|
أفدوني بعمره وطريقتي بتعليم للكاسكو
السلام عليكم
تكفوون فديووني بالصور 1-أنا شريت كاسكو فرخ من الاخ الوسمي وبصرااحه ماقصر http://www.2zoo.com/vb/showthread.php?t=58834 بس هو عينه رمااديه غاامجه 2-هو للحين ياكل سيريلك وتفاح ومايحب الحب الشمسي ومب عاارفه لمتي بتم على السيريلك وهالسن اقدر أعلمه الكلام ولا لا لان أذا تكلمت معاه يخربط بس مب عارفه هالطريقه تنفع معاه ولا لا 3-وفي طريقه أتبعتها عشان يتكلم أن أنطق له الكلمه وحطه بالفقص وشغل بصوتي الكلمه وطلعه من القفص ببعد 10دقايق وأكررها لمده خمس مرات بس المشكله مايحب القفص كلـــــــــش هالطريقه تنفع ولا لا |
رد: أفدوني بعمره وطريقتي بتعليم للكاسكو
السلام عليكم الــــــف الـــــــف مبروك عليك الطير ويتربى بعزك :p الطير ما شالله جميل وصحته جيده انشالله اختي الكريمه Amy حطيله بذور دوار الشمس باستمرار لا تشيلينها من عنده. وخففي عنه الاكل شوي سيضطر ان ياكل من البذور , وحقيقة المفروض في هذا العمر يكون اكل واعتمد على نفسه . وبالنسبه لتعليم الكلام تعلمينه وهو بيحفظ بس ما ينطق في هذا السن . اخوكم ابو اصيل |
رد: أفدوني بعمره وطريقتي بتعليم للكاسكو
تسلم يابــوأصيل والله يعطيك ألف عافيه على هالرد
بس أبي أعرف عمره بالضبط كم؟ طريقتي بتعليمه أنطق له الكلمه وأحطه بالقفص وأكررها مفيده ولا تضر نفسيته؟ هل أقدر أنطق له أكثر من كلمه باليوم ولاأكتفي بكلمه واحده |
رد: أفدوني بعمره وطريقتي بتعليم للكاسكو
السلام عليكم الله يعافيك اختي ويسعدك بطيرك الجميل هذا ما شالله تبارك الرحمن اختي العزيزه الطير ما اعتقد يتعدى خمسة اشهر . وبالنسبه لتعليم الطير في هذا العمر لا تركزين عليه واجد ركزي على تعليمه الحركات وتخلينه يفهمك بالاشاره او الكلام . وتقدرين تعلمينه الكلام مقترن بالحركه اذا فهمتي ok واذا ما فهمتي بانزل موضوع فيها علشان الكل يفهم .بس المفروض انك ما تنطقين اكثر من كلمه يعني كل اربع او خمس ايام كلمه اخوك ابو اصيل |
رد: أفدوني بعمره وطريقتي بتعليم للكاسكو
اللـــه يعطيك العافيه بصـــرااحه مهما قلت بحقك ماراح أوفيك بالكلام
ياليت تحط لي الحركه مع الكلمه عشان الكل يستفيد |
| جميع الأوقات بتوقيت GMT +3. الساعة الآن 02:25 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو