استفسار درة هندية
 

السلام عليكم ورحمة الله وبركاته يا جماعة الخير اشتريت ببغاء درة هندي على ما يقول البائع انه عمرة 5 الى 6 شهور لكن انا مستغرب انه الببغاء ماله صوت ابدا لا صفير ولا كلام ولا حتى جعير ولا اي شئ كاني مني مشتري كائن حي وحاليا انا حاطه في قفص وفي مكان هادئ نوعا ما لكن مافي اي صوت بيصدر منه قبل امس زوجتي قالت لي انه بداء يصفر كم صفرة حلوة بس عالية جدا تصحيهم من النوم :D لكن الحمد لله مو جعير هل هذة ممكن تكون بداية كلام او انه انكسر حاجز الخوف بينه وبيني لاني بصراحة ما اعرف متى يبداء الدرة بالكلام او حتى بالصفير ولاحظت حولين رقبته في نفس مكان الطوق الاسود للذكور البالغيرن اللون بداء يختلف نوعا ما عن باقي الريش ساير ازرق على تركواز قليييييييل يتلاحظ هل هذة علامة البلوغ وهل هوا ذكر على كذا ؟؟؟

علما انو اخر مرة طلعته من القفص كان خائف جدا ما يصارخ لكن كان يتعلق في الحدايد تبع القفص بشكل رهيب وما طلع معي بسهولة ولما طلعته ما يقعد على يدي يروح على القفص ويهرب مني طبعا انا لابس قلفز لاني حاس انه ممكن يعض وخايف من هذا الشئ

ممكن تفيدوني يا غالين لاني والله محتار خوفي انه ما راح يتكلم او يصفر او اي شئ:(

رد: استفسار درة هندية
 

اول 10 ايام ماراح يصفر ولا شي ممكن يصارخ بس .. مرتين ويسكت ع اول الصبح

بعدها راح يبدا يخربط بالكلام ويتكلم ..

رد: استفسار درة هندية
 

والله يا غالي هوا تقريبا له الان معايا 8 ايام لكن هل في هذا العمر ممكن يصفر ويتكلم ؟؟؟

رد: استفسار درة هندية
 

بصراحة صعب انه يتكلم لكنه ممكن يخربط بينه وبين نفسه يكلم نفسه مثل الطفل اللي ببداية تعلم الكلام

وانت حاول وياه مافي شي مستحيل

رد: استفسار درة هندية
 

مشكور يا غالي ما قصرت وانا توي اقراء لك كم موضوع عن الدرة ما شاء الله واضح لك خبرة فيه

الصراحة طائر جمييييييييييييييل يستحق العناء

بارك الله فيك يا غالي...