منتديات تو زوو - قطي كسول .... قطتي ماتحب تلعب .... هل قطي مصاب بالملل ... تعالوا اقول لكم

السلام عليكم ...

من زمان وانا بكتب عن هالموضوع ..
وأكثر من مرة كنت بكتب عن هالموضوع برد من الردود وأقول ..
لا أحسن موضوع منفصل لتعم الفائدة ..

وبحثت بالمواضيع القديمة ومالقيت ذكر للي بتكلم عنه ..
ويمكن اكون اغفلت او ما انتبهت لو كان موجود فالسموحة ..

لاحظت عدد من الأعضاء يكتبون عن ((ثقل)) قطوهم او عدم مرحه او كسله او قلة لعبه ..
بأكثر من رد ...
وحبيت اقول لكم عن الكات نيب CATNIP
وانا مستخدمته شخصيا وأكثر من مرة وعلمت عليه صديقاتي ...
مفيد جدا للقطط الكسولة واللي تظن انها كبرت على سوالف اللعب ( اقصد القطط طبعا)

http://leatherbrothers.com/images/6720.jpg

ماهو او ماهي عشبة او نبتة الكات نيب
هي وببسااااطة .. نبتة من فصيلة النعناع..
ولكن سبحان الله ولحكمة لا يعلمها إلا الله تعالى
وجد العلماء ان للنبتة تأثير قوي وغريب على القطط فقط دون الحيوانات كلها ..!
و النبتة لها تأثير متشابه لكل انواع القطط من أصغر قطة
وحتى أكبر أسد .. سبحان الله
وليس لها اي سلبيات على صحة القط ..

قد تلاحظون مسمى catnipعلى بعض الالعاب الخاصة بالقطط

http://img.alibaba.com/photo/5009011...ith_Catnip.jpg
او اعمدة الخربشة او مايشابهها من لوح مصنوعة من ورق مقوى .. او تلاحظون
وجود كيس به هذه النبتة مطحونة ويطلبون رش القليل منها
بين الفترة والأخرى على العمود .. او يكتبون على اللعبة انها تحتوي على الكات نيب..

الكات نيب يظهر تأثيره على القطط البالغة اكثر من الصغيرة لأن القطط الصغيرة
لعوبة ونشيطة بطبيعتها.. وتأثيرها كالحشيش على الأوادم ... يعني بيكون عندك قط .. ومحشش !! لكن ماله تأثير سلبي على صحة القط ..

كيف يظهر التأثير..

لو ترشون القليل من النبتة على مكان تلاحظون القط يتحكك فيه وينسدح وتقلب عليه ..
وينصح برشه على اعمدةالخربشة حتى تشجع القط على استعمال العمود بدل الأثاث ..
http://upload.wikimedia.org/wikipedi...ip-effects.jpg

نفس الشي وانا سبق ذكرته بموضوع سرير القطط اني ارش شوي منها
على سرير قطقوطي حتى يحبه وينام عليه ..

ممكن تجيبون شرّاب قديم (جوارب) وتحطون فيه من هالنبتة..
وتقعدون طرفه اي تربطونه او تخيطونه وعطوه القط وشوفوا الهبال ..
او

قطعوا قماش مربعة توضع النبتة فيها وتصنع منها عقدة
http://cattoys.paintingpurrfection.c...atnip_knot.jpg
http://www.kittybags.com/singleknot.jpg
http://cattoys.paintingpurrfection.c...ndknotknot.jpg

او بهالطريقة
http://www.kittybags.com/newXLoctopus3.jpg
طريقة أخرى
http://www.catnipetc.com/images/Doubleknot.jpg

وبعدها القط او القطة بيغط بنوم عميق او ينسدح يرتاح... خذوا منه اللعبة ..
يعني لاتتركونها معاه على طول وخلوها بين فترة وفترة ..
لأن التأثير بيدوم من ربع ساعة إلى ثلث ساعة يعيشها القط في عالم النط واللعب والهسترة

http://www.best-cat-art.com/images/catnip-small.jpg
http://wolfangel.calltherain.net/images/sam-catnip.jpg

تباع المادة على شكل بخاخات رذاذ ( سبراي)
تباع على شكل بذور وانتوا تزرعونها ( بيئتها التربة الرملية الخفيفة والشمس )
تباع على شكل مجفف وطحون
ويبيعون منها محلول صابوني للفقاعات مثل مال اليهال
اللي يغطون شكل دائري بمحلول صابوني وينفخون بالدائرة وتطلع فقاعات كثيرة

طرق التخزين او الحفظ:

يفضل وضعه في علبة محكمة الغطاء .. وفي الثلاجة أو حتى الفريزر (المجمدة)
حتى لا تفقد خصائصها..

تأثيره على الإنسان :

ماله تأثير كتأثيره على القطط لكن النبتة معروفة منذ القدم بخصائصها العلاجية للانسان
وبأحد المواقع اللي كنت أبحث فيها عن صور له لقيت " يقال ان وراقه تستخدم كالشاي ..
وله إستخدامات طبية موسعة للرئة والرحم "
لذا يحذرون ان الحامل تستعمله ( أكل او شرب ) لأنه يساعد على توسع الرحم ..
سبحان الله

أسألوا المحلات التي تبيع مستلزمات القطط عن الـ CATNIP

قرأت مرة بمكان إن النبتة لها تأثير على الفئران والجرذ...
بأنها تتحاشى الأماكن اللي فيها هالنبتة !!( يمكن تدري ان فيه قط دام فيه هالنبتة !!!)

صور منوعة لمنتجات مختلفة للكات نيب
http://cattoys.paintingpurrfection.c...nip_Sticks.jpg

والتالية صورة محلول الفقاعات وبإذن الله جايبته جايبته ( تخيلوا الفكرة)
http://www.pet-dog-cat-supply-store....25b79b8b51.jpg

منقول للفائده
من الاخت Kitty Kat