|
أنتو شرايكم ؟
السلام عليكم ورحمة الله وبركاته
بسألكم عن موقع كويت أكواريوم يبعيون سمك بالنت منو جربه ؟ وشرايكم بأسعار السمك اللي فيه غالي والا يسوى لأن ودي أطلب منهم أريح من أني أروح سوق الطيور اللي عند سوق الجمعه صعب أروح هالمكان أنا خاطري فبلبل من فتره بس ما أقدر أروح لهم مكانهم بعيد وصعب بنت تروح له اللي عنده خبره بهالشغلات ياليت يفيدني وأكون شاكره له |
رد: أنتو شرايكم ؟
هذا الموقع نفسه مال محل رقم 7 بسوق الحمام
انا حسيته نصاب .. ونفسيه خايسه صراحه داخل المحلـ !! . بس ما ادري للحين ماجربت من الموقع اعتقد كله بحري عندهم ؟ بخصوص صعبه اتروحين لا والله الحين بنات اكثر من شباب بسوق الحمام !! وتراه محلات عاديه وكله امهات وعيالهم او بنات .... وويانا بعد بالمنتدى بنات ومشرفات مطيحين مناك لوووووووووووووول :p .. فعادي لاتخلين هالفكره براسج انه مكان بعيد |
رد: أنتو شرايكم ؟
والله كنت حاسه أنه السالفه فيها نصب علشان جذي قلت أستشيركم
شكرا لك عالنصيحه أما سالفة سوق الحمام توني أدري أنه في بنات هناك أنا رحت له من زماااان بس كان كله شباب ماكو بنات علشان جذي هونت ومارحت له كلش انزين سوق الحمام مبطل كل يوم والا بس الخميس والجمعه وشاكره لك ردك عالموضوع |
رد: أنتو شرايكم ؟
السلام عليكم
بالنسبه لموقع كويت اكواريوم غير عن اللي يقصده اخونا قطو كويتي كويت اكواريم انا شخصيا ماعرفه بس اتوقع انه مال المركز العلمي وعلى فكره المركز العلمي يبيعون اسماك بحريه رائعه وباسعار رمزيه حسب كلام الشباب وبالنسبه حق محل رقم 7 اللي بسوق الحمام فعلا نفسيه بس نفسيته على نفسه مو على الناس لان في ناس ماتبلع تعطيه بالقزمه(اعزكم الله) هذا بالنسبه حق نفسيته وبالنسبه حق سمج الماي المالح اتوقع انه من افضل وافهم الناس في هذا المجال (احواض الماي المالح) صج غالي بس مضمون احسن من النصابين الباجي وعلى فكره موقعه كويت اكوا مارين وليس كويت كواريوم. وبالنسبه لسؤالج عن سوق الحمام الاخو قطو كويتي قال رايه وانا احترم رايه بس بالنسبه لي انا مانصحج تروحين لانهم راح ينصبون عليج مليون بالاميه بودينار بيصير بخمسه هذا غير عيون البنقاليه اللي بتلاقط عليج واذا براسج بلبول ياختي وصيلج احد من اخوانج ولا احد من اهلج يروح اييبلج واحد , لا وربوه بعد وبالنسبه لاسعارهم قبل الانفلونزا كان الربوه بعشره والوحشي بدينار بعد الانفلونزا صار الربوه بعشرين والوحشي بدينار ونص دينارين للعلم ربوه يعني اليف ياكل من الايد ويامال العافيه |
رد: أنتو شرايكم ؟
amego
المركز العلمي يبيعون أسماك !!! مادري اذا الموقع تابع لهم أو لا بس أسعارهم غاليه جارتنا عندها حوض سمك وسألتها عن أسعار السمك كانت معقوله مع أن أسماكها غريبه وحلوه بس الموقع اللي بالنت كانت أسعاره غاليه أما سالفة البلبل موصيه خواني عليه بس عاد كل أسبوع يواعدوني الأسبوع اللي وراه أظن هالأسبوع بيكون ب 2008 :( شكرا لك عالمشاركه |
رد: أنتو شرايكم ؟
بالنسبه للموقع
انا ماعرفه عن شي و هذه اول مره اسمع عن وجوده ... بس مانصحج ابد انج تشترين منه بيبولج سمج تعبان و من ذوقهم ... الافضل انج انج تروحين و احسن وقت حق البنت تروح هناك اهو الصبح لانه السوق شبه خالي هالوقت بس طبعا خل واحد من اخوانج او الوالده تروح معاج و السوق يفتح من الصبح الى 8 بالليل كل يوم اميقو هذا موقع المركز العلمي http://www.tsck.org.kw/en/index.asp اما للبلبل ترا في رخاص و في غلايه ...اخر مره سئلت حصلتلي واحد ب5 بقفص مع 100 واحد غيره بس شكلهم نظاف و على فكره .. اذا بديتي بالسمج اغلى سمجه عندج لا تعدى الدينار ليمه اتعلمين عليهم |
رد: أنتو شرايكم ؟
lonely hunter
يفتحون من 8 الى 8 وكل يوم زين والله خوش ان شاء الله نروحله الصبح الله يعيننا عالحر مشكوووووووووووور عالأفاده |
رد: أنتو شرايكم ؟
اي صح عدل كويت مارين بس على فكره اهو نفسه صاحب كويت مارين :)
مره رفيجي طلب منهم وصفله رقم 7 !! ومثل ماقال صديقي لونلي هنتر المحل يبطل كل يوم مو بس خميس ويمعه من 8 الصبح 8بالليل وانا على فكره باجر الساعه 8 بروح سوق احمام باخذ سمج من SOME ONe مايبيهم + بشتري سمج مع الوالده :) .. روحي ولاتحاتين أي حزه وماعليج بس اخذي معاج احد خبره ولاينقص عليج بسهوله خاصه اذا شافوج كاشخه يدبلون السعر انا افاصل وياهم لي تلوع جبدهم لوول صرت مشهور مناك :> ادش يعطوني سعر رخيص اخذ بس مايبون يطولونها اهيا وقصيره وحياج اقين |
رد: أنتو شرايكم ؟
قطو كويتي
مافي أحد خبره العايله كلها تكره تربية الحيوانات بأنواعها وأنا لو ما الصدفه اللي خلتني أدش منتدى تو زوو جان للحين أكره الحيوانات أصلا يضحكون علي أهلي يوم قلت لهم بروح أشتري بلبل وحوض سمج وقمت أهتم بحديقتنا أما سالفة المفاصل بالسعر أنا بروحلهم بالنهار لو بيقول لي بعشرين السمجه ماني رادته من الحر الجو مايساعد على التفكير شكرا لك عالمرور |
رد: أنتو شرايكم ؟
على الفكره
المححلات مكيفه وتقدرين تفاصلين وياه لايقص عليج اانا ولونلي وجم عضو هني خبره قولليلنا شتبين بلضبط عشان نعطيج السعر من الحين؟؟ والسمج شنو نوع السمج الي تبينه |
| جميع الأوقات بتوقيت GMT +3. الساعة الآن 08:37 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو