|
سلسلة خبراتنا: الغضب
مرحبا مجددا بعد انقطاع احنا بدينا السلسلة بخبراتنا حول اللعب سلسلة خبراتنا : اللعب نكمل الحلقة الثانية من السلسلة وهي الغضب كل واحد يذكرلنا المواقف اللي تصيرله مع قطوته لما تغضب قطوته وكيف يتعامل معها انا ابتدي كلنا نعرف ان القطوة مزاجية لأبعد الحدود يعني وقت ماتبي تاكل تاكل على كيفها اهيا وقت النوم ماتبي ازعاج والا الخرمشة والتشميخ والعض هو مصير المزعج منا نحن البشر وقت اللعب له حدود عندها تلاقيها فجأة تنط وتلعب وتركض هنا وهناك ولما تبي تكمل معها اللعب تتوقف لأن مزاج اللعب خلص هنا يحين وقت الغضب بالنسبة لدمدم متعود اني الوحيدة اللي بالبيت ما ازفه ولا اهاوشه ولا اصرخ عليه واذا صار جذي يكون على غشمرة ولعب ووايد ادلعه واكلمه مثل الاطفال واهوا نفسه عارف وحاس بالدليل انه ينام عندي اكثر وحدة ولما يسمع صوتي ادخل البيت يركض عند الباب ولما ادخل ينط بالبيت مرحا وفرحا :p مرات لما مايكون له مزاج وانا ايي واتحرش فيه ولا العب بكرشته ولا ادغدغه من بطنه وخواصره يعصب فيركض لأقرب سجادة ويشمخها بعنف او يوقف ورا الصوفا ويشمخها بعصبية مايعضني ولا يشمخني ;) اما اختي فوايد تهاوشه او تدزه لو كان مالها خلقه فدايما يعضها او يشمخها لو ازعجته مرة من المرات انا صرخت عليه من صج فخاف مني ووخر ونفس اليوم رشيت عليه ماي علشان ينزل من المطبخ التحضيري لا يدخل شعره بالساندويتش اللي كنت اسويه كتمها بقلبه وسكت وابتعد عني بهدوء لكني تفاجأت وقت النوم ان هالمرة فجر غضبه علي بمعاقبتي بطريقة جديدة اخترعها لينفس عن غضبه وهي وقف على سريري وتبرز عليه كمسألة عناد ليش تزفيني وترشين علي ماي انتي دايمه تدلعيني ليش هالمرة تهاوشيني :cool: ومرة سواها مع اختي وتبول على سريرها لأنها ضربته بالمخدة وخرعته بصوت تنفيس الهوا من البالونه هذي طريقة دمدم لو حب ان يعاقبنا هاتوا ماعندكم من تجارب ميرسي . . . |
رد: سلسلة خبراتنا: الغضب
;)مشكوره عالمموضوع المهم ...
ويشرفني اني اكون اول رد .. واكيد انتظـر الجزء الثالث :D |
رد: سلسلة خبراتنا: الغضب
Welcome Baack Dominique :)
بالنسبه لقطوتي فله فهي مزاااااجيه عالآخر ودايما رافعه خشمها علينا واكثر وقت تعصب فيه لما أشيلها غصب ولما اجيبلها قطو ذكر وألعب معاه تغار وتعصب علي واذا مسكتها تبخ علي وترفع ايدها واطقني :) |
رد: سلسلة خبراتنا: الغضب
ولكم مشرفتنا دومينيك :)
يحليله دمدم اسم الله عليه طلع مو هين .. :p بقولكم عن قطوي MANGO .. مانقو من يوم ما كان عمره اسبوعين (لما خذيته) كان شخصيه قوية بالنسبه لباقي القطط و ما يحب اي قطو يشاركه البيت .. كان غير عن القطط اللي مروا علي و بنفس الوقت قلبه طيب .. و يحب الناس حيل .. و بالنسبه لموضوع الغضب .. لما يعصب ما يغشمر :D مثلاً مره كنت أغير الرمل و لما خلصت منه يبت القطو و كنت بحطه فيه و بالغلط حطيته على الطرف و أطرافه ضغطت على طرف الصندوق و انكب الرمل كله على راسه و اذانيه و عيونه .. انا اخترعت لأنه خفت يحرق عيونه و حاولت اوخره كله .. و هوا بعد يحاول يوخره .. و أول ما راح كل الرمل شفته يخزني بصمت و فجأة و هجم و طلع حرته كلها ما بقى عض ما بقى تشمخ (انا ما قمت اقص مخالبه) عباله ان آنا قاصده أأذيه .. بس شوي و رجع حق طبيعته طيب و مسالم :o هالشي اعتبره ميزة فيه انه ياخذ حقه على طول ماودي يكبت عشان لا يكتئب أو يضيق خلقه .. و مشكووورة دومينيك :) |
رد: سلسلة خبراتنا: الغضب
مشكووووووووووورة على الموضوع
وانتظر منك كل المزيد بدون ان احكي عن قطوطاتي |
رد: سلسلة خبراتنا: الغضب
والله مواقف مضحكه وتعصب بنفس الوقت
يعني شنو يتبرز على سريرك ... يا للهول شنو هذى بصراحة قوية هذى يبقالها عقاب ومو اي عقاب عسير بس الله يخلي لكم قططكم وبصراحة مواقف حلوووه واتخيل نفسي مكانكم وما اقدر اصبر هالصبر ما شاء الله عليكم |
رد: سلسلة خبراتنا: الغضب
السلام عليكم,,
انا قطي.. لما ازعجه يبي يعاقبني.. بطريقه حلوه .... "يروح ينام ولايلعب معي يوم كامل!!!" مشكورهـ اختي دومنيك .. وننتظر الـ سلسلـهـ الـ3 *عالم الحيوان* |
رد: سلسلة خبراتنا: الغضب
خخخخخخخخخخخخخخخخخخ
الله يعينك عليه دوومنيك اما انا كان عندي اول قطوتين ميسوو وايكوو كلهم انثى بس كانو يعشقووون بعض مرررررررررررررررة لدرجه ان ميسوو اذا شافت وسخ على شعر ايكو تقعد تنظفه وتناام عندهاا خخخخخخخخخخخخخخخ الموهيم اذا جيت اعااقب ميسووو مثلا >> ضربتها بخفيف او رفعت صووتي تركضض عند ايكوو>> حبيبه قلبهاا وتضربها خخخخخخخخخخخخخخخ ياحبيلها هالميسو والله كانت ذكيه مررة والله كانت تصرفااتها مو زي القطاااوة .. الله يحفظهاا ياااااااارب ... وتسلمين عالموضووووع الحلوو |
رد: سلسلة خبراتنا: الغضب
شفتوا بدل لا انا اعاقبه قام اهوا يعاقبني :cool: قطاوة آخر زمن ميرسي جميعا على آراءكم وموقفكم نتمنى المزيد ميرسي . . . |
رد: سلسلة خبراتنا: الغضب
خخخخخخخ
موضوع حلو بصراحه ونترقب السلسلة ال3 |
| جميع الأوقات بتوقيت GMT +3. الساعة الآن 06:41 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو