|
استفسار
عندي قطوه حامل توها جايتني
القطو شيرازيه روعه وبطنها منتفخ بشكل مو طبيعي .. هذا وباقيلها تقريبا شهر لموعد الولاده :D ابي استفسر عن العنايه المطلوبه بالضبط .. وهل لازم تكون في الجو البارد 24 ساعه ؟ وهل طبيعي لو اخليها بالقفص طول الوقت اريح لها ؟ او اخليها تطلع وتراكض عادي ؟ وبالنسبه لكميه الأكل يكفي صحنين كل يوم ؟ وبالنسبه للحليب هل تحتاجه او يكفي المويه والاكل ؟ وايش افضل لها اللحين .. الاكل البسكوت ولا الدجاج والعظام |
رد: استفسار
مبرووك .. ]
وناسه والله احلى شي احلى شي لما تولد وانت بس تجلس تطالعهم وهم يرضعون ياقلللبي أموت على هالمنظر المهم .. لا خليها بمكان باارد .. هالايام الجو مووت حر خليها بمكان باارد ولاتحبسها .. خليها على كيفها .. صحنين قليـــــــل .. القطوه الحامل تاكل بشرااهه أعطيها أربعه أو خمسه ... والحليب اذا انت تبي تعطيها .. أعطيها مره بالاسبوع ويكون مخفف بالماي لان اذا يوميا وبدون ماي .. راح يسبب لها اسهال .. ولا جاها اسهال بتتوسخ ولا راح تقدر تنظف روحها من دبتهاا الاكل البسكويت والدجاج أثنينهم اوكي ومفيد لهم العظام لا .. لاتعطيهاا وبالتوفيق .. واي استفسار تفضل |
رد: استفسار
والله ياحبي انا كل ساعتين اغير لها الموية وهي ماتشرب منه الا قليل ..
والاكل بسكوت وبرضو ماتاكل منه الا شوي .. مدري وشقصتها هي للحين خايفه يعني ؟ لاني توني جايبها اذا حطيتها برا القفص قامت تحوس وتراكض وتهرب .. وانا ماودي تتحرك واجد لاني خايف عالجنين يطب :D .. وبالنسبه للتروش .. كيف تنصحني بطريقه تروشها ؟ وابشر ان شاءالله اول ماتولد بدق عليك اخليك تجي تتفرج معي عليهم وهم يرضعون :D |
رد: استفسار
اهاا عشان كذا ماتاكل لانها توها جديده عالبيت
بس تتأقلم بتشوف شراهتها بالأكل هههههها اوكي خلص ننتظرها تولد :p وانا بنت .. لاحظتك تكلمني بصيغه ولد |
رد: استفسار
طيب شكرن لك يعني مايحتاج اوديها لبيطري ؟
وآسفين مادرينا .. خلاص تعالي بعباتتس اجل :d |
رد: استفسار
ههههههها
المهم اي خلص اذا مافيهاا اعراض مرض لاتوديها البيطري لأن طبيعي ان اكلها قليل لانها جديده عالبيت |
| جميع الأوقات بتوقيت GMT +3. الساعة الآن 01:42 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو