|
لخبراء البيت بول بغيت تدريبات للكلب
السلام عليكم ورحمة الله وبراكاتة
ابي اعرف تدريبات للبيت بول حق تقوية الفك وتقوية عضلات الجسم وشكرا |
رد: لخبراء البيت بول بغيت تدريبات للكلب
كم عمره اولا لو تسمع حق نقولك التدريبات الازمة
|
رد: لخبراء البيت بول بغيت تدريبات للكلب
لو تعطوني التدريبات من شهرين ولا اقل ورايح اكون شاكر لكم
وياريت الكل يتفاعل فل ردود |
رد: لخبراء البيت بول بغيت تدريبات للكلب
بسم الله الرحمن الرحيم
والله ياخوي في عمر الشهرين بس تلعب الكلب بــ القماش تخليه يعضها ويتعلق .. وفي عمر 9شهور او 8 شهور يتعلق بــ العلاق وبدون ارهاق له وتبتدي معاه تمرينات السحب بعد عمر السنه |
رد: لخبراء البيت بول بغيت تدريبات للكلب
بلنسبة لاخوانى كلامهم صح تفدر اتخلية يعض الشي مع اللعب معا في عمر شهرين ((( اذا عضاك او عاض اي شي ما تبية لا تضربة لان اذا كبر ما بعض كلة خايف تضربة )))) بل نسبة حق العضلا تقدر اتخلي كل مرة تطلع معا يركض اذا صار عمرة 4 شهور تقدر تودية البحر عشان يسبح اي مكان المهم يسبح و بعطيك خلطة سرية حق العضلات ( 2 بيض + حليب + سلسيس ( سندوش ) )
تخلط كلشي معا بعض و تاكلة الصباح و ليل و تقدر تعطية لحم مفروم عشان تقوى عضلاتة و تطلع لة و من يصير عمر سنة تقدر اتخلية يسحب اثقال و تبتدى من 10 كيلو و رايح او تقدر من 5 بعد و رايح |
رد: لخبراء البيت بول بغيت تدريبات للكلب
مشكورين على الردود
في موضوع قريته فل منتدى عن البيت بول واحد من الاخوان ذكر ان في شي تعطيه الكلب يوزع الاكل على العضلات ومب مذكر اسمة الكارين ولا الكارتين شي جذي!!!!!!!؟؟؟؟؟؟؟؟ والجلب لو عمره شهرين عادي اخلية يعض وارفعه، ولين يطيحون اضروسة ولا يطلعونه له اضروس عادي بعد ادربه هل تمارين ؟؟؟؟؟؟ والجلب اركضة فل 4 اشهور؟؟؟؟؟؟ وكم دقيقه اركضة تقريبا؟؟؟؟؟؟ وتمارين الجر اربط طابوقه ولا شي عادي في اي عمر؟؟؟؟؟؟ ومسامحه على الاطالة |
رد: لخبراء البيت بول بغيت تدريبات للكلب
اقتباس:
اخوي بنسبه حق الأكل هذا .. هذا دراي فود والله ناسي أسمه .. الكلب ألي عمره شهرين خله يعض ورفعه لاكن مو بخشونه يعني رفعه شوي ونزله او رفه وخله بينه وبين الأرض شبرن حتى لو فلت مايتعور في الطيحه والكلب بيبدل أسنانه في عمر الست شهور او الخمس شهور في هاذي الفتره .. حالياً بس دربه على القماش ويتعلق فيها اما بنسبه حق التركيض انا من جهت نظري تمشي وتركضه لاكن مو تتعبه يعني فكه خل يتمشى ويركض و و و و لان مو بأرهاق او تعطيه اكبر من اصتطاعته لأن توه جرو ومايصلح تتعبه وتمرنه بــ هذا العمر كم دقيه يركض والله على حسب ألي تبي لاكن ماتكون المده متعبه للكلب ترا هذا شي يأثر فيه بعدين .. أما بتمارين الجر ريض عليها لازم الكلب يعدي السنه بعدين تبتدي معاه .. انا من وجهت نظري انك تربط الكلب بصدريه وتخليه يسحب عشان هاذي الحركه بتشغل الجسم كله بيستخدم ايديه وفخوذه وقوته في الدفع يعني الفايده أياديه تشد جسمه يشد غخوذه تشد وتعض وصدره يشد ويتقسم وأياديه تعضل . وبتوفيق:) |
رد: لخبراء البيت بول بغيت تدريبات للكلب
مكورين على الردود ويعطيك العافية ((فايز))
|
رد: لخبراء البيت بول بغيت تدريبات للكلب
اخوي بحريني اذا تبي نصيحتي بخصوص الفك والجسم اول شي اطعم الكلب من صغره وركز على الفيتامينات والكالسيوم وفي عمر ال6 اشهر ابدء فيه كل هذي الشغلات اول شي فعمر ال6 اشهر لازم اتكون عضامه قويه طبعا من الكالسيوم وجسمه حلو مرتب من البروتينات وبخصوص تمرين الفك انته بتلعب مع الكلب من صغره بقماش نفس ماقالو الاخوان وفي هذي الحاله الكلب بيتعود انه يعض القماش وبيحاول يسحبه منك وانا مانصحك ترفعه من صغره فوق اكثر عن مره في اليوم عسب الانياب تطلع صح وفي عمر ال6 اشهر بيكون الكلب نفس ماقلت لك متعود على كل شي هني انته راح تبدء تلعب معاه سناره مادري والله شو يسمونه عندكم في البحرين لكن راح اوضح لك سناة الصيد انا قصدي اتخلي الكلب في مساحه واتمرنه يوميا مدة 15 دقيقه على حسب برنامجك مثلا 15 دقيقه سنارة 15 دقيقه في البحر 15 دقيقه مشي وراح يطلع لك كلب ولا اروع اذا طبعا سويت هذا كله واخر كلامي بخصوص السنارة لازم تربط كورة صفره صغيره الي يلعبون فيها تنس ارضي
|
رد: لخبراء البيت بول بغيت تدريبات للكلب
مشكور اخوي uae_pitbull
بس بغيت اسالك كم اسعار الكلاب عندكم في الامارات غالية ولا؟ ولو ماعليك امر تدليني امكان يبيعون فيهم جلاب واغراض الاجلاب في الشارجه ولا بوظبي ولا دبي بس يفضل الشارجه و بوظبي. ويعطيك العافية |
| جميع الأوقات بتوقيت GMT +3. الساعة الآن 06:05 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو