبات لانهم متواجدات بكل مكان بس طلعوا اسعارهم مره غاليهـ ومن ذاك اليوم وانا عذاب x عذاب وحلوم فيها وعذرت بنت خالي ههههههههههههههه واخيرا فاتحت امي لان هي اللي تكره الحيوانات بالموضوع وقلت لهم بسوي اي شئ تبونه ووووو.... بس بليييييز ابغى قطوه انا بتكفل بكل شئ فيها وقلت لها انهم نظيفات ومطعمات ووريتها قطوات بالمحل على الطبيعه ووريتها صور واخيرا وافقت مبدئ وخللألألألألألألألألألألألأص كنت حاسه اني بطير من الفرح وابغى اشتري بعد الاختبارات اول العطله زي ماوعدت امي بعدين صار شئ لم يكن بالحسبان ابد ابد جنت على نفسها براقش نزلت مره عند اختي وحكيت لها عن قطوه صديقتي وقلت لها اني انتظر بس الاختبارات وعقبالي انا بشتري ان شاءالله ويوم كذا كان فيه بابا جالس قالي ولاتفكرين فيها انا حسيت كل شئ انهار قدامي بابا انا ماقلت له قبل لان هو من اول كان عادي عنده الحيوانات قلت بابا انا بربيها ومدري كيف وهم مطعمين ونظيفين قالي اذا جبتيها برميها بالحوش قلت بربيها بالحوش قال ارميها لك بالشارع وعصب علي ذاك اليوم بكيييييييييييييييييييت لين قلت بسسسسسسسسسس وانهار كل شئ بلحظه من جد قهر وماقدرت افاتح بابا بالموضوع واعصبه مره ثانيه لانه تعبان مرهـ ومابغيت ازيدهـ وقلت لاامي تقوله قالت اكبري وخلي عن السوالف هاذي واصلا انتي مصدقه انه راح اسمح لك تدخلين قطوهـ البيت :( يعني مافيه امل الا الدعاء لله وهو اللي يقدر يغير كل شئ سبحانه وربي كريم وارحم وسوري اذا اطلت عليكم بس احس الموضووع لمس شئ فيني ودمتي بحفظ الرحمن :) |
رد: قطوتي بوسي فديتها
ما شاء الله
الله يخليلك ياها |
رد: قطوتي بوسي فديتها
الله يخليها لك
ماشا الله روووعه |
رد: قطوتي بوسي فديتها
اقتباس:
هيى هيى صديق قر قر كتير ما يبغى :p الله يخليكم لبعض << انتى و القطط وبنت خالتك :cool: |
رد: قطوتي بوسي فديتها
اقتباس:
هههههههههههههههههههههه اذكر الله مشاءالله بارك الله >>> :) امين يارب ويرزقني ربي قطوه اللي اتمناها واهلي يوافقون قولوا امين ودمتم بحفظ الرحمن :) |
رد: قطوتي بوسي فديتها
قطة سيامية..
مرورك اللي يجنن :p من ناحية غنوجه فهي غنوجه كتير ;) sisi_moon كلج ذوق والله :) اللحين لاهين في رمضان ولبس العيد انشالله بعد العيد اوديها مدرب نمور .. تسلم لي على المرور نوني.. فديتج دام بنت خالتج تربي قطط , اشتري وحده وخليها عندها وانتي كل يوم مري عليها اشوي اشوي بشيوفون اهلج انج متمسكه فيها وحابه تزورين بنت خالتج عشان القطوه بس :) يمكن يحنون عليج.. فتى الجبيل , ميكي تسلمون حبايبي |
| جميع الأوقات بتوقيت GMT +3. الساعة الآن 03:55 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو