السلام عليكم ورحمة الله وبركاته


البارحه اكتشفت انتفاخ بسيط فوق العين اليمنى عند الكاسيكو مالي :(

واليوم الظهر وديته البيطري ..

كتب لي مرهم احطه له مره وحده في اليوم فوق عينه !!!
واستخدمه لـ 10 ايام وإذا ما نفع ارد اوديه مره ثانيه له !!

بس اللي خوفني ان المرهم مو مكتوب عليه انه حق لطيور :confused:

اسمه

Chan-Eye
Pink Eye Ointment

وعطاني بعد مضاد (بودره) احطه في الماي 8 ايام ..

بس سؤالي إذا احد جرب هالمرهم ؟؟
أو سمعتوا عنه ؟؟
وشتنصحوني فيه ؟؟؟؟

الصراحه خوفني شكل الدكتور ..
كأنه ماكان متأكد وهو يوصف لي الدواء !!!!


حتى مالمس الكاسكو !!
وهو في القفص تم يجوفه ويكتب لي الوصفه :confused:

الصراحه اول مره اجوف دكتور يخاف من طير يبي يفحصه :confused:

المشاركة الأصلية كتبت بواسطة المصرقعه (المشاركة 386835) والله ياليت اقدر اساعدك لكن ما باليد حيله وانشاء الله الاخوان والاخوات مايقصرون معك لكن وش هذا الدكتور اللي مايلمس المريض :confused: شي عجيييب والله يشفيه ان شاء الله في هذا الشهر الكريم

آمـــــين يارب
:(

الله يسمع منج ويشافيه :(

والله هذا البيطري الحكومي في البحرين ..

أول مره مرض الكاسيكو قبل كم شهر وديته بيطري خاص !!

ونفس الشي مافحصته الدكتوره كلش ولا لمسته !!!!

قلت هالمره باوديه الحكومي وبشوف شلون ..

للأسف نفس النتيجه :S

وانا بانتظار الاخوان يردون علي إذا عندهم خبره بهذي الامور

يعطيج العافيه على الرد

المشاركة الأصلية كتبت بواسطة كاسكو البحرين (المشاركة 386897) مرحبا لاتخافين عادةً فحص الطيور عند البياطرة جذي يكون يشخصون مرض الطير من خلال مشاهدتة وهو في القفص وأمراض الطيور معروفة من اول نظرة للدكتور فمافي داعي للخوف وماعليك الا اتباع كلام البيطري وإستخدام الوصف والطريقة الصحيحة

مرحبتين كاسكو البحرين

والله طمنتني بخصوص طريقة الفحص !!

ان شاء الله ينفع الدوا ويطيب الكاسيكو :(

تسلم الشيخ على الرد

المشاركة الأصلية كتبت بواسطة الجااارح (المشاركة 386910) اختنا الكريمة / Ba7rainiA وعليكم السلام ورحمة الله وبركاته ،،، فعلا كلام الاخ / كاسكو البحرين عين الصواب في العاده تعرف امراض الطيور من خلال النظر اليها بالعين المجردة دون الرجوع الى اساليب أخرى من تحاليل وما شابهها مثلنا نحن البشر وخصوصا انه ورم او انتفاخ كما تفضلتي .... وبالنسبة للعلاج الذي اعطاك اياه الدكتور اقرأي المكونات ودواعي الاستعمال فتستجدين دواعي الاستعمال مماثلة تماما ... مثال بسيط وحي : ذهب بطيري الى احد الاطباء البيطريين وكان به علة في ريشه واعطاني دواء خاص جدا يستعمله النساء :eek: فاستغرب منه وتعجبت كثيراً وعندما قرأت المكونات وجدتها وحده بوحده لمعالجة الطيور وتساقط الريش فهو يحتوي على مركبات فعاله وشخصيا مجربه من كم يوم ولازال الوضع ولله الحمد طبيعي ..... مع تمنياتي لك ولطائرك الصحه والعافية ،،،،

اخوي الجااارح

ماقصرت والله ..

طمنتوني الصراحــه ،، وبإذن الله تتحسن حالة الطير
:)

وبالفعل كلمتني صديقتي الحين وقالت ان الدواء هذا يستخدم في حالة الانتفاخ أو الورم

تسلم ياخوي على الرد

المشاركة الأصلية كتبت بواسطة عاشقة الطيور (المشاركة 387001) وعليكم السلام ورحمة الله وبركاته الاخوان والاخوات ماقصرو معاج .. بس حبيت اطمنج زياده واعطيج نصيحه سبق وان وديت سيكو للبيطري واعطاني مرهم على شكل ابره لـ5 ايام وقالي سبب الانتفاخ ولاحمرار حوالين عيونه يمكن يكون من الحر فأنصحج تحطينه في غرفه فيها مكيف بحيث المكيف مايي مباشره اتجاه الببغاء والله يشفي ببغائج

مشكووووووره اختي على الرد ..

بالضبط هذي هو المرهم ..
على شكل ابــره :D


وان شاء الله اييب نتيجه ويطيب حبيبي :(

بس انا دايماً اخليه في غرفه مكيفه وبعيد عن المكيف < طول اليوم جذي
بس وقت اللي بيرقد اخليه في غرفه مفتوحه عشان اييه هوا المكيف من بعيد وافتح له المروحه !!

لاني قبل كنت ارقده معاي في غرفتي ..
وايد بــرد وكان مسكين مزكم :confused: مع اني كنت اغطي القفص ماله !!

يعطيج العافيه على الرد
وهبي قرقاعون :D < تو الناس خخخخخخخ