منتديات تو زوو - نصائحكم لو سمحتو

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - نصائحكم لو سمحتو (http://www.2zoo.com/vb/showthread.php?t=60949)

نصائحكم لو سمحتو

السلام عليكم ورحمة الله وبركاته..

الصراحه انا محتارة ماعرف اي احسن الذكر ولا الانثى ؟
لان قريت مواضيع فيها الاعضاء يسألون وكانت الاجابه ان الذكر بـ يتبول في كل مكان اما الانثى لا
وفي عمليه الاخصاء للذكر اسرع وارخص من الانثى .. واذا كانت الانثى تطلب الزواج نقدر نضربها ابره وخلاص ماتزعجنه
والذكر حنون اكثر من الانثى .. والانثى مريحه في تربيهتا من تربية الذكر .. والانثى شكلها احلى من الذكر بعد سنه

فـ اتمنى تنصحوني اي احسن من واقع تجربتكم :) ..

رد: نصائحكم لو سمحتو

انا انصحج بالنثيه

دلوعه وتقدرين تسووين شعرها
وعيالها تبيعهم وتستفيدين

ان شالله افدتج

رد: نصائحكم لو سمحتو

و عليكم السلام و الرحمه
و الله اختي انا انصحج انج تاخذين انثى ..
لانها تكون نعومه وحلوه و باجر تترس لج البيت قطاوه صغار الواحد
ينهبل عليهم ^^
و انا من يومي ما ربيت غير الاناثي لاني اخاف من سالفة رش البول عند الذكور ..
الله يوفقج و ان شاء الله تلقين القطوه الي في خاطرج ..

رد: نصائحكم لو سمحتو

عادي

انا ماشوف ان الانثى افضل من الذكر او الذكر افضل من الانثى

كل واحد له ميزااته وعيوبه وذكرتيهم انتي .. بس ان الانثى شكلها احلى من الذكر بعد سنه .. انا اول مره اسمع كذاا .. عادي كل قطوة لها شكل خاص فيها لما تكبر

انتي روحي دوري لج على CAT .. اذا كانت انثى .. شوفي نفسج انتي قادره تتحملين الولاده والصغار .. خصوصا ان بعض الامهات تهمل القطط الصغار فـ تتكفلين فيهم انتي .. يعني حطي ببالج راح تتمين تقريبا شهررين تهتمين بحوالي خمس قطط او سته او .... ( على حسب القطط اللي بتجيبهم ) .. او ان الابر متوفره عندكم وتقرين تعطينها اياها كل فتره

واذا كان ذكر واعجبج شوفي نفسج قادره توفرين له انثى على طوول عشان مايرش بالبيت او قادره تسوين له العمليه عشان تفتكييين من الرش والاناثي االلي بتجيبينهم عشان يتزاوج وياهم

واللي يريحج سووويه

موفقه

رد: نصائحكم لو سمحتو

انصحك انثى هي اللطف واجمل ..
ولعوبه وخفيفه وتجيب لك عيال .. حلوين مثلها
وصدقيني الذكر مكانه مو البيت لأن راح يحاول دائماً
في فكرة الخروج بس يكبر .. عشان يحقق رغباته وبس يكبر
يصير ثقيل دم

رد: نصائحكم لو سمحتو

مشكورين يالطيبين وماقصرتو:)