الي يربي سنجاب يدخل بليز
 

مرحبا للجميع

انا قريت مواضيع السناجب كلها لكن مالقيت اجابات عن اسئلة كثيرة

والمثل يقول اسأل مجرب

وعلشان كذا .. اتمنى من اي واحد يربي سنجاب عادي يفيدنا بكل المعلومات عن طريقة تربية السنجاب
اكله - شرب- نظافته - امراضه - لعبه-

نعرضه للشمس والا لا
افضل درجة حرارة يحبها
طبعه .. ايش يصير له ايام الشتا

انا ابغى اخذ المعلومات من مربيين لهذا الحيوان لان المعلومات الجاهزة ماتكفي


وشكرا لكل واحد حيتجاوب مع الموضوع :)

رد: الي يربي سنجاب يدخل بليز
 

مرحبا "mex" .. :)
حياك الله بتوزوو انشالله تقضي وقت سعيد معانا ..

بالنسبه لاستفساراتك هذي صعبه والله و يبيلها لكل سؤال موضوع و اعذرنا عالتقصير لأن السناجب تفوق الألف نوع و صعب نحط موضوع واحد يشملهم إحنا نحاول جاهدين نوفر كل المعلومات ..


شرب :

الماء 24 ساعه لأنواع السناجب اللي تشرب الماء .. البعض لا يشرب الماء و يكتفي بالسوائل الموجوده بالأكل مثل الفواكة ..

نظافته :

ممكن تحط تحت أسلاك القفص اوراق الجرائد القديمة أو نشارة الخشب الخاصة بالقوارض و تغييرها يومياً ماراح يطلع روائح ..


لعبه :

السنجاب ألعابه تتشابة بشكل كبير مع ألعاب الببغاوات و انا شخصياً أعلق بقفص سناجبي ألعاب الببغاوات و اشوقهم يستانسون عليها و يتعلقون فيها بوقت اللعب ..




نعرضه للشمس والا لا :
على حسب نوع السنجاب و موطنه الأصلي .. بعض السناجب ليليه و الشمس تضرها ..

افضل درجة حرارة يحبها:
نفس الشي يعتمد على موطن السنجاب و لكن أغلبهم يفضلون الجو المعتدل ..

طبعه .. ايش يصير له ايام الشتا
لازم توفر له المأوى داخل القفص .. و فرش مناسب مثل ريش الطيور أو الأوراق أو نشارات الخشب أو مناديل الكلينكس ..

و بالنسبه للتغذيه يعتمد على نوع سنجابك لو تذكره يكون أفضل .. و الأمراض هذي صعبه لازم أكثر من موضوع نكتب عنه .. اذا مرض السنجاب اخذه للبيطري اللي يعالج القوارض و راح يقدر يشخصه و يعالجه ان شاء الله :)

رد: الي يربي سنجاب يدخل بليز
 

شكرا جزيلا اختي

انا اسأل عن السنجاب العادي مو الطائر

يعني المخطط او الاحمر

لكن مافي مانع انه كل واحد يكلمنا عن نوع سنجابه وكيف يربيه

اشوف ان الاهتمام اكثره على تربية الهامستر

لكن ماحد اتكلم عن تربيته للسنجاب خصوصا السنجاب العادي مو الشوقر جلايدر


انا ابغى تجارب حية عشان استفيد انا وغيري من المهتمين بهذا الحيوان


وتسلمي على المعلومات الحلوة الي اضفتيها

رد: الي يربي سنجاب يدخل بليز
 

العفوووو .. صحيح أكثر اللي يملكون سناجب من هالنوعين اللي ذكرتهم .. انشالله راح أكتب موضوع عن السنجاب الأمريكي (المخطط) هاليومين .. :)

رد: الي يربي سنجاب يدخل بليز
 

السنجاب العادي لاتعرضه للشمس ولالدرجات الحرارة العالية وهو يميل للبرودة
اما اكله البذور والفواكه المجففة والاعشاب المجففة
لاتضع له كثيرا بذر دوار القمر او دوار الشمس يسمى لانه يحوي زيوت كثيرة سوف يصبح سمين وبالتالي يتخرب في جسمه المواد المتبادلة ويموت

رد: الي يربي سنجاب يدخل بليز
 

شكرا اختي روز .. وانتظر موضوعك الجديد عن السناجب


الف شكر اخ رائد ..


اتمنى تفاعل بقية الاعضاء خصوصا الي يربو سناجب

رد: الي يربي سنجاب يدخل بليز
 

السلام عليكم ورحمة الله وبركاته :

أنا قد ربيت سنجاب ولكن اعتقد انه في تربيته لا تختلف كثيراً عن الهامستر والقوارض الأخرى

لأن كل القوارض تربيتها وصفاتها الحميدة والسيئة متشابهة لحد كبير والاختلافات مجرد شي بسيط بين نوع وآخر .

ودمتم سالمين

رد: الي يربي سنجاب يدخل بليز
 

شكرا لك اخوي الاسطورة