|
تخيلوا تخيلوا تخيلوا
هذي قصه واقعية يرجى قرائتها بمراقبة الأهل
المهم بسم الله نبدأ كان يا ما كان في قريب الزمان كان عندي قطوة أمورة إسمها bunga والحمد لله بفضل الله ما زالت عندي وهذي صورتها القمرة [IMG]http://www.pusup.com/uploads/eb7b608fe5.jpg[/IMG] عايشين مبسوطين لين يوم قررنا نسافر وهني جات المفاجئة توهقت وين أوديها ودي آخذها معاي بس طبعا الأهل ما يوافقون ولا فيه أحد ثقة ممكن أخليها عنده يهتم فيها بغيابي واحترت فيها مابين أخليها بالبيت واخلي عندها أكل يكفيها فترة السفر القصيره أو أخليها بالحوش الخيار الأول كان صعب نظراً لعدم وجود ضمان كافي إني برد لها بالسلامه يعني لاقدر الله إذا صار فينا شي مين بيدري إنه كان عندنا قطوة بالبيت وبتقعد محبوسة لين تموت محد درى عنها لذلك لجأت للخيار الثاني خليتها بالحوش وعطيت جيرانّا أكل يحطونه لها فترة غيابي وإستودعتها الله الذي لا تضيع ودائعه وسافرنا وطول فترة السفر أتذكرها كل شوي وأدعي ربي يحميها ما تطلع برا الحوش وفي طريق عودتنا وأنا قلبي بينقز من مكانة بيسبقني عشان يشوفها:rolleyes: لين وصلنا بالسلامه ولله الحمد راحت اختي لجيرانّا تجيب سمكها من عندهم وهنا أنصدمت يوم فتحت الكيس ولقيتها راده كل أكل القطوة ما غير علبه وحده ناقصة يعني شلون ما أكل شي قطوتي وأنا مسافره وهني جن جنوني وقعدت أدور عليها بكل الحوش وأناديها وأناديها لين شفت قطوة يوم لحقتها وصلتني لمكان سمعت فيه صوت قطوتي والمشكله أناديها ودي تجي والصوت ما يقرب طلعت البيت وصرت أطالع من الشباك وأناديها تخيلوا وش لقيت؟؟؟؟؟؟؟؟؟:confused: لقيتها محبوسة عند جيرانّا ونروح وندق عليهم ما يردون إنتظرت لين ثاني يوم على أعصابي ويوم راح الوالد الله يجزاه الجنة الصلاة كلمهم إلا الهندي حقهم يقول أنا لي كم يوم أشوف هزا قطوة محبوس هني :eek::eek::eek: ويوم جابها الوالد وحطها علي كأن روحي ردت لي يا عمري وأخذتها وأكلتها كأنها لها شهر ما كلت هبو على هالهندي يعني إذا القطوة ما لها وليّ وطلبها بيخليها محبوسه لين تموت والعتب موب عليه بس على جيرانّا يسمعوها ولا كأن يسمعون شي وين الرفق بالحيوان ما يتعظون من قصة المرأة اللي دخلت النار بسبب هرة بس الواحد ما يقول غير الحمد لله على كل حال والله لا يورينا ما نكره بحبايبنا:o المصيبة الجاية بنسافر قريب ولا أدري وين أخليها هالمرة:cool: ؟؟؟؟؟؟؟؟؟؟ إللي عنده إقتراح يا ليت يكتبه |
رد: تخيلوا تخيلوا تخيلوا
واي حبيبتي حسيت بشعورك يوم شفتها اسكت اما سالفة السفر انا قاعدة على اعصابي هالصيف بنسافر كذا مكان ومادري شسوي بدمدم قلبي خايفة وقاعدة ادعي ان تتفركش السفرة علشان ما احاتي دمدم ولا يصير فيه شي . . . |
رد: تخيلوا تخيلوا تخيلوا
إنتي من وين لأن إذا ممكن تخليها عندي إذا كنت أنا موجودة
يا رب نكون بنفس المدينة |
رد: تخيلوا تخيلوا تخيلوا
ياعوووووووووووووووووومري بوونجاا
والله قطعت لان صار لقطوتي كذا بس بشكل مخاالف نوعاا ماا الله يخليها لك ولا يراويك فيها مكروه مره ثانيه اما ناحيه القطوة معقوله محد من اهلك او ربعك تقدرين تأمنين عليها عندهم ..!!! لان جيرانكم دام سووها مره بيسوونها مره ثاانيه الله يعييييينك |
رد: تخيلوا تخيلوا تخيلوا
محد يبي يربي قطاوة أو حتى عنده إستعداد يخليها كم يوم عنده
وإللي يحبونها ويربوها موب ساكنين بنفس مدينتنا حظي مررررررررة حلو |
رد: تخيلوا تخيلوا تخيلوا
الحمدالله ان القطوه سليمه ومافيها شي
وانا مثلكم بعد بالصيف بنسافر شهر ومحتاره مادري وين أخلي قطوتي مع عيالها :confused::confused: |
رد: تخيلوا تخيلوا تخيلوا
يوووووو يا قلبي حرااام ليش عاملوها بهالطريقه !!
لا و حبسوها بعد ... الحمد لله على سلامتها و سلامتكم ... بس الحين خلاص انتي عرفتي كيف جيرانكم و لا تفكرين بعد انج تحطينها عندهم ... و صج والله صدقتي مشكله الواحد لما يبي يسافر و عنده قطوه في البيت اتمين طول الوقت اتفكرين فيها ... ان شاء الله بس لين الاجازه تلقين حد يعتني فيها عدل و يحطها بعيونه و الله يوفقج ان شاء الله ^^ |
رد: تخيلوا تخيلوا تخيلوا
بصراحه قصه مؤثره ... بس انتي بصراحه الغلطانه ... كيف تتركين قطوتك عند جيرانكم حتى بدون لا تتصلي وتتأكدي انها بخر ... انا بصراحه اذا سافرت اروح لمحل الحيوانات اللي اتعامل معاه ،،،، واسويلها فندقه ،،،، يعني يحطها بقسم خاص ... بعيد عن الزباين وادفع له مبلغ بعد ما ارجع من السفر ... العيب الوحيد ،،، هو امكانية اصابة القطه بعدوا من القطط الثانيه ،،، بس انا اشرط عليه ما يحطها مع بسس ثانيه ...
|
رد: تخيلوا تخيلوا تخيلوا
بصراحه هالمشكله تواجهنا كلنا و انا عندي حل في محلات تقدرون تحطون القطط عندهم او مستشفى البيطري بالنسبه لي انا من الكويت و عندنا مستفشى الدولي اقدر احط القطوه عندهم الفتره اللي ابيها و وايد يهتمون فيها |
| جميع الأوقات بتوقيت GMT +3. الساعة الآن 09:56 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو