|
قطتين جداد (وحده نونو..وحده حامل) باركولي
السلام عليكم
((((ارجوكم تقرون موضوعي وتساعدوني بمشكلتي)))) انا اشتريت قطوتين جداد وحده لختي وهي نونو وحمدالله حالتها جيده وميه ميه وكل شي فيها اوكي.... المشكله في قطوتي الحامل هي حلوه وتمااام في اخر ايام حملها وعلى حسب كلام الدكتور ان اقل من سبوع وتولد لان الاجنه كبااار ويسمع صوتهم بالسماعه!! المهم قطووتي مشكلتها انها ضعيفه كثيييررر وكان فيها دود وسهال وسخونه !! بس حمدالله عالجها الدكتور وحالها صار احسن بالف مرررره والمشكله الثانيه انها ماتاكل اي شي غير الاكل الناشف!! لا اكل البيت ولا لحم المعلب ولا اي شي كان تاكله!! تصوررو؟؟ المهم انا ااكلها من الناشف والحمدالله لاكن ابيها تاكل اشيا ثانيه الدكتور عطاني بودره احطها بالماي لها فيها فيتامينز الخ الخ الخ ... وانا على اني ربيت كذا قطوه قبل لاكن اول مره قطوه تكون حامل وبتولد وايد متوووترر وماعرف شسوووي صراحه مبتلش واخاف شي يموت من اولادها او تاكل شي منهم ياليت اللي عنده خبره يساعدني شلون اني احاول اخليهم يكونون باحسن حال ومايموتون واهم شي اني مابيها تاكل شي منهم:( لاني بكررههاا هههههههه لاني احس انهم عيالي :d ملاحضه : (( القطوتين نوعهم شيرازي بيووور)) |
رد: قطتين جداد (وحده نونو..وحده حامل) باركولي
اول شي
ياهلا فيك اخوي معنا بالمنتدى ثانيا حاله قطوتك زي قطوتي ما تاكل الا نوع واحد وتعودت عليه وماتبي غيره عموما شي عادي لا تخاف بس دامك تقول انها تاكل دراي فود احرص ان المويه تكون متوفره دايم حولها لان الدراي فود ينشف المعده ويسبب تساقط الشعر فاحرص دايم تشرب مويه ثانيا بالنسبه انها حامل اولا مبرووووووك ثانيا لا تخاف بس انت زيد لها عدد الوجبات اكثر لانها تغذي نفسها وتغذي الاجنه بعد وثالثا بالنسبه للولاده هي بتولد بنفسها وبتسوي كل شي بس انا افضل انك تكون قريب منها وقت الولاده واذا مات احد الاجنه ترى عادي وخاصه اذا كان العدد كبير بس اذا نزل او مات احد الاجنه شيله من عند امه لا تاكدت انه ميت لانه مو كويس انها تاكله وشوف هاللنك يمكن يساعدك http://www.2zoo.com/vb/showthread.php?t=6062&page=3 وعلى فكره الجنين اول ما ينزل بيكون عليه غشاء اصبر شوف الام وش بتسوي ممكن انها تلحسه بس و ما تفقع الغشاء البس قلفز وافقعه ورجعه لها تكمل تنظيف وانشاء الله تقوم قطوتك بالسلامه |
رد: قطتين جداد (وحده نونو..وحده حامل) باركولي
اهلين اختي قطقوطه
مشكوووره مشكوووره على الرد الكافي والوافي صرااحه اخجلتني بكرمك وافدتيني بامور كثير وانا الاحظ ان قطوتي تشرب ماي كثير مثل ماقلتي اكيد لانها ماتاكل الا الناشف... بس حاب اعرف شلون اتفادى انها تاكل صغارها.. وياليت اللي عنده خبره بالولاده يقولي هل في اعراض تبان عليها باليوم اللي بتولد فيها انها اقتربت من الولاده او غيره لاني اخاف تولد وانا نايم مثلا!! وهل من الحين لازم احهز لها كرتون الولاده؟؟ |
رد: قطتين جداد (وحده نونو..وحده حامل) باركولي
اي ونسيت اقول شي ثاني... ان قطتي دايم تنونو بصوووت عاليييي
لدرجه الازعااااااج اللي ماتقدر تطيقه ماو ماو ماو ماو ... وكل اللي بالبيت انزعجو!! يمكن لان المكان جديد عليها؟ |
رد: قطتين جداد (وحده نونو..وحده حامل) باركولي
مبروك وان شاء الله تولد ويتربون بعزك
|
رد: قطتين جداد (وحده نونو..وحده حامل) باركولي
ممكن يكون لانه المكان جديد عليها
يمكن تبي تطلع وتدش وانتو مسكرين البيبان ويمكن تبي تتزوج |
رد: قطتين جداد (وحده نونو..وحده حامل) باركولي
وعليكم السلامـ حياك الله بينه اخوي اليديد وانشالله تستفيد وتفيد بهالقسم. انت من الكويت؟ اذا من الكويت ممكن اعرف اي بيطره رحت عليها ؟؟ لانه في بيطره تحط فيها قطوتك الحامل واهمه يعتنون فيها طبعا" مقابل جم فلس ;) بخصوص اسئلتك .. ماقصرت مدموزيل قطقوطه بس مافي مانع نرد بعد :D اكيد انت عودتها عالاكل الناشف فماصارت تاكل غيره .. بس تقدر تحط لها الاكل الي تبيه وتخلطه شوي مع الاكل الناشف ويمكن تاكله .. جرب وقولنا ;) بخصوص الفيتامين ماعتقد رح تشربه ان حطيته بالماي لانه رح يصيرله طعم ثاني .. انصحك بنفس ابره تمليها 5 مللي وتشربها ياه بالابره للفيتامين . " من غير البوز الحديد طبعا " لوووووووووووول ذكرتني بعمري يوم اتواد كانت حامل وماعرف شي عن القطط الحوامل وتربية الاطفال .. فكنت خايف حيل وموعارف شسوي والله يخلي مدموزيل قطقوطه صج صج ماقصرت .. وساعدتني وحطتلك لنك الموضوع اعتقد اسئلتك بتكون نفس اسئلتي :p انا بقولك اتواد اشلون اعراض الولاده يتلها دخلت على غرفة امي كان في جارور طالع من الكبت وشوي ظلام بالدار الليت شابينه شوي سمعنا ادح يجعر وصوت غريب راحت امي وانا شفناها قاعده ونبي نشيلها جنها مخدره مافيها حيل وصوت اول مره تطلعه وتخرخر وايد مرت ساعه ولا ينزل شي ابيض من ورا ومعاه ريحه جدا" مو حلوه " المخاض " بدت تعصر تعصر تعصر على بطنها بس مافي فايده عال2 ولدت اول ولد نزل محاط بكيس لحسته وشالته وبدا يتنفس والثاني نزل بعد نص ساعه والثالث بعد 20 دقيقه :D ومثل ماقالت المدموزيل قطقوطه ان ماشفتها لحست البيبي وماشفته قاعد يتنفس البس قفاز وبطه او افقصه للجيس عشان يتنفس |
رد: قطتين جداد (وحده نونو..وحده حامل) باركولي
وتقدر تزور فهرس قسمنا واكيد راح تكتسب معلومات وايد بخصوص اسئلتك :) http://www.2zoo.com/vb/showthread.php?t=6519 |
رد: قطتين جداد (وحده نونو..وحده حامل) باركولي
شفيكم القطوه وهي حامل مايبيلها عنايه خو اهي موادميه اهي عندها فطرتها وغريزتها تعرف تعتني بروحها بس اكيد لازم تضاعفلهااا كميه الاكل ولمه تولد ماتقعدون كلكم على راسهاا راح تتنرفز
|
رد: قطتين جداد (وحده نونو..وحده حامل) باركولي
اقتباس:
فطوم :p بالعكس لازم اكثر شخص تحبه القطه يقعد معاها عشان تحس بالامان اسمها قطط مدلله لازم ندللهم :D نفرش لهم بطانيه ونجهز فوط وهالحجي ;) وعقبال تومي لوووووووووووووووووووووول |
| جميع الأوقات بتوقيت GMT +3. الساعة الآن 07:03 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو