|
ما الحل في شعر القط ؟
السلام عليكم ما ادري اذا طرح الموضوع من قبل ولكن الصراحة شعر القطط مؤذي وحبيت اقص شعرهم ولكن المشكله انهم ما يحبون المقص - واذا قصيتهم يصير شعرهم خريطة العالم هذا بالاضافة الى بعض الاماكن من الاستحاله قصها خاصة عند البطن او مكان الخلف ( عزكم الله .....) هل في طريقة لقص الشعر او حتى في منوم مثلا عشان ينامون ونقص على راحتنا كلنا نعرف اذا وديناهم البيطري يقولك خليه يوم علشان يعطونها بنج ويقصون على راحتمهم هذي مشكلتى --- في احد عنده حل مريح ويعطيكم العافية |
رد: ما الحل في شعر القط ؟
شوفي انا دمدمو يخاف ويموت خوف لما اطلعه بالسيارة يصير اليف مسكين:cool: ولا حركة ولا كلمة ناخذه السيارة نلبسه ملابس ونلعب بحسبته :p وآخر مرة قصينا شعره بالسيارة لأنه مايتحرك هذا الحل الوحيد شوفي وين فيه قطوتج تخاف وماتتحرك ووديها وقصي شعرها على راحتج . . . |
رد: ما الحل في شعر القط ؟
والله انا ماجربت اقص شعر قطاوتي لوووول ماقدر افيدج بشي بس اللي شفته من البيطري لما وديتله فطريه اول مره يطعمها كانت فيها كتله شعر برقبتها قال بيقصها لها وكانت خااايفه فـ اهو هاوشها وقالها قعدي ( بعصبيه ) جان تقعد شحليلها لوووووول وقطوتي الثانيه بيطري ثاني هم بعد يبي يقص اظافرها لاني ماكنت اقدر عليها تخاف وتشمخ حطها بحضنه ويسولف عليها ولما تبي تقوم يهاوشها وتسكت وشحليلها ماسوتله شي .. واحنا طايحتله تشمخ لووووووووووول |
رد: ما الحل في شعر القط ؟
هلا بك برنسيسا
انا وديت قطوي سينزي للبيطري واهو عطاه بنج لانه مره عصبي وبوقتها قص له شعره وخذيته البيت وهو مبنج وصحى بعد ساعتين وهاي صورته بعد القص :) قصيت له قصه الاسد هههههههههه http://www.arb-up.com/get-8-2007-qug1wfiq.jpg وهذا هو بعد القص وش رايك :) |
رد: ما الحل في شعر القط ؟
Dominique يعطيك العافية على الرد والمشكله ان عندي 6 قطط وكل واحد له شخصيه مستقلة بذاته بس المشكلة عندي قطوتي مريانه تخاف من كل شي واذا خافت تعمل هستيريا CaTTy انا مو مشكلتي قص الاظافر هذا هين بس المشكله بقص الشعر والحلو اني اقدر اقص شعر القطاوه ما عدا مريانه ولكن ابي ان يكون القص مرتب مو خريطة العالم مثل ما قلت ابدووية كوول يا حلات القطو هذا بعد ما قصيتي شعره غسل نفسه بالغسالة بالنسبة للبيطري حبيبة قلبي -- انت عندج سينزي واحد وانا عندي ماشاء الله سته والمشكلة الثانية اني مرة وديت قطوتي نونو وقصوا شعرها ولكن بعد فترة ظهرت بعض البقع والجروح في جسمها واكتشفت ان نقل لها الفطريات وهذي سالفة ثانية اب طريقة تريحني وتريح قطاوتي ويكون القص مرتب |
| جميع الأوقات بتوقيت GMT +3. الساعة الآن 06:11 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو