منتديات تو زوو - وبري فيه خموول : (

منتديات تو زوو (http://www.2zoo.com/vb/index.php)

- سؤال وجواب لقسم هواة القوارض (http://www.2zoo.com/vb/forumdisplay.php?f=81)

- - وبري فيه خموول : ( (http://www.2zoo.com/vb/showthread.php?t=67065)

وبري فيه خموول : (

السلام عليكم ورحمة الله وبركاته

اخوااني وبري له اكثر من ثلاث اياام ماياكل ولا شي صااير بطنه فااااضي واووول كان ملياااان

طاالع شكله يروووع

وديته عند صيدليه بيطريه قاال فيه خموول :( < المكان الي اناا فيه مافيه مستشفى بيطري :eek:

عطااني فيتامينات لي يومين اعطيهاا الوبر بس مافادت معه :eek:

يالييت تعطووني حل او علاج للمرض هذا تكفووون بسررعه

رد: وبري فيه خموول : (

السلام عليكم ورحمة الله وبركاته، أخوي في عدة طرق تخلي فيها الوبر مالك في حالة نشاط وحيوية، أو شي خله يتمشى خارج القفص ويستكشف المكان حواليه ولا تحبسه، ثاني شي لازم تحط له الأكل المغري الطازج مثل الحبوب الخاصة للوبر (( يموتووون عليها )) والخضروات مثل الجزر والطماطم والخيار أكثر شي، ثالثا لازم تحط في قفصه أشياء يتسلى فيها وتخليه شوي يتحرك مثل الكور الصغيرة أو الانابيب الكبيرة علشان يدخل ويطلع منها أو ميداليات صغيرة فيها أجراس تعلقها في القفص، رابعا اشتر فيتامينات تنحط في الماي أو الأكل ومو حبوب مباشرة ياكلها، خامسا إذا تبي تأكله خل إيدك مرتفعة عنه علشان يشم الريحة ويرفع نفسه شوي علشان يوصل للأكل إلي بإيدك، وبجذي تتحرك عضلاته، سادسا تقدر اخوي انك ترفع يده للأعلى وتنزلها مثل التمارين الرياضية علشان يتصحصح شوي، سابعا حاول تسليه بأصوات تطلعها انت يعني مثل انك تدلعه وتصفق له شوي، ثامنا قوم انت ودخل في فمه قطع صغيرة من الأكل، اكيد لما يذوق الاكل بيتحمس ياكل أكثر ويستوعب الي حواليه :) وانشالله أفدتك وباذن الله يسترجع وبرك نشاطه .

رد: وبري فيه خموول : (

الله يعطيك الف عافيه

ان شاء الله بجرب الطرق وتنفع

والله يوفقك

رد: وبري فيه خموول : (

العفو أخوي هذا واجب وطمنا على حالة الوبر وباذن الله مافيه إلا كل خير :)

رد: وبري فيه خموول : (

اخوي SaLo0oM

اعتقد الاخت ديناصورة

كفت ووفت

وخبرنا بالي يصير معاك

وبالتوفيق