سؤال عن اكل السنجاب
 

مرحبا لكم جميعا

انا عندي اسئلة عن اكل السنجاب الاحمر ناس تقول انه هولندي وناس تقول سوري

المهم .. كل مااسال احد عن اكله يقول كلام

راعي المحل يقول ياكل بذور دوار الشمس وخس

وبعض المواضيع وبعض الناس تقول ياكل خضار وفواكه وبذور

وواحد يقول بس دوار الشمس

وواحد يقول دوار الشمس لوحده يموته


انا الان ابغى اعرف ياكل ايه ؟؟؟

اذا بذور .. ايش هي البذور الي ممكن ياكلها .. ايش انواعها
اذا فواكه .. ايش انواع الفواكه الي ممكن ياكلها .. وياكلها طازه والا مجففة زي ماقالوا بعض الاخوان
واذا خضار .. ايش انواع الخضار الي ممكن ياكلها ؟؟

ممكن تفيدوني ؟؟

وشكرا لكم جميعا

رد: سؤال عن اكل السنجاب
 

هلا mex :)
السنجاب الاحمر الأمريكي و الرمادي و بعض سناجب الأشجار تتشابه بالتغذيه ..

تأمد من توفير جميع الأصناف المهمة لها منها :
1- الفواكة :
منها : تفاح، موز، برتقال، تين, جوافة ..
2- الخضروات :
منها : جزر, فاصوليا خضراء، كرفس، خس ..
3- مصادر البروتين :
الدود الحي و يباع بمحلات الأسماك وهو يغني عن الحشرات .. اذا ما توفر حاول تحط قطعة دجاج مسلوق بس مو كل السناجب ياكلونها .
4- المكسرات و البذور و الحبوب :
تقدر تشتري مجموعه من المكسرات و تخلطهم و تحطهم ضمن التغذيه و هي مهمة للسناجب و بالنسبه للبذور ممكن تستخدم طعام الببغاء اذا لم يتوفر أكل السنجاب الخاص أو أكل الهامستر بعضه ينفع اللي من ضمنه حبوب دوار الشمس ..

كل هالعناصر مطلوبه و من المهم توفيرها كلها ..اذا تقدر حط صورة السنجاب عشان تنأكد من نوعه ..

تربيه موفقه :)

رد: سؤال عن اكل السنجاب
 

شكرا كثيييير اختي الكريمة


الله يجزيكي خير


وسنجابي نفس السنجاب الي في توقيعك وحسب ماعرفت من البياعين اسمه السنجاب الاحمر

رد: سؤال عن اكل السنجاب
 

ممكن صورة للسنجاب عشان نعرف وش نوعه

اي واحد

رد: سؤال عن اكل السنجاب
 

صورة السنجاب تبعي زي هذا :

http://www.yabdoo.com/users/3905/gallery/350_p46463.jpg

http://www.neghneghoo.com/photos/b5


وطالما احنا لسا في سيرة السنجاب بسألكم عن شي ثاني

انا امس لاحظت انه في جسم السنجاب براغيث .. كنت اشك في الاول لما كان يحكحك
ولما سالت طبيب بيطري قال لا السنجاب مايجيه براغيث (زي البساس والطيور)

لكن امس شفت بعيني وحدة تمشي عليه
والان ابغى كل كيف انظفه من البراغيث ؟؟

كأني مرة قريت انه ينفع ارشه بمويا فيها خل ببخاخ لو مافي بخاخ خاص
بس ما اعرف قد ايه المقدار

وكمان مرة شفت بمحل للحيوانات شي زي الاسورة ينحط حولين رقبة البس ووظيفته انه يقتل اي براغيث في جسمه ويقعد مفعوله سته شهور

انا الان افكر .. ينفع اشتري للسنجاب هذا الشي بما اني صعب انظف له جسمه ؟؟

انتو اش رايكم