|
أول يوم للببغاء الجديد( بالصور)
السلام عليكم ورحمة الله وبركاته تحية لجميع أعضاء المنتدى...... طبعا بعد شهر من ضياع ( يعقوب) ببغائي القديم، ماقدرت أظل من غير ببغاء أمس قررت ورحت اشتريت ببغاء جديد عجبني لأنه صغير وأليف، طبعاً خليتهم يقصون أجنحته( لأنه مو ناقصة يطير بعد):) أول ماجبته البيت قعدت معاه شوي وهو خايف ويجعر وبعدين خليته ينام إلى الساعة 8 الصباح جلست معاه وهو يجعروخايف ونظفت له القفص لين ماهدأ شوي وكل شوي اعطيه فول سوداني بيدي وياخذه ويرميه وفي النهاية اقتنع وأكلها وأنا جالسه جنبه;) هذي صورته في القفص [IMG]http://www.alsafa.net/vb/uploaded/1015_01197629389.jpg[/IMG] وبعدين فتحت القفص طبعاً وأنا مترددة أفتح أو لأ [IMG]http://www.alsafa.net/vb/uploaded/1015_01197629992.jpg[/IMG] [IMG]http://www.alsafa.net/vb/uploaded/1015_01197629214.jpg[/IMG] بعد ماطلع من القفص، ترددت أخليه يطلع على يدي أو لأ مع انه في المحل خلاه العامل يركب على يده ومسح على ظهره قدامي بس بصراحة ماتشجعت، لأنه كان متعود على العامل اللي في المحل المهم علشان أنا أتفادى انه يعضني:D ناديت الخدامة قلت خلها هي تجرب أول ويعضها :o [IMG]http://www.alsafa.net/vb/uploaded/1015_01197629519.jpg[/IMG] [IMG]http://www.alsafa.net/vb/uploaded/1015_11197629519.jpg[/IMG] بعدين تشجعت في النهاية وشلته على يدي:) [IMG]URL="http://www.alsafa.net/vb"]http://www.alsafa.net/vb/uploaded/1015_01197628821.jpg[/URL][/IMG] طبعاً هذا إنجاز بالنسبة لي اني شلته من ثاني يوم الأول اذا اشتريت ببغاء على الأقل اسبوع تظل داخل القفص ماأفتحه بس الشكر الأول والأخير أكيد للي علمه وخلاه يصير أليف هذا الشئ شجعني أكثر أبدأ معاه من اليوم طبعاً نسيت ماقلت لكم الإسم الجديد: أول شئ قلت يعقوب قالوا أهلي لألأ:confused: لازم تغيري الإسم وفكرنا في عدة اسماء: وديع، بديع، منير، Shriek، يوسف وفي النهاية قررنـــــــــــــــــا: آدم ياريت تعطوني رايكم في الإسم والببغاء ؟ |
رد: أول يوم للببغاء الجديد( بالصور)
واااي روعه والله بس قالو اللي صغير يكون عيونه كله سواد وهذا عيونه رمادي يمكن اكبر ما ادري والله
انا خاطري كمااان اشتري مثله بس ما حصلت كلهم سنه كبير وانا ابغيه صغيرررر عشان يتعود علي اذا كبير اخاف ما يتقبلني وعاشت اسامي حلووو اسمه |
رد: أول يوم للببغاء الجديد( بالصور)
ما شاء الله تبارك الله ببغاء في قمة الروعه وواضح انه صغير بالسن وواضح انك ماهرة في التدريب :) الله يديم عليك وعليه الصحة والعافية يا رب تحيّاتي لك |
رد: أول يوم للببغاء الجديد( بالصور)
مبروك عليك طير الجديد يا اختي العزيز ............و نرجوا من الله تعالى ان يحفضها ويحفض كل ببغاء من كل سوء...........وانشاء يعوضك على ببغائك يعقوب امين............. ومن ناحية الاسم احسن شئ اختاري اسم مدلع مثل {تو تو --بابو--شو شو ---نو نو --او احسن شي سميه {فهمي } لا نه شاطر ويفهم..وهو صغير عمره اقل من ثمن اشهر وهو كلش زين الان للتدريب الله يوفقيج وياها.......وتقبل مروري.........وتحياتي وتقبل مروري.... اخوك............ ديار يحب رمادي.......... |
رد: أول يوم للببغاء الجديد( بالصور)
ألف شكر لكم على الردود عالم الأمارات...... يارب في أقرب وقت تلقى لك ببغاء صغير مثل اللي في بالك انت دور شوي وأن شاءالله بتلاقي THE TAIF BOY...... شكراً لك..... بصراحة هو الببغاء أنا لما أخته كان مدرب ويركب على اليد.... يعني لو علي يمكن اخذت اسبوع أو أكثر علشان يركب على يدي:D مرة ثانية حابة اشكر اللي دربه وعلمه قبل ماأخذه ديار يحب الرمادي........الله يبارك فيك،بس فهمي؟؟؟؟؟:rolleyes: |
رد: أول يوم للببغاء الجديد( بالصور)
كيييييييييييوت والله ويتربى في عزك بس لا تنسين كل فتره تقصين جناحاته
|
رد: أول يوم للببغاء الجديد( بالصور)
ماشاء الله تبارك الرحمن أختنا الكريمة ببغاء رائع أسأل الله أن يحفظه ويقر عينك به ويعوضك به عن يعقوب أنا أرى أن تسميه وديع لأنه فعلا وديع :) |
رد: أول يوم للببغاء الجديد( بالصور)
ظريف
بس ليش ماتسمينو اسما دلع مو اسماء كبيره |
رد: أول يوم للببغاء الجديد( بالصور)
الأخت ... فان ما شاء الله ما شاء الله http://www.pusup.com/uploads/08e0af7df2.gif صراحة الطير شكله مرة حلو و فعلا عمره لسه صغير و بما أنه يركب على اليد يعني بداية ممتازة و إن شاء الله تفرحي به و الله يبارك لك فيه و صحبة طول العمر بإذن الله تعالى و مثل ما قال د - أحمد أرى بأن أسمه و ديع أو بديع أجمل من آدم و لكن الخيار الأول و الأخير هو لك و لأهلك و لكي مني خالص الدعوات بالتوفيق http://www.pusup.com/uploads/4dadcb14bc.gif |
رد: أول يوم للببغاء الجديد( بالصور)
رائد1...... شكراً لك، أكيد هذا الشئ مستحيل انساه أهم شئ قص الأجنحة:) د/ أحمد توفيق...... سعيدة جداً بمرورك على الموضوع ، وأن شاءالله يصير مثل يعقوب ولا يتعبني لمــــــــيا....... مشكورة على مرورك، بس ماأقترحتي علي أسماء؟؟ LiLi........ألف شكر لك على مرورك بالموضوع وأن شاءالله الله يوفقني فيه ويظل معاي على طول بخصوص الإسم: خلاص بكرة أن شاءالله بخلي أهلي يسوون تصويت مرة ثانية على: وديــــــــــــع أو آدمـ |
| جميع الأوقات بتوقيت GMT +3. الساعة الآن 05:36 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو