|
مشكلتي مع Missy
السلام عليكم ورحمة الله وبركاته عندي مشكله مع قطوتي فارسيه هاف بيكي عمرها 8 شهور من فتره وهي متعبتني لما تجي تروح الحمام وانتم بكرامه اجي القاها مسويتها بجانب الحوض ولما تشوفني تهرب بسرعه وتتخبى فكرت اعاقبها بس المشكله انها تتخبى وتهرب وسألت قالوا يمكن تبغى تتزاوج لكني ما لاحظت عليها اي تصرفت تدل على انها بتتزاوج ماعرف ايش اسوي لها:confused::confused: وشي ثاني هي شعرها طويل ونصحني دكتور اني اشتري نبته تاكلها عشان يطلع الشعر لانها ولا مره طلعت الشعر من حلقها وشريت النبته وما اكلتها:( وقال الدكتور اذا ما طلعت الشعر ممكن يسبب لها مشاكل طبعا فكرت ارجع للدكتور مره ثانيه بس قلت استفيد من خبرتكم اول ويعطيكم العافيه مقدما:) |
رد: مشكلتي مع Missy
بالنسبه للحمام الله يعزج ... حاولي انج تحبسينها في مكان واحد اذا وصخت برع الصندوق ..
في غرفه مثلا و خلي الصندوق معاها ... انا كنت استخدم هالطريقه مع قطوتي قبل و كانت تنفع ^^ و اذا على شعرها هذا يسمونه ال hair balls و هي تنتج عن تنظيف القطه لنفسها بلسانها فتدخل كرات الشعر لداخل معدتها ... و لازم تطلع انها تأثر على صحه القط .. و مب شرط انها تتناول النبته علشان اتطلع الشعر في وااايد انواع مختلفه من الادوية تسوي هالشي ... و في بعد نوع خاص من الأكل يطلع الشعر >>> و انا شخصيا كنت استخدمه .. اسمحيلي الغاليه طولت عليج بس ان شاء الله تكونين استفدتي .. و ان شاء الله قطوتج ما عليها شر ^^ |
رد: مشكلتي مع Missy
يعطيك العافيه ماقصرتي والله
أنا بسوي طرقتك أن شاءالله وانشاءالله تنفع وبالنسبه للشعر بروح الدكتور اليوم واشوف وش يعطيني من علاج وأسأله عن الاكل اللي تقولين يعطيك العافيه مره ثااانيه |
| جميع الأوقات بتوقيت GMT +3. الساعة الآن 02:55 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو