|
أتمنى الإفادة
السلام عليكم ورحمة الله وبركاته
لدي استفسار وأتمنى منكم الأفاده مشكورين عندي جوزين متوالفين على الأخر ومن أربعة أشهر حيروني بشكل غير طبيعي طبعا الذكور واحد جاهز ولون الكير ازرق والثاني بنفسجي وهذا محيرني الإناث ابيض بزرقه خفيفه جداً من اعلى الكير والاحظ إحداهم بدا يميل للون الأصفر ما ادري هم يبغى لهم وقت او غير جاهزات بالرغم من مناوشات الذكور احيان للإناث طبعا ما أنكر ان فيه ازعاج بسبب النافذة المفتوحة وصوت السيارات المستمر امام المنزل وحاليا ابحث عن أزواج جاهزه ومنتجه بسبب نفاذ صبري للأسف ولا أنكر انني أفكر ببيعهم مستقبلا ان لم يتحسن الوضع الغريب في الموضوع وبهذا المنتدى ان الغالبية من الأعضاء يطالبون بالصبر عند تربية البادجي والى الأن لم افهم سبب هذه المطالبة وهل من المنطق ان اصبر في مثل حالة هذين الزوجين ؟! بانتظار آرائكم مع كامل الاحترام والتقدير للجميع .. |
رد: أتمنى الإفادة
اخوي الموضوع ابسط من الي انت متصوره
الطيور عندك تقول لهم 4 شهور وما صار شي طيب اذا الطيور على سبيل المثال اعمارهم 4 شهور معناتها يبيلهم 4 شهور من اجل البلوغ فقط فما بالك بالانتاج البادجي بس تفهمه يصير اسهل طيور انتاج بالكون انت بنفسك تقول في ازعاج بسبب النافذه المفتوحة وفي ذكر كيره بنفسجي يعني الاسباب موجوده اخي الكريم وطبيعي يكون في اسباب انت للحين مو عارفها انا نقلت الرياض قريب قبل 6 شهور وعملت لي غرفة طيور في السطوح انتهيت منها قبل 4 شهور واشتريت الطيور قبل 4 شهور فردات وانا ركبت الازواج والحين اغلبهم مابين فروخ وبيض وفر جميع الاحتياجات من هدوء واستقرار ووجبات محفزه وطيور جاهزه واذا ما صار انتاج ذاك الوقت تجي للخيار الاخير الي هو استبدال الطيور عشان نقدر نفيدك اكثر اتمنى ارفاق صور لطيورك لتحديد جهوزيتها وبالتوفيق |
رد: أتمنى الإفادة
شاكر لك ومقدر على تجاوبك وربنا يكون بالعون وراح نتحمل ونصبر وان شاء الله ارفق الصور بأقرب وقت احترامي وتقديري لك ياغالي |
رد: أتمنى الإفادة
العفو واي شي تحتاجه انا بالخدمة
والصبر ابداً مو هو الحل الصبر مطلوب .. ولكن مو الحل ولا الصبر الي انت متصوره مطلوب انت المفروض مو تقول راح اصبر المفروض تقول ايش انا غلطت فيه وايش لازم اعدل هل الطيور كل واحد بقفص لحاله؟؟ هل الاعشاش مركبه بالطريقة الصحيحه؟؟ الاعشاش في اعلى القفص ؟؟ المجاثم ثابته ام بلاستيكيه وغير ثابته؟؟ في اسأله واجوبه يجب البحث عنها والله يكتبلك النجاح وتشوف انتاجك باسرع وقت |
رد: أتمنى الإفادة
المشكله ان الوضع مهيآ من جميع النواحي كل قفص لحاله .. أعشاش بالأعلى ومركبه جيدآ .. مجاثم خشبيه .. تنويع بالأكل .. وجود فيتامينات .. اهتمام بالنظافه بشكل يومي .. حتى الشباك أغلقته ولا اجلس عندهم نهائيآ مع أني أحب التأمل كثيرآ .. صدقني يالغالي وضعهم محير من جميع النواحي عموما سيتم التواصل معك يالغالي عبر الهاتف شاكر لك على تجاوبك ولاخلا ولاعدم الله يحفظك |
| جميع الأوقات بتوقيت GMT +3. الساعة الآن 07:14 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو