المكاو
 

السلام عليكم

اخواني خذت قبل يومين مكاو بلو اند قولد وماشاء الله الطير اليف وجرئ ماشاء الله ومن اول يوم تكلم وقال السلام عليكم والو وبابا وتعال وعمره تقريبا من 10-11 شهر فعندي شوي استفسارات منكم

1- الاحظ يتطاير زعب كثير من ريشه مع ان ريشه ماشاء كامل ومرتب

2 - الاحظ ريحته قويه ومنتشرة بالبيت فهل هالشي طبيعي

3- ولو فيه ملاحظات ثانية فياريت لاتبخلون علينا

رد: المكاو
 

هذه صور العين عشان تخبروني عمره التقريبي حسب خبرتكم

http://im81.gulfup.com/xbQc8L.jpg

http://im81.gulfup.com/2xxC9g.jpg

رد: المكاو
 

ما شاء الله طير جميل
و واضح من عيونه انه صغير
حافظ عليه
الزغب هذا طبيعي في هذا العمر يكون في تبديل للريش فطبيعي وراح يخف بعد مرور السنه الاولى
الريحه اكيد يبي يتروش لكن اصبر عليه يعتاد عليك شوي وبعدها روشه برشاش الماي مع وضع ماء الورد بدل الماي العادي
وايضا هناك رش اسبري حق الحشرات اللي بجسم الطير وله رائحه حلوه اسمه كي كي

وايضا التشميس وقت المغرب مفيد جدا للطير حيث ان فيتامين د
مصدره الوحيد الشمس
بالتوفيق
ونتمى منك وضع صور لطيرك بقسم البوم الصور

رد: المكاو
 

الف شكر لك اخوي مونيبات للرد والتعقيب

بالنسبة للاسبراي بدور بالمحلات لو لقيته كويس
وبالنسبة لماء الورد اخلطه مع الماء العادي ولا كله ماء ورد وهل ماء الورد ماله تاثير على الطير او ريشه ؟

وباذن الله بكره راح انزل الصور ان شاء الله

رد: المكاو
 

رد: المكاو
 

يعطيك العافية اخوي قوست مان
وكم نسبة الماء يكون مثلا ربع ماء ورد والباقي ماء عادي ؟
واسمحولي على كثر الاسئلة ههههه

رد: المكاو
 

ماء الورد لا يضر نهائي ويمكن للبشر حتى شربه
كما يمكنك ترويشه بماء الورد طبيعي جدا دون خلط واذ احببت التخفيف اذا نصف بالنصف
بالتوفيق

رد: المكاو
 

الف الف شكر اخوي ويعطيك الف عافية