|
قطط تائهة
مرحبا يا اصدقاء
البارحه وانا اتصفح الموقع في مكتبي سمعت صوت ميااااااو ... شككت في نفسي (يمكن اتخيل من كثر ما احوس بالموقع):rolleyes: المهم لكن الصوت زاد وطلعت قطوه صغيره تقريبا شهر عند الباب ... جسمها كثير وسخ وفيها نقط سوده زي المعجون ..وعيونها ياحرام مقفوله فيها مثل الالتهاب ومنتفخه... طبعا كانت خايفه ودخلت المكتب اول ما فتحت الباب ...مسكتها بفوطه ومسحت عيونها بمويه ففتحتها...وكانت حمرا بالمره...اكلتها شويه جبنه كانت عندي ...اكلت شوي بعدين رفضت تكمل ... المهم حطيتلها كرتونه ووديتها المستودع ووصيت الحارس عليها ... اليوم جيت ولقيتها في نفس المكان وما اكلت شي من حق امس ... المهم عطيتها بالسرنجه سيرلاك وحليب ..وكنت ناويه احممها لكني شفتها خايفه مني بالمره فاجلت الموضوع ... لكني الحين محتاره ... اول شي بالنسبه لعيونها لان اليوم كمان كانت قافله ومسحتها فهل ممكن احط شي اساعدهها فيه مثل مويه وملح او ديتول مخفف؟او قطره معقمه من حقتنا؟ وبالنسبه للاكل ليش رافضه تاكل لحالها ؟ وهل احممها الحين ولا استنى عليها شوي؟ جاوبوني الله يخليكم.... ولاني ما اقدر اخذها البيت لان عندي خمس قطط وامي حالفه علي انقصهم ما ازيدهم:( فاذا احد حاب ياخذها هي في الخبر ترى يكسب فيها اجر ... وعلى فكره ترى لونها برتقالي مخطط يجنن ...;) جاوبوني في اقرب فرصه عشان اقدر اساعدها ومشكورين |
رد: قطط تائهة
دام امك ما ترضى ليش ماتعرضها للتبني ..؟
واذا ماتبي تقدر توديها البيطري ويعطيك مرهم لها ؛) |
رد: قطط تائهة
انا بعد اعتقد انو تعالجها اول عشان تكسب اجر بعدين تعرضها للتبني ..
|
رد: قطط تائهة
قطوه كويتيه...شكرا على مرورك...
المشكله اني ما اقدر اوديها البيطري ...وطبع اكيد بعرضها للتبني بس تخف شوي... بس لو اقدر اساعدها بالاشياء الي بالبيت خاصه عيونها ديتول او ملح او مطهر جروح .... واذا كان اقدر اسبحها عشان تنظف شوي... تراني جديده حياك ...وشاكره مرورك لواقدر اوديها ماراح اقصر بس ما اقدر... |
رد: قطط تائهة
وليه ماتقدر؟؟
|
رد: قطط تائهة
ليه ماقدر؟؟؟
هذي يبيلها تفصيل... اولا انامو انت انا انتي...عشان كذا ما عندي سياره خاصه..؟ وبعدين اهلي بالموت يودون قطاوتي ...اصلا ما يعترفون بالبيطري حق قطاوه شلون لو اودي قطو من الشارع ؟ يعني انتو ممكن تساعدوني لو تقولوللي دوا من الصيدليه ..البشريه تنفع حقه .. يمكن اوح الي بجنب بيتنا واجيبها...لان كل الصيدليات البيطريه بعيده كثير عننا ... ولو افحط ما يوديوني... والف شكر .... |
رد: قطط تائهة
علي الاقل ممكن تروحي صيدليه للادويه البيطريه تسالي هناك و اذا ما ينفع تروحي هاتي رقم تليفونهم و كلميهم اساليهم عن نوع دوا للانسان و يصلح لعيون القطط او ممكن هما يوصلولك الدوا بس لا تجربي فيها اي دواء بدون استشاره و ان شاء الله ربنا يجازيكي خير
|
رد: قطط تائهة
صح اتصلي في دكتور بيطري واستيشيريه في الدواء واي نوع وبعدين طرشي حد من البيت يجيب لج الدواء
وجزاج الله خير على الي تسوينه |
رد: قطط تائهة
يا جماعة هي حرة ما بدها تروح علدكتور البيطري
اكيد عندا ظروفها اعطوها حلول تانية والله لو انك من بلدي كنت تبنيتا بس للأسف ... |
رد: قطط تائهة
مرحبا
شكرا لك الي ردوا علي ...حلم بعيد ..الساحر candyman للاسف ...:( الحارس قام برمي القطه في الشارع لانها كما يقول كانت تبكي طول الليل وخاف منها... والله اني حزنت عليها وعصبت على الحارس الغبي ...يعني هالمسكينه ايش بتسويله بتموته..!!! والي يزعل اكثر اني اليوم كنت جايبه معاي وحده بتتبناها وبتعالجها... والله شي محزن ..الناس الي قلوبهم قاسيه .... اخ بس:( |
| جميع الأوقات بتوقيت GMT +3. الساعة الآن 02:32 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو