|
ما هو السبب؟؟
السلام عليكم
عندي كاسكو افريقي ابوي شراه وكان عمره 6 شهوور والحين عمره 11 شهر قبل شهرين تقريبا بدا يكسر ريشه ! وصار من غير ذيل احمر :eek: شكله يضحك بس يكسر الخاطر :D المهم قالوا لي حطي عليه شويه ماي وحطيت وعصب علي يومين كله يطقني بس بعدها رضى علي :rolleyes: وظل يكسر بجناحه وذيله وبعدها فجاه ما قام يكسر وجناحه وذيله طالوا شوي قبل اسبوعين تقريبا او اقل شفت بقفصه انه رجع يكسر ريشه :( شنو السبب؟؟ للعلم ترى محد يعتني فيه غيري وانا الوحيده اللي المسه والعب معاه وما يخلي احد يقرب منه الا الطباخ علشان يغير له الماي والاكل وصاير يقط الحب برا القفص وما ياكله وفي شي ثاني .. تنصحوني اقص اظافره؟؟ لانه جم مره يحاول يصعد علي بس اوخر لانه اظافره طويله وتعور واخر سؤال .. انا بخاطري اشتري قطوه صغيره بس رفيجتي تقوول انه يمكن كيكو يموت لانه يغار انتوا شنو تقولون؟ بانتظار ردكم وافادتكم |
رد: ما هو السبب؟؟
وعليكم السلام ورحمة الله وبركاته اختي الاميره يمكن يكون في مرحلة تبديل الريش والكاسيكو بروحه يبدل ريشه .. بس تقدرين تحممينه مرتين او 3 مرات في الاسبوع .. وانا افضل لو انتي تبدلين له الماي والاكل في محلات الطيور والحيونات يبيعون مجثم تحطينه في القفص والطير لين وقف عليه تتبرد اضافره او تقدرين تودينه لبيطري فاهم عشان لو سمح الله صار فيه نزيف ولا شي مايتضرر وايد وبقولج تجربه انا قبل شهرين شريت قطوتين صغار حلوووين ومرحين ونسيت سيكو اهملته يعني ماصرت اقعد وياه واطلعه مثل قبل وتحسفت واخر شي ودوهم لان المدارس على الابواب .. وسيكو مرض وبقولج ترى بتعبين وايد لازم تكونين مخلصه مدرسه بعدين فكري تشترين قطوه احسن .. وانا افضل الطيور لان تربيتهم اسهل ومافيها تعب كثر تربيت الحيوانات لكن بتم احب الحيوانات الطيور صج يبي لهم صبر لكن بتحسين بالنتيجه .. وحاولي تعلمينه حركات يديده وتعلمينه الكلام بصير روووعه وبتستانسين عليه والله يخليه لج ان شاءالله :) |
رد: ما هو السبب؟؟
شوفي هذا عادي يمكن خلاص كبر أو هو تعبان
|
رد: ما هو السبب؟؟
يعطيكم الف عافيه
انا وديته البيطري اليوم وقصوا اظافره وعالتكسير قالوا انه زعلان لانه يحطونه بالمطبخ وعطوني ادويه احطهم له بالماي واول ما حطيته له شربه وانشالله بشووف شنو يصير معاي بقولكم |
| جميع الأوقات بتوقيت GMT +3. الساعة الآن 08:57 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو