|
شو اسوي بعد ما تفقس ؟
السلام عليكم
اشتريت فقاسة بيض .. وحطيت بيض دجاج وسمان واليوم .. فقست عندي اول بيضه (( سمان )) فشوو اسوي ؟؟ هل اخليها في الفقاسه ليوم كامل من دون اكل او شو اسوي ؟؟؟ |
رد: شو اسوي بعد ما تفقس ؟
اي اخوي خل الفرخ يوم كآمل بالفقآسه واذا تقدر حطله مآي يكون احسن
بس دير بآلك صوص السمآن يغرق اذا وضعت له صحن مآي كبير والحل انك تحطله مآي (بالغطآ مآل البيبسي) او الغطا مآل بطل المآي صحه .. وبعد ما يمر اليوم حطه بكرتونه وبمكآن آمن ودافي ولآزم حطله ليت ( لمبه ) عشآن لا يموت من البرد ... انا عطيتك معلومآت سريعه يعني اسآسيه وتظمنلك انه الفرخ يعيش ,,, تقبل مروري أخوي ... |
رد: شو اسوي بعد ما تفقس ؟
تسلم يا اخوي عبيد..
انا قمت بالتجربه التاليه : بعد ما تم تفريخ اول بيضه .. وطلع ذاك السمان الصغير المخطط .. وبعد 12 ساعه .. بعد ما نشف .. طلعته من الفقاسه وحطيته في وعاء ( بالدي ) كبير .. وارضيته من تراب .. وحطيت له اكل و صحن صغير فيه ماء .. وهذا كله في مكان درجة حراراته 35-38 م ... لكن للاسف .. ما شفته ياكل .. وبعد مضي ساعه .. لقيته الحبيب غرقان .. في الصحن الصغير .. واليوم فقس عندي عدد كبير .. قلت بخليه 24 ساعه في الفقاسه من دون ماي .. ومن بعد ما اطلعه .. بطبق فكرتك... شو رايك |
رد: شو اسوي بعد ما تفقس ؟
أخوي الفراخة صعبه تخليها 24 ساعة بدون ماء بالفقاسة:rolleyes:
انت بعد 14-16 ساعة تقدر تطلعهم وتحطهم بكرتون ويفضل أرضيته تكون من نشارة الخشب والقش وبالنسبة للأكل تحط لهم حب مطحون (يعني حبوبه صغيره) أو غذاء صوص الدجاج ويكون عندهم ليت أصفر عشان يدفيهم ويكون شغال أقل شيء 18 ساعة باليوم وابعدهم عن الأماكن المفتوحة والشمس في اول أسبوعين والماء حطه لهم في صحن عادي مستوي يعني المويه ماتكون عميقة وتغطي أكثر من رجلين الصوص عشان مايغرق فيه أنشاء الله أكون أفدتك |
رد: شو اسوي بعد ما تفقس ؟
ما قصرت يا اخوي ابو ريم ... وجاري التطبيق
تسلم |
رد: شو اسوي بعد ما تفقس ؟
انه من تجربتي ان صيصان السمان مايعيشون!!
لان يبي لهم عناايه اكثر من صيصان الدجاج!! و الله يخليهم لك!! و ماقصرو الاخواان في الردود!! و تحياتي العنيفه لكم وسلملمـــــــــــــــــ،،، |
| جميع الأوقات بتوقيت GMT +3. الساعة الآن 10:19 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو