|
تــجـــــارب شـــــــخــــــصــــيــــــــة
السلام عليكم ورحمة الله وبركاتة اتمنى ان نلاقي التفاعل معكم من خبراء و هواه في مجال الترويض و الكلام قد تختلف الطرق في الترويض والكلام من شخص الى آخر شخص يقول لك افعل كذا ومع الاسف من غير نتيجة والاخر يقول لك افعل كذا قد تكون الطريقتان صحيحتان ولكن طريقة واحده مشت معاك فاتمنى منكم كل واحد يقول لنا عن الطريقه .... او اشترى الرمادي مدرب وجاهز :) وجزاكم الله كل خير |
رد: تــجـــــارب شـــــــخــــــصــــيــــــــة
وعليكم السلام ورحمة الله وبركاته موضوع جميل جدا اخوي .. شريت سيكو وماكان مدرب طبعا مرت اشهر ودربت سيكو على الصعود على اليد وكان سهل جدا ... وبعد جم شهر تعود على جو البيت وصار يصفر ويقلد تصفيرات زوج الكوكتيل الي عندنه وصوت القطاوه الي برع وكنت احطه في الميلس اذا انزل واحط الستاند عند التلفزيون واخليه فتره وهكذا والحين ماشاءالله عليه صار يتحجى لكن في كلمات واضحه وفي كلمات لا |
رد: تــجـــــارب شـــــــخــــــصــــيــــــــة
وانا عندي كاسكووو اخرس حتى الحين ما سمعت له صوت:(
|
رد: تــجـــــارب شـــــــخــــــصــــيــــــــة
اخي فلاش قطري موضوع جميل جدا و انا معك اتمنى ان ترى تفاعل من الجيمع كل حسب تجربته الشخصيه و بالطبع التدريب يعتمد على نقطتين مهمتين الاولى هي المدرب و طريقه تدريبه الثانيه الطائر و نسبه ذكائه و أنسجامه مع المدرب بالنسبه لي اجد ان التدريب بالرابط دائما ما تكون افضل الطرق و اسرعها و خاصه الرابط الصوتي و اول ما قمت بتدريب طائري على دق الباب و كلمه ( مين ) فكنت اقف بجانب الباب و ادق على الباب بيدي ( طق طق طق ) :D و ثم اقول مين و خلال 3-4 ايام اصبح هو من يقول مين و يرد على الضيوف و اتمنى نشوف طرق الاعضاء |
رد: تــجـــــارب شـــــــخــــــصــــيــــــــة
السلام عليكم..
فكرة الموضوع وايد حلوه .. و بصراحة انا توني يديد بهل مجال صارلي يمكن 5 ايام شاري كاسكو و للحين يخاف مني :) بس الحمدلله من امس بدا يصفر بروحه و تعود على جو البيت تقريبا.. و الله يوفق الجميع .. |
رد: تــجـــــارب شـــــــخــــــصــــيــــــــة
عاشقة الطيور : تسلمين اختي على المشاركة الجميلة وان شاءالله تعم الفائدة للجميع وطريقة حلوه وجميلة عالم الامارات :) يارب طيرك يطلع لغوي ولا يسكت هههههههه وتعلمنا تجربتك اخي الحبيب ميمو : اشكر لك مشاركتك الجميلة وانت من غير شي خبير في هذا المجال :) اليوسفي : عزيز وغالي وعقبال نشوفك دكتور وخبير هههههه وتسلم على المشاركة |
رد: تــجـــــارب شـــــــخــــــصــــيــــــــة
موضوع حلو ويشجع الجميع انهم يدربون طيورهم ويكتوبون تجاربهم علشان الجميع يستفيد وعن تجربتي مع وديع كل يوم ابغي امسح على راسه مايرضى بس يخليني أمسح على جسمه ويرفع راسه يحاول يعضني أمس جلست احاول معاه تقريباً ساعة بعدين صرت أحط يدي اليسار قدامه وارفع يدي اليمين وامسح على راسه بعد ساعة أو أقل بعد صرت امسح على راسه من غير ماحط يدي الثانية وهذي الصور [IMG]http://www.alsafa.net/vb/uploaded/1015_01199885450.jpg[/IMG] [IMG]http://www.alsafa.net/vb/uploaded/1015_11199885450.jpg[/IMG] |
رد: تــجـــــارب شـــــــخــــــصــــيــــــــة
|
| جميع الأوقات بتوقيت GMT +3. الساعة الآن 04:48 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو