![]() |
ارجو المساعدة من الخبراء للضرورة..!!!!!!
السلام عليكم ورحمة الله
يا شباب انا دوبي جديد في المنتدى و عجبني المنتدى الرائع وسجلت فيه -ما اطول عليكم- انا ابا اربي كلاب وتوني مبتدأ وما عندي اي خلفية عن الكلاب ورايح مصر الإجازة وابا اشتري كلب واجيبوا معايا السعودية قولولي ايش احتاج عشان المطار وكيف اختار الكلب وايت نوع اختار وايش التطعيمات الي احتاجها وكم تكاليفها والكلام داا لأني مبتدأ :rolleyes:بالعربي ابا اكبر قدر من النصائح ويا ريت تساعدوني تحياتي إلى كل اعضاء المنتدى :):) |
رد: ارجو المساعدة من الخبراء للضرورة..!!!!!!
حياك الله اخوي بتهوفن معانا في اروع المنتديات تو زوو بس انت قولي من فين في السعودية عشان اعرف اوجهك لاي إدارة واشرحلك المطلوب بالضبط |
رد: ارجو المساعدة من الخبراء للضرورة..!!!!!!
انا من مكة المكرمة وجزاك الله خير اخ جميل
|
رد: ارجو المساعدة من الخبراء للضرورة..!!!!!!
حي الله اهل مكة شوف ياحبيبي لازم تروح وزارة الزراعة بجدة في كيلو 10 وتقدم على تصريح استيراد كلاب حراسة وتحدد النوعية وتحدد البلد المصدر ومنفذ الدخول يعني تحدد اذا كنت ناوي تستوردهم من مصر وتحدد مطار الملك عبدالعزيز اذا كان جواً او ميناء جدة اذا كان بحراً او منفذ ضباء اذا كان براً ويجب اخذ التصريح اولاً قبل الاستيراد وإلا سو يتم مصادرتهم او اعادتهم للبلد المصدر ممكن اعرف النوعية لانه يوجد نوعيات كثيرة على البلاك لست اي ممنوع استيرادهم وانشاءالله اكون قد وفقت في توضيح الامر لك |
رد: ارجو المساعدة من الخبراء للضرورة..!!!!!!
اوك انا ان شاء الله ناوي على جيرمن شيفرد
بس حبيت اعرف ايش متطلبات التصريح وقد ايش ياخد وقت لانو زي ما تعرف وقت اختبارات والواحد مو فاضي وبعد الأختبارات ب3اسابيع انا مسافر فهل يخرج في خلال هذي المدة ومشكووور اخ جميل وجزاك الله الف خير اخوي |
رد: ارجو المساعدة من الخبراء للضرورة..!!!!!!
الجيرمن شبرد ما فيه اي مشكلة والتصريح يحتاج من يوم ليومين بس حاول تشوف الاب والام قبل شراء الجراء وبالتوفيق |
رد: ارجو المساعدة من الخبراء للضرورة..!!!!!!
طيب الطيارة لازم اقطع تذكرة للكلب ولا عن طريق الوزن ولا كيف ؟؟؟
معليش كثرت عليك الأسئلة |
رد: ارجو المساعدة من الخبراء للضرورة..!!!!!!
عن طريق الشحن الجوي
بس لازم تتأكد قبل الحجز انه يوجد مكان للحيوانات على نفس الرحلة وتبلغ الشحن انك مسافر على الرحلة الفلانية لكي يتم شحن الكلاب على نفس الرحلة |
رد: ارجو المساعدة من الخبراء للضرورة..!!!!!!
يعني تقطع تذكرة لازم ما عندك فكرة ممكن تكلفتها كم؟؟
|
رد: ارجو المساعدة من الخبراء للضرورة..!!!!!!
مايحتاج تذكرة بالوزن عن طريق الشحن |
جميع الأوقات بتوقيت GMT +3. الساعة الآن 10:52 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو