منتديات تو زوو - درس كيف تخرج صورة قططك بشكل جميل

منتديات تو زوو (http://www.2zoo.com/vb/index.php)

- - درس كيف تخرج صورة قططك بشكل جميل (http://www.2zoo.com/vb/showthread.php?t=39138)

درس كيف تخرج صورة قططك بشكل جميل

السلام عليكم
مبارك عليكم الشهر و كل عام وانتو ابخير

طبعا انا ما صارلي فتره معاكم في المنتده الرائع شفت تعرفت فيه على اخوان و اخوات
واخذت منهم خبرات و بادلتهم ابخبرات وشفنى صور كثيره لقططكم وبصراحه كانت قطط جميله جدا جدا لكن الصور هضمت حق قططكم!! تدرون لماذا؟؟

في هذا الدرس راح اتكلم عن طريقت تقديم صور قططكم في منتهى الروعه
اول شي انا بنصح الكل انه ايروح يشتري كامره مو شرط اتكون غاليه المهم انه اتكون كامره تصوير مو كامرة موبايل لان كامرة المبايل مهما زاد البكسل راح ايكون فيه مشكله كبيره الا وهي ال ISOوهو مدى وضوح ونقاوت الصوره

http://www.c5c6.com/show.php?month=9...m_kjw53hzg.jpg

الحين بعد ما شريتو الكامره انروح حق الخطوه الثانيه الا وهي تصوير القط
وهني في طريقتين الاوله انكم اتصورون قطتكم واهيه في اي مكان يعني بالمطبخ وله نايمه وله قاعده تلعب

الطريقه الثانيه انكم اتحظرون مكان حق تصوير قطتكم بحين انكم اتحطون خلفيه ممتازه لتصويرو اتحطون مكان يقدر يقعد فيه القط مثل فراش نومه او فروه او اي شي ثاني ممكن ايحب يقعد عليه القط

ثالث شي اتحطون اضائه مناسبه حق التصوير عشان اتصورون بدون افلاش لانه الفلاش ايطلع اعيون القط فيه اضائه وهم الاضائه مهم في التصوير

اخير شي وبعد ما اتصور الصور دخل الصور في الكمبيوتر و ضبطهم في الفوتوشوب واذا ما اتعرف في الفوتوشوب شوف احد ايساعد استخدم برنامج بسيط في تعديل الصوره
وفي النهايه راح اتحصلون اصور جميله تفتخرون فيه و اتحبون انكم اتشاركون ربعكم و اخوانك في الصور

هذا مثال مني للقطط الي عندي و ياريت تعطوني رايكم

http://www.c5c6.com/show.php?month=9...m_sqee7pln.jpg
هذه مدام لويس طبعا انا وديته البيطري و حلقت شعره عشا جذيه اتشوفون شعره شويه بس ان شاءالله بس ايطول شعره ايبلكم صوره ثانيه حقه

http://www.c5c6.com/show.php?month=9...m_kr0jnq42.jpg

هذا الاستاذ روني الكسلان والي ماله خلق ايصور و كله يبي اينام

ان شاء الله ايكون الموضوع عجبكم
وان شاءالله اشوف تطبيقات على الموضوع
واذا احتجتو شي او عندكم اي استفسار انا حاضر

شاكر لكم مروركم
وعساكم على القوه