منتديات تو زوو - قفص هامستر اكثر من روعه و متوفر بالكويت للمره الأولى .. لحق

السلام عليكم

شلونكم و شخباركم ؟؟

مثل ما وعدتكم اوريكم صور قفصي الخاص بالهامستر

صورة القفص و هي صوره وحده فقط و لكن حاطها بأكثر من رابط اذا ما فتح مني يفتح مني :

http://www.ir11.com/File/1144849812.jpg

http://www.ir11.com/File/1144849812.jpg

طبعا مصوره بالبيت عشان تثقون اكثر و اكثر انه متوفر بالكويت

اهوه قفص مشتريه من الكويت - ديرتي - شريته من - مركز سلطان - فرع - سوق شرق -

مكانه بالضبط - بالدور الارضي التحتاني - اهمه في نوعين و قليله منتجات الهامستر مناك الا اقفاص و انفاق فقط ..

القفص مكون حسب الصوره كالآتي

1: كرة .. و هي عباره مثل ما تشوفونها بالصوره عن عجله دوران خاصه .. و يمكن ان تشيل الكره و تركب عليها قطعه - تأتي مع القفص الخاص - و تتسكر الكره من جميع الجوانب + فتحات للهواء و يمكن ان تدخل الهامستر داخل و يمشي في بيتكم الخاص بأمان .. تتمتع بالنظر :) و تستانس .

2: قصبة تحت الكره .. و هي عباره عن حامله للكره & نفق ولكن لا يمكن للهامستر ان يصعد الى الكره من داخل القفص لأنه نفق عامودي بالضبط ..

3: تحت القصبه او النفق العامودي في بيت للهامستر عباره عن مسرح من فوق مبسط و من الجانب في فتحتين .. يعتبر من تحت منزل للهامستر جميل و وسيع من داخل :) .

4: من الجنبين في مثل فتحتين لو لاحظتوهم عباره عن مراوح ثابته لا تتحرك و يمكن تشيلها و تركب انفاق خاصه و لكن لازم هالانفاق من نفس المنتج و لا تاتي مع القفص انفاق ابدا انت تشتريها .. انا حاولت استخدم انفاق القفص القديم و لكن لا تركب عليه لازم خاصه فيه .

5: و من داخل القفص او البلاستك البنفسجي التحتاني في سلمين عشان يركبون الانفاق اذا شريت انفاق اللي تركب من الصوبين اللي كلمتكم عنهم بنقطه رقم (4) .

6: الماء جميله جدا علبة الماء و متطوره و حديثه و اكثر من رائعه و راقيه احلى من اللي تيي مع القفص اللي من سوق الحمام .. بلاستيكيه و فتحتها جميله جدا .

7: العجله الموجوده : العجله اللي داخل القفص انا مركبها من القفص القديم يمكن تركيبها :) .

8: صحن الاكل .. انا بعد مركبه من القفص القديم و ما تجي معاه اي علبة للأكل

9: السعر بالضبط و التمام و الكمال بـــ 6 و نص دينار كويتي .. من مركز سلطان فرع سوق شرق الدور الارضي .. متوفر بكميات و مستورد من امريكا .

10: التركيب .. بخصوص التركيب انت تركبها بنفسك ما تيي جاهزه متعه ولا اروع ولا اروع كلش بتركيبها و سهله للغايه .

احر تحياتي لكم اتمنى اني كفيت و وفيت معاكم و سامحوني عالقصور و اي سؤال

عن القفص رساله خاصه او مني او موضوع بالقسم على راحتكم و انا بالخدمه :) .

مــــــــــــــــــــــــــاس & لولــــــــــــــــــــــــــــــــــــــــي