|
مشكلتي العويصه مع القطه ما الحل ؟!
السلام عليكم ..
بدون طول سيرة وكثر حكي .. قطتي عمرها تقريباً شهر وشوي .. اشتريتها من احدى المحلات وانا مقتنعه بها .. سألنا البائع قبلها تعرف وين الحمام الي يخصها قال ايه طيب .. انا اشوفها الحين قريب بكمل الأسبوع معاها وهي ماتجيد الحفر .. انا اشوف القطط بتاع الشوارع يشموا الرمل المكان الي استخدموه من قبل مايحفروه هذي لا .. تحفر في اي مكان وماترجع تسكر الحفره .. والي زاد الطين بله ان اليوم صحيت من النوم لقيت ربع الرمل في الأرض وهي حاالتها حاله .. يعني انا انظفها دوم بأستمرار واعتني بها والرمل مايعدي يوم الا منظفته مادري وش اسوي معاها صراحه .. بدأت اكره المكان من ريحته !! واكرهه ادري صغيره بس غباء هذا شي بالفطره احسه |
رد: مشكلتي العويصه مع القطه ما الحل ؟!
دامك شريتيها بهالعمر تحمليها :)
القطوه صغيره ويبيلها صبررر وطولة بال على ماتعتمد على نفسها صح بالتوفيق أختي |
رد: مشكلتي العويصه مع القطه ما الحل ؟!
من المفترض إنك ماخذتيها بهالعمر
توها صغيره وفي دوة التعليم من أمها وأتوقع مافيه حل إلا إنك ترجعيها أو إنك تشترين قطه ثانيه كبيره وتعتمد على نفسها عشان تتعلم منها وتقبلي مروري تحيــــــــــــاتي |
رد: مشكلتي العويصه مع القطه ما الحل ؟!
اوووووه يا قلبي القطوه لين الحين صغيره و ما تعرف شي :o
بس اهم شي انها قاعده تروح للتراب و تقظي حاجتها فيه ... و اذا على انها تسوي حفره و تغطيها لازم تصبرين عليها شوي ... ان شاء الله هي بتتعلم مع الوقت .. |
رد: مشكلتي العويصه مع القطه ما الحل ؟!
اصلاً القطوه احلى شي بهالعمر عشان
يتابع الواحد معاها نموها وحياتها ويشوفها وهي تكبر بس رداً الي الكلام الي قلتوه .. هي ماراح تتربى مع قطوات ثانيه فهل ممكن تتعلم لوحدها مع الوقت والا كيف ؟ يعني الحين انتوا كلكم شريتوا قطواتكم اكبر من كذا ؟ |
رد: مشكلتي العويصه مع القطه ما الحل ؟!
صح ان القطاوه يجننون بهالعمر ... بس يحتاجون لعنايه وااايد كبيره ...
انا اكثر قطاوتي اشتريتهم بعمر الثلاث شهور .. بس مره سويتها و شريت وحده بعمر الشهر ^^ كنت مهتمه فيها بدرجه مو طبيعيه ... و الاهم من جذي اني صبرت عليها لين ما تعلمت كل شي ... و هاي الاشياء تكون عند القطوه بالفطره و ما تحتاج حد يعلمها اياها .. |
رد: مشكلتي العويصه مع القطه ما الحل ؟!
مشكوره يا الغاليه .
وانا صابره عليها لأني احبها |
رد: مشكلتي العويصه مع القطه ما الحل ؟!
لا حبيبتي لازم تصبرين عليهاا
انا عندي عيال قطوتي طلعوا التعب من عيووني لان امهم مو معلمتهم عالحمام والحين انا جالسه اعلم فيهم وهم بعمر شهر واسبوع تقريبا او اكثر بشوي بس الحمدلله هاليومين اشوفهم يوسخون بالرمل لكن ماشوفه مدفون الحمدلله .. كلها فتره ويعرفون يدفنون بعد مووفقه خيتوووو |
رد: مشكلتي العويصه مع القطه ما الحل ؟!
تسلمي يا الغاليه
واشكرك على تجاوبكـ |
رد: مشكلتي العويصه مع القطه ما الحل ؟!
طولي بالك عليها أنا كان عندي نفس المعاناة تماما مع قطي كيوتي لما اشتريته لا يحفر ولا يشم ولا يطمر بس يادوب يعمل ويمشي وأنا أشتغل من وراه بس بعد فترة قليلة صار لوحده يطمر و يشم لحد ما يتأكد وماشاء الله عليه صار فنان بالطمر :D
|
| جميع الأوقات بتوقيت GMT +3. الساعة الآن 05:06 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو