باركوا لي اشتريت امازون بلوفرونتد
 

السلام عليكم

قبل 4 ايام قمت بشراء امازون بلوفرونتد واعتقد انه فرخ ولكن ليس انتاج مزارع لان الحجل من النوع اللي يمكن فتحه عن طريق برغي وهو ليس بأليف وليس وحشي وحسب خبرتي انه يمكن تعليمه وسوف اضع صور له لتخبروني اي نوع هو من البلوفرونتد وتحديد عمره.

واذا ممكن بعض النصائح من الخبراء لاني لأول مره اقتني فيها امازون وقبلها اقتنيت كاسيكو فقط

سعر الشراء 300 دينار بحريني اي مايعادل 3000 ريال سعودي.

وشكرا

http://im83.gulfup.com/jBVHmv.jpg

http://im83.gulfup.com/HwlXYO.jpg

http://im83.gulfup.com/42aJdz.jpg

رد: باركوا لي اشتريت امازون بلوفرونتد
 

الرجاء من المشرف حذف الصور لان حجمها كبير ولا استطيع التعديل على مشاركتي

رد: باركوا لي اشتريت امازون بلوفرونتد
 

هذه صور حجمها صغير

http://im44.gulfup.com/w8fe1T.jpg

http://im44.gulfup.com/xd6bZ2.jpg

http://im44.gulfup.com/MZiWbu.jpg

رد: باركوا لي اشتريت امازون بلوفرونتد
 

عليكم السلام ورحمة الله وبركاته,, الف مبروك على هالطير الجميل ماشاء الله ويتربى بعزك ان شاء الله وتفرح فيه وهو يتكلم,, بالنسبه للنوع هو بلو فرونتيد اتوقع النوع الجاكو وهو يعتبر الدرجه الاولى من البلو فرنتيد,, النصائح اتوقع انك خبير لان اللي ربى كاسكو بيكون عارف كل شي عموما الامازونيات اقل حساسيه من الكاسكو حاول تنوع له في الاكل يعني خلطة الحبوب البلجيكيه وتعطيه كل اسبوعين شوي فواكه طبعا بدون بذور يعني تعطيه مثلن ربع تفاحه تشيل البذور السودا لانها مضره وراقبه وحاول تككون قريب منه عشان يتعود عليك علمه كلمه سهله وكررها عليه بدون لاتزيد عليه اي كلمه ثانيه قبل لا ينطق الكلمه اللي انت تعلمه عشان مايتلخبط انتبه له من البرد وخاصه هالاوقات لا تروشه في مكان بارد واذا روشته انتبه ترش ماي على وجهه او خشمه عشان مايمرض حاول تعطيه جزر بالاسبوع مره يعني نص جزره كافيه عشان تساعده على ترتيب الريش مفيد جدا وفيه هنا في المواضيع تلقى الاكل الصحي للطيور تقدر بعد تستفيد منها كثير,, اتمنى لك التوفيق

رد: باركوا لي اشتريت امازون بلوفرونتد
 

بارك الله فيك اخي الكريم احلى حلم وراح اخذ بنصائحك ان شاءالله

ممكن احد يفيدني عن الذرة المطبوخة كل كم يوم اعطيها اياه لان ماشاءالله يحبها

وشكرا

رد: باركوا لي اشتريت امازون بلوفرونتد
 

ماشاء الله السعر عندكم بالبحرين ممتاز جدا
توه الحين واحد راسل لي صور فرخين واحد ب 4000 و الثاني محجل 4500 غاليين

رد: باركوا لي اشتريت امازون بلوفرونتد
 

اي الحمدلله مازالت بعض الأسعار معقوله