|
سؤال مهم ... اللي يعرف لا يتردد بمساعدتي ..؟
السلام عليكم
سؤال ممكن يكون غريب لكنه مهم بالنسبة لي أقفاص الهامستر البلاستيكيه (( اللي فيها مغارات وملونة وجي )) كيف يتم تنظيفهاا ... ؟ هل يجب أخراج الهامستر من داخلها وتنظيفيها ... ؟ هل تملك هذهـ الأقفاص درج تحتي (( كالطيور )) ليتم تنظيف الأرضيــة ... ؟ (( طبعاً انا اقصد التنظيف العادي للأرضية ووضع نشارة الخشب ... واما التنظيف الشهري لازم تنظيف القفص كله + الأكسسوارات )) بليـــز اللي يعــرف لايتــردد لاني محتااااارهــ .. :confused: |
رد: سؤال مهم ... اللي يعرف لا يتردد بمساعدتي ..؟
اخوي اذا انت كنت مبتدئ و توك اتربي لك هامستر
ما انصحك بهاذي الاقفاص لأنها صععععبة التنظيف و يبيلها شغل اما عن الدرج فما اظن انه فيه درج كأقفاص الطيور و انصحك انك تشتري لهم قفص من دون مغارات و بدال المغارات حط اي شي مثل المغارات يعني مثل (رول النايلون ((السفرة)) اذا خلص)) و اتمنى انك استفدت شكرررررررررررررررررررررررررررررا |
رد: سؤال مهم ... اللي يعرف لا يتردد بمساعدتي ..؟
انا بنت ...
بس انا قلت البلاستيكي افضل احسسه انه في بيئته بعدين وااسع وحلوو العادي مهما ركبت فيه بيحس انه ممل شوي .. ! مااعرف والله انا محتاااااارهـ ابي البلاستيكي ... لانه وااايد متقن الصنع خصوصاً حق تربية الهامستر وابي العادي عشان انظفه وهو بالقفص بأول أسبوع لانه توه ماتعود علي اتمنى اللي يلقى لي حل يرد .... !! ومشكور اخوي عالمرور تسلم والله |
رد: سؤال مهم ... اللي يعرف لا يتردد بمساعدتي ..؟
هااي
اختي انا حقي مافيه مثل حق العاصفير وهاذي صورته [IMG]http://tiger2009ster.googlepages.com/IMAGdd0005.jpg[/IMG] الارضيه بلاستيك وحاط فوقها نشاره خشب انا اول مره اشتري همستر شكله حلو وتنظيفه سهل مررره انصحك تشترين مثل حقي :) وتنظيفه مايخذ منك إلا ربع ساعه وووبس |
رد: سؤال مهم ... اللي يعرف لا يتردد بمساعدتي ..؟
اهااااا
بس حبيبتي كيف أنظف الارضيه واحط نشارة خشب يديدهــ لازم اطلع الهامستر ... وابطل القفص كله او كيــف ...؟ قوليلي فديتــج ... !! وسوري عالأزعاج |
رد: سؤال مهم ... اللي يعرف لا يتردد بمساعدتي ..؟
انا عندي كرتون حاطه فيه مويه و خس اذا بغيت انظف القفص انقله له وبعدين ارجعه بس انا مسويه نظام يعني كل اسبوع انظفه بس انظف القفص واجيب قطن وامسح الهمستر وكل شهر اغسل القفص غسل بس صعبه كل اسبوع تغيريني نشاره الخشب صح انا ابي اروح الرياض بعد كم يوم واشتر المعطر حق نشاره الخشب يعني كل ماحسيت انه فيه ريحه حطيت المعطر بس اتوقع لازم تطلعين الهمستر اذا بغيتي تحطين المعطر لمدة خمس دقايق بس إن شاء الله تكونين فهمتي ياحلوه :) |
رد: سؤال مهم ... اللي يعرف لا يتردد بمساعدتي ..؟
اهااا
يعني لازم اطلعه واحطه بمكان ثاني على ماانظف القفص ماله ..!! مشكورهـ حبيبتي يعطيج العافية |
رد: سؤال مهم ... اللي يعرف لا يتردد بمساعدتي ..؟
صح كلام بنوتة كول وتوها ماشاء الله جديده في الموقع وخبيررررره
|
رد: سؤال مهم ... اللي يعرف لا يتردد بمساعدتي ..؟
ما عندي اي خبره
|
| جميع الأوقات بتوقيت GMT +3. الساعة الآن 05:18 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو