منتديات تو زوو - يا إخوان أفكر أشتري هامستر وأبي شوركم؟

منتديات تو زوو (http://www.2zoo.com/vb/index.php)

- سؤال وجواب لقسم هواة القوارض (http://www.2zoo.com/vb/forumdisplay.php?f=81)

- - يا إخوان أفكر أشتري هامستر وأبي شوركم؟ (http://www.2zoo.com/vb/showthread.php?t=37510)

يا إخوان أفكر أشتري هامستر وأبي شوركم؟

بسم الله الرحمن الرحيم

إخواني أنا أحب أربي حيوانات
وكان عندي ثعبان لكن الوالده الله يحظفها مستحيل إنها تشوف ثعبان في البيت يعني ياهي يا الثعبان في البيت وطبعاً هي ما قصرت رمت الثعبان في الشارع ولا لقيته بعدها .
المهم أني أ أفكر أشتري هامستر

لكن عندي أسئله
السؤال الأول
هل يسبب أمراض وهل له تطعيمات أو أي حاجه لا زم أو لابد أو يجب علي الإهتمام بها
السؤال الثاني
هل تسبب حساسيه للشخص وهل تنظيفه صعب وكيف طريقة تنظيفه؟
السؤال الثالث
كم يكلف أكله شهريا
السؤال الرابع
ممكن تذكرون لي الاماكن الي تبيعيها طبعاً في الرياض وأيش أفضل أنواعه وكم سعره
أتمنى إني الاقي عندكم الأجوبه

رد: يا إخوان أفكر أشتري هامستر وأبي شوركم؟

يا سائر ادخل هذا الرابط و عن الهامستر

http://www.2zoo.com/vb/showthread.php?t=3753

رد: يا إخوان أفكر أشتري هامستر وأبي شوركم؟

شكرا لك أخوي طيب كيف طريقة تنظيفه
وياليت الإجابة على السؤال الثالث والرابع

رد: يا إخوان أفكر أشتري هامستر وأبي شوركم؟

اخوي الهامستر انت تنظف مكانه بتغيير النشارة بالقفص اسبوعيا وهو راح ينظف نفسه

التكلفه علبة اكل الهامستر سعرها من 15 الى 10 ريال

والحب الشمسي تاخذه مره رخيص مو متذكر بكم

يعني الاكل ما يكلف كثير

بالنسبه محلات بيعه بالرياض اغلب المحلات عندها ومن بينهم سوق الحمام

واسعاره من 20 الى 75 للفرد على حسب المحل

وبالتوفيق بالتربية واي مساعده حاضرين

رد: يا إخوان أفكر أشتري هامستر وأبي شوركم؟

الهامستر السوري يتعفن بعد اسبوع والهامستر الروسي القزم لا تنظفه هو ينظف نفسه بحاله

انك تجيبله رمل خاص له يتنظف فيه

رد: يا إخوان أفكر أشتري هامستر وأبي شوركم؟

شكرا لك أخوي رعود وفارس
لكن عندي سؤال ثاني
كيف أفرق بين السوري والصيني والروسي
علشان ما ينضحك علي

رد: يا إخوان أفكر أشتري هامستر وأبي شوركم؟

بسم الله الرحمن الرحيم ،،

اخوي، أحب اقول لك ان الهامستر من الحيوانات الأليفة الي تتربى في البيوت ، و سهله جدا جدا تربيته ، لكن طبعا فيه انواع منه سهله و فيه انواع صعبة التربيه،،

الأنواع سهلة التربيه هي:

1- الهامستر السوري
2- الهامستر الروسي
3- الهامستر الروسي القزم ( مو متأكده من هذا النوع )

----------------------------------------

بالنسبة لسؤالك الأول

اقتباس:

هل يسبب أمراض وهل له تطعيمات أو أي حاجه لا زم أو لابد أو يجب علي الإهتمام بها

احب اقول لك انه ما يسبب أي امراض ولا حساسية ، لأن الهامستر اصلا مناعته ضعيفة فإذا مرض على طول يموت ...

----------------------

و سؤالك الثاني

اقتباس:

هل تسبب حساسيه للشخص وهل تنظيفه صعب وكيف طريقة تنظيفه؟

مثل ما قلت لك هو ما يسبب حساسية ، و مثل ما قال رعوود نظف القفص كل اسبوع و الهامستر راح ينظف نفسه ، و اذا حسيت ان الهامستر فيه ريحه كريهه ، ممكن تبخ عليه بخاخ يباع في محلات الحيوانات للتعقيم و ريحته حلوه ، و انا مجربته شخصيا مررره يعقم الهامستر و حتى ممكن تعقم القفص ، مره رهيب هذا المنتج ، و اذا تبغا تتعرف عليه شوف هذا الموضوع ::

.:: هــــــنا ::.

----------------------

سؤالك الثالث

اقتباس:

كم يكلف أكله شهريا

امممم ، على حسب عدد الهامسترات الي بتشتريهم يعني انا عندي هامسترين و ولدت الأنثى و جابت 5 فصار عندي 7 هامسترات، الى الآن كيسة الأكل ما خلصت من عندي، لأني ما اعطيهم دايما هذا الأكل ، يفضل انك تنوع لهم بالأكل، يعني تقدر تعطيهم اي شيء عندك ، لكن احذر من [ الحمضيات - الحلويات - اللحوم ]،،،

----------------------

سؤالك الرابع

اقتباس:

ممكن تذكرون لي الاماكن الي تبيعيها طبعاً في الرياض وأيش أفضل أنواعه وكم سعره

فيه عندك الحياة و الطبيعة ، و واحة الحيوان ، هذي المحلات الي تعجبني ، و سعر الهامستر في الحياة و الطبيعه بـ75 ريال ، انا شاريه زوج بـ150 ريال ، مرة حراميه صح؟؟

..............

و هذي صور الأنواع:

الصيني:

http://www.4nw.net/get-8-2007-4nw_net_41b3lzuc.jpg

-----------

السوري:

http://www.4nw.net/get-8-2007-4nw_net_65f25x9m.jpg

-----------

الروسي ( بصراحة ما لقيت في النت ، فحطيت صورة هامسترتي باشمينا ، بس اهم شيء تعرف شكل الجسم ، لأنه قريب من السوري لكنه اصغر شوي ، و مو مهم الوجه ) :

http://www.4nw.net/get-8-2007-4nw_net_wina1bru.jpg

-------------------------------------

يا رب أكون افدتك و قدرت اوصل المعلومه لك ^_^ ، و اي سؤال عن الهامستر انا حاضرة :D

رد: يا إخوان أفكر أشتري هامستر وأبي شوركم؟

السلام عليكــم ..

والله انا بـــعد محتارة مثلك اخوي ..

وهــذا موضوعــي :_
http://www.2zoo.com/vb/showthread.php?t=37482

وألــي يقدر يساعدني يتفضل ,, وشكرا

رد: يا إخوان أفكر أشتري هامستر وأبي شوركم؟

شكرا لك أخوي sugar وإجابات مفصله ورائعه

وبالنسبة لك أختي هاوية الكروان أنا أنصحك أنك تنزلين السوق وتسألين ولا تستعجلين وهذا الي أنا بسويه .

وشكر لكم جميعاً

رد: يا إخوان أفكر أشتري هامستر وأبي شوركم؟

وأنـا والله مـثلك . . . " :( "

بـس من كـثر قرآيتي لـبعض المـوآضيع وشوفتي للـصور ,,

عـجبني الـ ـروسي . . . " :cool: "

وان شاء الله الـيوم أشتريه . . . " :) "

والله يـوفقك .